JEREMI 39:5 - Bibəl ta Sar̄

⁵ Ngé rɔ̄ɔ̄ gə̄ kə́ Kalde tə́ ngɔ̄də̄n̄ gōdə́ ba aw̄ əhɔn̄ Sedekias kem wól loo kə́ Jeriko tə́. Əhɔ aw̄n̄ seneé Ribəla kem ɓē kə́ Hamat tə́, rɔ̄ Nabukodonosor mban̄g kə́ Babilon tə́, adə̄ gān̄g sarya dɔn tə́.

Bible sar

⁵ Ngé rɔ̄ɔ̄ gə̄ kə́ Kalde tə́ ngɔ̄də̄n̄ gōdə́ ba aw̄ əhɔn̄ Sedekias kem wól loo kə́ Jeriko tə́. Əhɔ aw̄n̄ seneé Ribəla kem ɓē kə́ Hamat tə́, rɔ̄ Nabukodonosor mban̄g kə́ *Babilon tə́, adə̄ gān̄g sarya dɔn tə́.

JEREMI 39:5 Referans Kwoze

2 MBAN̄G 23:33

Parao̰ Neko əhɔ ənīn dəngáyá kem ɓē kə́ Ribəla tə́ dɔ nang kə́ Hamat tə́. I beé n gír ko̰o̰ ɓē yān gāngəń ní. Parao̰ Neko gāng gində̄ arjā̰a̰ kə́ kɔȳn i kəlōo dūbú mətá ō, lɔ́r kə́ kɔȳn i kəlōo mətá ō, dɔ ɓē kə́ Juda tə́.

JOJUE 5:10

Ngán Israel gə̄ ndin̄ Gilgal. Nin̄ rāān̄ nāā Pákə ndágə loo gə̄ kə́ Jeriko tə́ kə ndɔ̄ nāā kə́ nge ko̰ kutə gidə i sɔ́, ta loo tíbə́ tə́.

JEREMI 38:23

A aw̄n̄ kə nə̄yá̰í gə̄ malang ō, ngání gə̄ ō rɔ̄ Kalde gə̄ tə́. Īkɔ́ ā a̰ȳ yā tɔȳdə́ aĺ ō. Mban̄g kə́ Babilon a əhɔī kə jīneé ō, a əla hor dɔ ɓē ń toō tə́ ō.

JEREMI 38:18

Banī ré ī-teē āw̄ əsō kem jī de kə́ bo gə̄ yā mban̄g kə́ Babilon tə́ aĺ anī, ɓē ń toō a əsō jī Kalde gə̄ tə́ kadə̄ a əlan̄ hor dɔ tə́ ō, ḭ̄ ā ī-teē jīdə́ tə́ aĺ ō.

JOJUE 4:13

De gə̄ kə́ ndin̄ dɔ rɔ̄də́ tə́ kɔ̄ɔ́ tām̄ yā rɔ̄ɔ̄ tə́ asən̄ dūbú kutə sɔ́ ń nuū, mānə̄n̄ no Kɔ́ɔ̄ɓē tə́ kə yá̰a̰ rɔ̄ɔ̄ gēé ba aw̄n̄ kum kə̄ ndágə loo gə̄ kə́ Jeriko tə́.

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.

NŌŌ RƆ̄ 1:3

Əhɔn̄ Juda aw̄n̄ seneé, ni i kə rɔ̄sɔlɔ̄ɔ́. Aw̄ i kə̄ ɓəloó. Ni-ndi i dan nápar de gə̄ tə́, adə̄ a̰a̰ loo ndi lɔm alé. Ngé rāā kumən ndoō tə́ gə̄ malang ngɔ̄də̄ əhɔnən̄ kɔgə̄ loo kógə̄ḿ tə́.

JEREMI 4:12

Néĺ kə́ əla kə tɔ́gɔ́ ngá̰ý ḭḭ nú a reē kum kə̄ dɔḿ tə́. Ngɔlaā ní, ta i dɔḿ tə́ tā, m̄-gḛy gān̄g sarya dɔdə́ tə́.

2 YÁ̰A̰ GƏ̄ 33:11

Loo ń noō tə́ Kɔ́ɔ̄ɓē rāā adə̄ ngol gə̄ yā ngé rɔ̄ɔ̄ gə̄ yā mban̄g kə́ Asiri reē rɔ̄ɔ̄n̄də́. Nin̄ əhɔn̄ Manase kə kuyú, tṵ́ṵ̄nən̄ kə súĺ gində̄ nə̄ngá kasə kə́ kəga gidə naā tə́ jōó, ba aw̄n̄ seneé Babilon.

2 MBAN̄G 25:6

De kə́ Kalde gə̄ əhɔn̄ mban̄g Sedekias aw̄n̄ seneé Ribəla rɔ̄ mban̄g kə́ Babilon tə́ ba ədanən̄ najə̄ ń mban̄g əda dɔn tə́ ní.

2 MBAN̄G 17:24

Mban̄g kə́ Asiri ɔy de kə́ Babilon gə̄ ō, kə́ Kuta gə̄ ō, kə́ Awa gə̄ ō, kə́ Hamat gə̄ ō, kə́ Separbaim gə̄ ō, reē tə́ndādə́ kem ɓē kə́ Samari tə́ gotə ngán Israel gə̄ tə́. Nin̄ taān̄ gō nang kə́ Samari ba ndin̄ tū tə́ kə̄ kem ɓē gə̄ tə́.

2 SAMUEL 8:9

Mban̄g kə́ Hamat ń rīn na i Toi ní, oō kadə̄ ngé rɔ̄ɔ̄ gə̄ malang yā Hadadejer i kə́ Dabid tetədə́ rɔ̄ɔ̄ kɔ̄ɔ́.

NGÉ SARYA 3:3

De gə̄ ń ni əya̰də́ adə̄ ndin̄ kem ɓēé ní i mban̄g kə́ mí gə̄ yā Pilistin gə̄ ō, Kanaan gə̄ malang ō, Sidon gə̄ kə Hibi gə̄ ń ndin̄ dɔ mbal̄ gə̄ kə́ Liban tə́ ní ō. Nin̄ əlan̄ gír ndi i mbal̄ Hermon tə́ bátə́ ugə̄ń Lebo Hamat.

JOJUE 13:5

Dɔ nang kə́ yā taā ɓáý to̰ i dɔ nang kə́ Gebal ō, dɔ nang Liban kə́ dām̄ kə́ gír ɓē tə́ ń a ɓārə́n̄ na i Baal Gad á i loo kə́ nja mbal̄ Hermon tə́ ní bátə́ teēń Lebo Hamat ō,

TƏ́DA 13:21

De gə̄ ní aw̄ əndān̄ ma̰ȳ dɔ nang kə́ Kanaan, əlan̄ gír kem dəla loo kə́ Sin tə́ bátə́ ugə̄nəń Rehob, kadə Lebo Hamat tə́

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 24:8

Banī Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń m-ā m̄-rāā kə Sedekias, mban̄g kə́ Juda ō, kə de kə́ bo yān gēé ō, kə gotə de kə́ Jerusalem tə́ gə̄ ō, kə de gə̄ malang ń tél ndin̄ kem ɓē ń toō tə́ ō, kə de gə̄ malang ń ndin̄ kem ɓē kə́ Ejiptə tə́ ō ní, i yá̰á̰ ń a rāān̄ kə kan̄ kótə̄ kə́ majaĺ gə̄ ní. I yá̰á̰ ń a rāān̄ kə ngé kə́ nel aĺ bátə́ gə̄ adə̄ dum kəsa ní n m-ā m̄-rāā sedə́ ní.

JEREMI 44:30

M-ā m-ə́la Parao̰ Hopəra, mban̄g kə́ Ejiptə kem jī madə̄ ba̰ā̰n gə̄ tə́, adə̄ i kem jī ngé gə̄ ń sāān̄ tɔ̄lən tə́ ní, tītə̄ ń m-ə́lań Sedekias, mban̄g kə́ Juda, kem jī madə̄ ba̰ā̰n Nabukodonosor tə́, mban̄g kə́ Babilon ń sāā tɔ̄lən ní.

JEREMI 49:23

Najə̄ kə́ tām̄ yā Damas tə́. Hamat ō, Arpad ō nin̄ i kə rɔ̄sɔlɔ̄ɔ́. I tɔdɔ̄ oōn̄ najə̄ kə́ majaĺ kógə̄ḿ. Kemdə́ ḭḭ huyuyu tītə̄ man̄ bā bo beé. Nin̄ ɓōlə́n̄ i ɓōĺ kə́ dum̄ ger̄ kum ō.

EJEKIEL 23:24

Nin̄ a ḭḭn̄ i dām̄ mbɔ́r ɓē kə́ ko̰ó̰ tə́ yā reē. A ndin̄ i dɔ púsə rɔ̄ɔ̄ gə̄ tə́ n a reēnəń ō, dɔ yá̰a̰ kal̄ kə́ tayā tayā gə̄ tə́ ō, a reēn̄ i kə ngé rɔ̄ɔ̄ kə́ ngá̰ý gə̄ ō. Nin̄ a utə̄n̄ gidə rɔ̄də́ i kə der gə̄ ō, kə jākā gində̄ gə̄ ō. Nin̄ a gīrīn̄ kə̄ ta gə̄ tə́. M-ā m-ɔ́jə́də́ najə̄ yāí ō, nin̄ a gāngə̄n̄ sarya dɔí tə́ i kə gō ndū najə̄ yādə́ gēé ō.

HABAKUK 1:7

I de gə̄ kə́ majən̄ aĺ ngá̰ý ō, ton̄ ɓōĺ ngá̰ý ō. I nin̄ kɔ́ gə̄ ngóy n i ngé kɔjə yá̰á̰ kə́ gōtə́ yādə́ gə̄ ō, ngé kɔjə yá̰á̰ ń tɔ́gə́də́ asə rāā ní ō.

IJAI 22:3

Ngol áskar yāí gə̄ malang a̰ȳn̄ naā malang ndɔ̄ naā tə́, ngé kur gərā gə̄ əhɔn̄də́ ɓəlo tə́. De gə̄ malang ń madə̄ ba̰ā̰ gə̄ əngen̄də́ ní, əhɔn̄də́ ɓəlo tə́ i naā tə́ malang, dan ń nin̄ a a̰ȳn̄ naā ní.