JEREMI 39:1 - Bibəl ta Sar̄

¹ Kem nāā kə́ nge ko̰ kutə yā ɓāl̄ kə́ nge ko̰ ndōhó tə́ ń Sedekias ndiń mban̄g Juda tə́ ní, Nabukodonosor, mban̄g kə́ Babilon reē kə ngé rɔ̄ɔ̄ yān gēé malang gīrəń gidə ɓē kə́ Jerusalem.

Bible sar

¹ Kem nāā kə́ nge ko̰ kutə yā ɓāl̄ kə́ nge ko̰ ndōhó tə́ ń Sedekias ndiń mban̄g *Juda tə́ ní, Nabukodonosor, mban̄g kə́ *Babilon reē kə ngé rɔ̄ɔ̄ yān gēé malang gīrəń gidə ɓē kə́ Jerusalem.

JEREMI 39:1 Referans Kwoze

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

NDŪ NAJƏ̄ 28:36

Kɔ́ɔ̄ɓē a əlaī, ḭ̄ ō, mban̄g yāí ń ā ə̄ndā dɔí tə́ ní ō, jī nápar de gə̄ kə́ ḭ̄ gə̄gē, bɔbí gə̄gē ī-gerīdə́ aĺ tə́, kadə̄ ī-rāā kəla adə̄ ɓesə̄ kāgə̄ gə̄ kə ɓesə̄ mbal̄ gə̄ kem ɓē yādə́ tə́.

JEREMI 32:1

Kem ɓāl̄ kə́ nge ko̰ kutə ń Sedekias ndiń mban̄g Juda tə́ á i ɓāl̄ kə́ nge ko̰ kutə gidə i sɔ́sɔ́ yā Nabukodonosor ní, Kɔ́ɔ̄ɓē ɔr̄ najə̄ kə Jeremi.

JEREMI 34:1

Kɔ́ɔ̄ɓē ɔr̄ najə̄ kə Jeremi dan ń Nabukodonosor, mban̄g kə́ Babilon ō, ɓūtə̄ ngé rɔ̄ɔ̄ yān gə̄ malang ō, ənīn̄neé ɓē kə́ Jerusalem ō, ɓē gə̄ malang ń gīrə̄n̄ gidən ní ō rɔ̄ɔ̄ ní. Nabukodonosor ənīdə́ rɔ̄ɔ̄ naā tə́ kə ɓē ko̰o̰ gə̄ malang ń, ənīn̄ rɔ̄ɔ̄ Jerusalem ō, ɓē gə̄ malang ń a o̰o̰ ɓē dɔ tə́ ní ō kə gír de gə̄ malang ō.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

EJEKIEL 4:3

Gō tə́ anī ún gində̄ kə́ laa kógə̄ḿ ə̄ndā tītə̄ ndogə̄ gində̄ beé, dɔ dáńsí tə́ kə ɓē ní. Ə̄ndā kumií dɔ ɓē tə́ á̰a̰n sew: Ni i kə́ ənīnən̄ rɔ̄ɔ̄. I ḭ̄ n ə̄nīn rɔ̄ɔ̄ ní. Yá̰á̰ ń ī-rāā noó i yá̰á̰ kə́ yā tāań ngán Israel gə̄.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

EJEKIEL 33:21

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i jōó. Kem ɓāl̄ kə́ nge ko̰ kutə gidə i jōó tə́, kem nāā kə́ nge ko̰ kutə tə́, kə ndɔ̄ nāā kə́ nge ko̰ mí, anī deē kógə̄ḿ kə́ teē ta yo tə́ dan ń taān̄ ɓē kə́ Jerusalem ní reē ədam̄ na: Ɓē əsō kɔ̄ɔ́!

EJEKIEL 40:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə jōó gidə i mí kɔ̄ɔ́. Kem ɓāl̄ kə́ nge ko̰ kutə jōó gidə i mí tə́, ta kəla gír ɓāl̄ ní tə́, kə ndɔ̄ nāā kə́ nge ko̰ kutə, dan ngeé ń noō tə́ ní, taān̄ ɓē kə́ Jerusalem rāā ɓāl̄ kutə gidə i sɔ́ kɔ̄ɔ́, ndɔ̄ nəkɔ́ ń noō tə́ bang anī, Kɔ́ɔ̄ɓē əhɔm̄ kə ngangá ngá̰ý ba unəm̄ aw̄ seḿ nú.

2 YÁ̰A̰ GƏ̄ 36:17

Ta anī Kɔ́ɔ̄ɓē rāā adə̄ mban̄g kə́ Babilon reē ənīdə́ rɔ̄ɔ̄, tɔ̄l̄ ngé rɔ̄ɔ̄ yādə́ gə̄ bátə́ ugə̄ń kem loo kə́ táĺ yādə́ tə́ gə̄gē kə kaskaraá. Kumən o̰o̰n tām̄ yā balsáá tə́ aĺ ō, mandə tə́ aĺ ō, de kə́ tɔgə nājə̄ tə́ aĺ ō, de kə́ tɔgə ɓə́gá tə́ aĺ ō. Kɔ́ɔ̄ɓē əla yá̰a̰ malang kem jī mban̄g kə́ Babilon tə́.

JEREMI 6:6

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ī-tə́gāī kāgə̄ gə̄, ɔ́yiī nán̄g ādə̄ rāā dɔ naā tə́ bing kadə Jerusalem tə́, i ɓē kə́ rāānən̄ yá̰á̰ kə́ tōr̄ tām̄ majaĺ yān tə́, de kə́ kemeé gə̄ rāān̄ kum naā ndoō tə́ ngá̰ý.

JEREMI 52:1

Dan ń Sedekias ndi mban̄g ní, ɓālə̄n i kutə jōó gidə i kógə̄ḿ. Ni-o̰o̰ ɓē ɓāl̄ kutə gidə i kógə̄ḿ kem ɓē kə́ Jerusalem tə́. Rī kó̰o̰n na i Hamutal, ni i ngōn̄ Irmeya kə́ Libəna.