JEREMI 38:5 - Bibəl ta Sar̄

⁵ Mban̄g Sedekias tél ədadə́ na: Ni i kem jīsí tə́, mban̄g asə mbātə́ najə̄ tasí tə́ alé.

Bible sar

⁵ Mban̄g Sedekias tél ədadə́ na: Ni i kem jīsí tə́, mban̄g asə mbātə́ najə̄ tasí tə́ alé.

JEREMI 38:5 Referans Kwoze

2 SAMUEL 3:39

Urən̄ yibə̄ ngār dɔḿ tə́ adə̄ mā i ngār ɓá tā, ba ɓōólaā ní tɔ́gə́ḿ gətóo adə̄ de gə̄ ń noō, ngán Seruya gə̄ ń noō, dɔ́nɔ yādə́ tɔȳ yāḿ mā. Banī ādə̄ Kɔ́ɔ̄ɓē əgā nge kem ndul sɔɔ̄ń kem ndul yān.

Gōsə̄ najə̄ gə̄ 29:25

Ɓōĺ deē i yá̰á̰ kə́ a əyā gūmbə̄ no deē tə́, ba deē ń ənī kemən mámák adə̄ Kɔ́ɔ̄ɓē ní yá̰a̰ a rāān alé.

2 SAMUEL 19:22

Abisai ngōn̄ Seruya un najə̄ ɔr̄, ni-əda mban̄g na: Nge ń noō i yá̰á̰ kə́ asə kadə deē əya̰ń Simei ń ndɔ̄ĺ mban̄g ń Kɔ́ɔ̄ɓē ur yibə̄ ngar dɔn tə́ gə̄rānneé ní a?

1 SAMUEL 29:9

Akis tél əda Dabid na: m̄-ger̄ kadə̄ najə̄ gətóo dɔí tə́. Rɔ̄kum, nelə̄m̄ seí tītə̄ kə́ ḭ̄ i de kə́ dɔ rā̰ tə́ yā Nə́ɓā beé. Banī ngār gə̄ yā Pilistin gə̄ ədamə̄n̄ na kə āw̄ sejí ta rɔ̄ɔ̄ tə́ alé.

1 SAMUEL 15:24

Saul əda Samuel na: m̄-rāā majaĺ, tām̄ m̄-rāā yá̰á̰ ń Kɔ́ɔ̄ɓē ədam̄ ní aĺ ō, m̄-mbātə́ najə̄ gə̄ ń ḭ̄ ɔ̄r̄ seḿ ní ō. Tɔdɔ̄ m̄-ɓōĺ i de gə̄, adə̄ m̄-rāā i yá̰á̰ ń kemdə́ ndigə ní.

JEREMI 26:14

Tām̄ yāḿ tə́ tā anī, mā n i kem jīsí tə́ toó. Yá̰á̰ ń á̰a̰ī ta kumsí tə́ kadə̄ i kə́ majə ō, i kə́ gōtə́ ō ní, ī-rāāī seḿ.

JEREMI 37:17

Mban̄g Sedekias əla gōn tə́ adə̄ reē ba dəjen loo mundə̄ tə́ jəke kem kújə yān tə́ ədan na: Kɔ́ɔ̄ɓē əndā kəla taí tə́ aĺ a? Jeremi ədan na: Ni-əndā kəla taḿ tə́! Ni-əda ɓáý to̰ na: A əlanī jī mban̄g kə́ Babilon tə́.

DANIEL 6:16

Banī de gə̄ ní reēn̄ láẃ rɔ̄ mban̄g tə́ ədanən̄ na: Kɔ́ɔ̄ ɓē gə̄, ī-ger̄ majə kadə̄ kə gō ndū najə̄ yā Medə gə̄ ō Persə gə̄ ō ní, yá̰a̰ malang kə́ kɔgə̄ rāā, aláa kə́ yā rāā ń man̄g əda ní deē a tūr̄ alé.

DANIEL 6:17

Loo ń noō tə́ mban̄g əda kadə̄ aw̄n̄ kə Danieleé. Aw̄ ənīnən̄ bəlo ɓɔl gə̄ tə́. Mban̄g əda Daniel na: Nə́ɓā yāí ń ə́hɔ rɔ̄í tɔgə ī-na kə̄ loo rāā kəla yān tə́ ní, i ni ngóy n a asə kajiī.