JEREMI 39:8 - Bibəl ta Sar̄

⁸ Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

Bible sar

⁸ Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

JEREMI 39:8 Referans Kwoze

NEHEMI 1:3

Anī nin̄ tél ədamə̄n̄ na de gə̄ ní na ndin̄ na i gō nang kə́ Juda tə́. Banī ndin̄ na i dan yá̰á̰ kə́ to kum kaȳ aĺ kə́ ngá̰ý tə́ ō, kum rɔ̄sɔl̄ tə́ ō. Kə́ tām̄ yā ɓē kə́ Jerusalem tə́ ɓá anī ndogə̄ mbal̄ ń ənīn̄ dɔ tə́ ní dāmə̄n kə́rēý gə̄ na i kə́ tétə̄ nang tə́ kɔ̄ɔ́ ō, bápə gə̄ kə́ ta róbə gə̄ tə́ na i kə́ kəla hor dɔ tə́ kɔ̄ɔ́ ō.

JEREMI 38:18

Banī ré ī-teē āw̄ əsō kem jī de kə́ bo gə̄ yā mban̄g kə́ Babilon tə́ aĺ anī, ɓē ń toō a əsō jī Kalde gə̄ tə́ kadə̄ a əlan̄ hor dɔ tə́ ō, ḭ̄ ā ī-teē jīdə́ tə́ aĺ ō.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

AMOS 2:5

M-ā m-ə́la hor dɔ ɓē kə́ Juda tə́, adə̄ a o̰o̰ kújə́ kə́ majə gə̄ kə́ Jerusalem kɔ̄ɔ́.

NŌŌ RƆ̄ 2:7

Kɔ́ɔ̄ɓē mbātə́ loo tun̄ yá̰a̰ yān ō, kídə̄ loo kə́ táĺ yān ō. Ni-əla ndogə̄ mbal̄ gə̄ kə́ gidə kújə́ kə́ majə ngá̰ý gə̄ kə́ Siyo̰ tə́ kem jī madə̄ ba̰ā̰n tə́. Ndū de gə̄ ɓār̄ ngá̰ý kem kújə yā Kɔ́ɔ̄ɓē tə́, tītə̄ kə́ ndɔ̄ rāā nāā tə́ beē.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

NŌŌ RƆ̄ 1:10

Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem loo kə́ táĺ yān tə́.

JEREMI 37:10

Ngé rɔ̄ɔ̄ gə̄ malang kə́ Kalde tə́ ń ənīn̄sí rɔ̄ɔ̄ ní, ká ré ā ī-tetiīdə́ rɔ̄ɔ̄ gə̄gē anī, ngé gə̄ ń ton̄ kə do kum gərāá rɔ̄də́ tə́ kem kújə tandā yādə́ gə̄ tə́ ní, a ḭḭn̄ dɔɔ́ yā kəla hor dɔ ɓē ń toō tə́.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 34:2

Najə̄ ń Kɔ́ɔ̄ɓē, Nə́ɓā yā Israel əda ní n toó: Āw̄ ɔ̄r̄ najə̄ kə Sedekias mban̄g kə́ Juda tə́, ə́dan na: M-ā m-ə́la ɓē ń toō kem jī mban̄g kə́ Babilon tə́ kadə̄ a əla hor dɔ tə́.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

IJAI 5:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda adə̄ m-ōō ní n toó: m̄-túbə̄ kə rɔ̄ḿ, a nujən̄ kújə gə̄ ń noō malang kɔ̄kə́. Kújə́ kə́ bo kə́ majə gə̄ ń noō, deē a ndi kemeé alé.

2 YÁ̰A̰ GƏ̄ 36:19

De kə́ Babilon gə̄ əlan̄ hor dɔ kújə yā Nə́ɓā tə́ ō, tetən̄ ndogə̄ mbal̄ kə́ Jerusalem nang tə́ ō, tə́lan̄ hor dɔ kújə mban̄g gə̄ kə́ kemeé tə́ kɔ̄ɔ́ ō. yá̰á̰ kə́ gātə̄də́ i ngá̰ý gə̄ ní nujən̄neé kɔ̄ɔ́ malang ō.

2 MBAN̄G 25:8

Kem ɓāl̄ kə́ nge ko̰ kutə gidə i ndōhó ń Nabukodonosor ndiń mban̄g Babilon ní, kə ndɔ̄ kə́ nge ko̰ sīrí yā nāā kə́ nge ko̰ mí tə́ anī, Nebujaradan ngol ngé ngɔ̄m̄ mban̄g gə̄ ń ni i nge kəla yā mban̄g kə́ Babilon ní, udə kem ɓē kə́ Jerusalem tə́.

PĀ GƏ̄ 79:7

tɔdɔ̄ nin̄ təgān̄ yá̰a̰ yā Jakob malang, nujən̄ loo yān sák sák kɔ̄ɔ́.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

EJEKIEL 16:41

a tə́lan̄ hor dɔ kújə yāí gə̄ tə́ ō. Sarya ń i kə́ gān̄g dɔí tə́ ní, nin̄ a unən̄ yā rāań yá̰a̰ seí i tītə̄ ń noō ta kum kósə dəyá̰ madí kə́ ngá̰ý gə̄ tə́. M-ā m̄-gān̄g ta ndɔ̄ ájə́ba yāí kɔ̄ɔ́ ō, ā ásə kəgā ngé sāāí gə̄ to̰ aĺ ō.

EJEKIEL 23:47

Ī-tə́nīdə́ kə mbalá gēé ō, ī-tɔ̄līdə́ kə kaskaraá ō! Ī-tɔ̄lī ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō, ī-tə́laī hor dɔ kújə yādə́ gə̄ tə́ ō!

EJEKIEL 33:21

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i jōó. Kem ɓāl̄ kə́ nge ko̰ kutə gidə i jōó tə́, kem nāā kə́ nge ko̰ kutə tə́, kə ndɔ̄ nāā kə́ nge ko̰ mí, anī deē kógə̄ḿ kə́ teē ta yo tə́ dan ń taān̄ ɓē kə́ Jerusalem ní reē ədam̄ na: Ɓē əsō kɔ̄ɔ́!

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.