JEREMI 38:4 - Bibəl ta Sar̄

⁴ De kə́ bo gə̄ ədan̄ mban̄g na: Ādə̄ jə-tɔ̄lī deē ń noō kɔ̄ɔ́, tɔdɔ̄ dan ń ɔr̄ najə̄ beé ní a rāā kadə̄ jī ngé rɔ̄ɔ̄ gə̄ ń na̰yn̄ kem ɓēé ō, jī de gə̄ malang ń ndin̄ kemeé ní ō a ur̄ wak kɔ̄ɔ́. Deē ń noō sāā kadə̄ de gə̄ ń toō ajən̄ alé. Ni sāā i kadə̄ yá̰á̰ kə́ to kum kaȳ aĺ tá rāādə́ ngóy.

Bible sar

⁴ De kə́ bo gə̄ ədan̄ mban̄g na: Ādə̄ jə-tɔ̄lī deē ń noō kɔ̄ɔ́, tɔdɔ̄ dan ń ɔr̄ najə̄ beé ní a rāā kadə̄ jī ngé rɔ̄ɔ̄ gə̄ ń na̰yn̄ kem ɓēé ō, jī de gə̄ malang ń ndin̄ kemeé ní ō a ur̄ wak kɔ̄ɔ́. Deē ń noō sāā kadə̄ de gə̄ ń toō ajən̄ alé. Ni sāā i kadə̄ yá̰á̰ kə́ to kum kaȳ aĺ tá rāādə́ ngóy.

JEREMI 38:4 Referans Kwoze

JEREMI 26:11

Ngé tun̄ yá̰a̰ gə̄ ō, ngé koō ta gə̄ ō, ədan̄ de kə́ bo gə̄ ō, de gə̄ malang kə́ kem ɓēé ō na: Majə kadə̄ deē ń toō oy. Tɔdɔ̄ ni-ɔr̄ najə̄ dɔ yá̰a̰ gə̄ ń a rāān̄ ɓē ń toō tə́ ní adə̄ sḭḭ̄ kɔ́ gə̄ ōōī kə mbīsí.

KƏLA RĀĀ 16:20

Nin̄-aw̄n̄ sedə́ no ngé rāā sarya gə̄ tə́ ba ədan̄ ngé sarya gə̄ na: De gə̄ ń toō sól̄yōn̄ de gə̄ adə̄ de gə̄ ndin̄ majə kem ɓē yājí tə́ to̰ alé. Nin̄ i Jipə gə̄ ō,

AMOS 7:10

Amasia ń i nge tun̄ yá̰á̰ kə́ kem ɓē kə́ Betel tə́ ní, əla kəla rɔ̄ Jeroboam mban̄g kə́ Israel tə́ tə́, ni ədan na: Amos sāā mbəreī kɔ̄ɔ́ dɔ kōr̄ kāgə̄ mbang kə́ Israel tə́ tə́. De kə́ kem ɓēé gə̄ asən̄ tə́gā tadə́ dɔ najə̄ kɔrə̄n gə̄ tə́ to̰ alé.

JEREMI 29:7

Ādī o̰o̰sí tɔdɔ̄ majə yā ɓē ń m-ə́wásí m-āw̄ sesí kemeé ní ō, ī-rāāī Kɔ́ɔ̄ɓē ɓɔ́ tām̄ yān tə́ ō, tɔdɔ̄ sḭḭ̄ ā ī-ndiī majə i kə ta kūl̄ majə yānneé.

NEHEMI 6:9

Nin̄ malang ní sāān̄ i kəla ɓōĺ kemjí tə́, kadə̄ tɔ́gə́jí ur̄ wak kadə̄ j-əya̰ ta kəla kɔ̄ɔ́. Kɔ́ɔ̄ɓē, ādə̄m̄ tɔ́gə loo kəla yāḿ tə́!

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

Teē Ngán Israel gə̄ 5:4

Mban̄g kə́ Ejiptə tél ədadə́ na: Moijə ō, Aaro̰ ō, ī-sāāī kɔr̄ ngán Israel gə̄ kɔ̄ɔ́ ta kəla yādə́ gə̄ tə́ i tām̄ rí tə́? Ī-tél āwī gogə́ ta kəla yāsí gə̄ tə́.

KƏLA RĀĀ 28:22

Ba jḭḭ jə-gḛy kadə̄ īkɔ́ ə́dájí yá̰á̰ ń ī-gír̄ ní kə taí. Tɔdɔ̄ jə-ger̄ kadə̄ kə gō loo gə̄ malang ní, de gə̄ ndigən̄ najə̄ yā gír ɓūtə̄ yāí ń toō alé.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

KƏLA RĀĀ 17:6

Ba dan ń nin̄-əngen̄də́ aĺ anī ndɔ́rə̄n̄ Jaso̰ ō, ngákó̰ó̰jí kə́rēý gə̄ ō, aw̄n̄ sedə́ no ngé ko̰o̰ ɓē gə̄ tə́. Nin̄-ədan̄ kə̄ dɔɔ́ ngá̰ý na: De gə̄ ń toō sól̄yōn̄ de gə̄ kə gō loo gə̄ malang kə́ dɔ nang tə́ laā. Ba ń toō ɓáa nin̄-reē ugə̄n̄ laā,

Najə̄ kə́ Majə yā Jeju ń Luk ndang ní 23:2

Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

ESDRAS 4:12

Kɔ́ɔ̄ɓē gə̄, Jipə gə̄ ń ḭḭn̄ looí reēn̄ loojí ní ugə̄n̄ Jerusalem, adə̄ majə kadə̄ j-ədaī ādə̄ ōō. Nin̄ gḛyn rāā ɓē ń de kə́ kemeé gə̄ dɔdə́ ngan̄g ngá̰ý ō, kemdə́ ndul ngá̰ý ō ní gogə́ rang. Ndogə̄ mbal̄ kə́ gidə ɓē ní tə́ ń i kə́ tétə̄ nang tə́ kɔ̄ɔ́ ní, nin̄ tél əndān̄ ngəran gogə́ rang ō, tél a əndān̄ ndogə̄ mbal̄ ní gogə́ rang ō.

2 YÁ̰A̰ GƏ̄ 24:21

Loo ń noō tə́ kósə de gə̄ oōn̄ naā dɔ Jakari tə́, anī mban̄g adə̄də́ ta róbə adə̄ tə́nīnən̄ kə mbalá ndágə loo kə́ gīr̄ gidə kújə yā Kɔ́ɔ̄ɓē tə́.

JEREMI 11:21

I tām̄ ń toō tə́ n Kɔ́ɔ̄ɓē ɔr̄ najə̄ kə́ majə aĺ kə de kə́ Anatot tə́ gə̄ ń ndigən̄ tɔ̄lī ní. Nin̄ ədan na: Ī-lōō koō najə̄ ta Kɔ́ɔ̄ɓē tə́ kəda, ré i beé aĺ ɓáa j-a jə-tɔ̄lī kə jījí.

JEREMI 18:23

Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

JEREMI 38:16

Tā anī mban̄g Sedekias ənī ndūn adə̄ Jeremi loo mundə̄ tə́ əda na: Tītə̄ ń Kɔ́ɔ̄ɓē ndiń kə kumneé noō ō, ajəńjí ō ní, m-ā m̄-tɔ̄lī aĺ ō, m-ā m-ə́laī jī ngé ndə̄ngāí yo tə́ aĺ ō.

JEREMI 38:25

Ré de kə́ bo gə̄ oōn̄ kadə̄ m-ɔ̄r̄ najə̄ seí ō, ré reē ədanī na: Ə̄nījí gotə najə̄ ń ə́da mban̄g ní ō, najə̄ ń mban̄g ədaī ní ō, ī-mundə̄jí yá̰á̰ kógə̄ḿ aĺ ō, ɓáa j-a jə-tɔ̄lī alé ní anī,

JEREMI 43:3

Ba na i Baruk, ngōn̄ Neriya n sə̄lān̄ dɔdə́ tə́ tām̄ ni ndigə kəladə́ kem jī Kalde gə̄ tə́ kadə̄ tɔlən̄də́ ō, kadə̄ əhɔn̄də́ aw̄n̄ sedə́ Babilon ō.