JEREMI 39:7 - Bibəl ta Sar̄

⁷ Gō tə́ anī, ni tɔ̄ɔ̄ kum Sedekias ba do̰ō̰n kə súl gində̄ nə̄ngá kasə kə́ kudə̄ naā tə́ jōó yā kaw̄ń seneé Babilon tə́.

Bible sar

⁷ Gō tə́ anī, ni tɔ̄ɔ̄ kum Sedekias ba do̰ō̰n kə súl gində̄ nə̄ngá kasə kə́ kudə̄ naā tə́ jōó yā kaw̄ń seneé Babilon tə́.

JEREMI 39:7 Referans Kwoze

EJEKIEL 12:13

Mā Kɔ́ɔ̄ɓē m-ā m-ə̄yā gūmbə̄ non tə́ ō, m-ā m-ə́hɔn ō. M-ā m-āw̄ seneé kem ɓē yā Babilon gə̄ tə́, banī ni a asə ka̰a̰ ɓē ní aĺ ō, ni a oy i noó ō.

JEREMI 52:11

Gō tə́ anī, Nabukodonosor tɔ́sə̄ kum mban̄g Sedekias tɔ̄ɔ̄ ō, do̰ō̰n kə súĺ gində̄ nə̄ngá kasə kə́ ɓír̄ gidə naā tə́ jōó ō. Mban̄g kə́ Babilon adə̄ aw̄n̄ seneé Babilon tə́ ō, ənīn dəngáyá bátə́ kadə̄ oyń ō.

2 MBAN̄G 25:7

Tə́jān̄ míndə ngán Sedekias gə̄ ta kumən tə́. Gō tə́ anī Nabukodonosor tɔ́sə̄ kumən tɔ̄ɔ̄ ō, do̰ō̰n kə súĺ kə́ rāā kə nə̄ngá kasaá adə̄ ngan̄g ō, ba əla seneé Babilon.

NGÉ SARYA 16:21

Pilistin gə̄ əhɔn̄ Samso̰ ba tɔ́sə̄n̄ kuməngə̄ tɔ̄ɔ̄n̄. Nin̄ aw̄n̄ seneé kem ɓē kə́ Gaja tə́, tṵ́ṵ̄nən̄ kə súl gində̄ nə̄ngá kasə kə́ kəga gidə naā tə́ jōó ba əndānən̄ ta kəla kusə ndujə̄ gémé tə́ kújə dəngáyá.

PĀ GƏ̄ 119:8

Yá̰a̰ gə̄ ń ī-ndang kadə̄ yā rāā ní m-ā m-ə̄ndā rɔ̄ḿ ta tə́ yā rāā. Ī-lōō kəya̰m̄ kɔ̄ɔ́ kə́ njɔ́ḿ gə̄ tə́!

JEREMI 20:4

Tɔdɔ̄ najə̄ ń Kɔ́ɔ̄ɓē əda ní n toó: Á̰a̰ā̰, m-ā m-ādə̄ yá̰á̰ kə́ to ɓōĺ ngá̰ý a əsō dɔí īkɔ́ tə́ ō, madí gə̄ tə́ ō. Madə̄ ba̰ā̰də́ gə̄ a tɔ̄lə̄n̄də́ kə kaskaraá kadə̄ ā á̰a̰ā̰ kə kumií. M-ā m-ə́la de kə́ Juda tə́ gə̄ jī mban̄g kə́ Babilon tə́. A əhɔdə́ dɔ gúú tə́ yā kaw̄ sedə́ Babilon ō, a tɔ̄l̄də́ kə kaskaraá ō.

JEREMI 34:3

Ḭ̄ ā ī-teē jīn tə́ alé. A əhɔnī kadə̄ ni a rāā yá̰á̰ ń kemən ndigə ní seí. Tasí a a̰a̰ naā kə Babilon ō, ni a ɔr̄ najə̄ seí kə taneé ō, ā āw̄ Babilon ō.

JEREMI 44:30

M-ā m-ə́la Parao̰ Hopəra, mban̄g kə́ Ejiptə kem jī madə̄ ba̰ā̰n gə̄ tə́, adə̄ i kem jī ngé gə̄ ń sāān̄ tɔ̄lən tə́ ní, tītə̄ ń m-ə́lań Sedekias, mban̄g kə́ Juda, kem jī madə̄ ba̰ā̰n Nabukodonosor tə́, mban̄g kə́ Babilon ń sāā tɔ̄lən ní.