JEREMI 38:23 - Bibəl ta Sar̄

²³ A aw̄n̄ kə nə̄yá̰í gə̄ malang ō, ngání gə̄ ō rɔ̄ Kalde gə̄ tə́. Īkɔ́ ā a̰ȳ yā tɔȳdə́ aĺ ō. Mban̄g kə́ Babilon a əhɔī kə jīneé ō, a əla hor dɔ ɓē ń toō tə́ ō.

Bible sar

²³ A aw̄n̄ kə nə̄yá̰í gə̄ malang ō, ngání gə̄ ō rɔ̄ Kalde gə̄ tə́. Īkɔ́ ā a̰ȳ yā tɔȳdə́ aĺ ō. Mban̄g kə́ *Babilon a əhɔī kə jīneé ō, a əla hor dɔ ɓē ń toō tə́ ō.

JEREMI 38:23 Referans Kwoze

JEREMI 41:10

Ismael ɔy gotə de gə̄ malang ń na̰yn̄ Misəpa ní aw̄ sedə́. De gə̄ ní i ngáń ngār kə́ dəyá̰ gə̄ ō, de gə̄ malang ń ndin̄ Misəpa ɓáý ní ō, ngé gə̄ ń Nebujaradan, ngol ngé ngɔ̄m̄ dɔ mban̄g ɓɔ̄ɔ̄də́ kə Gedalia, ngōn̄ Ahikam, kadə̄ ngɔ̄m̄də́ majə ní ō. Ismael, ngōn̄ Netania, əhɔdə́ aw̄ sedə́ yā kəsōń gír Amon gə̄ tə́.

JEREMI 39:6

Mban̄g kə́ Babilon adə̄ tə́jān̄ míndə ngán Sedekias gə̄ ta kum bɔbə̄də́ tə́ Ribəla ō, adə̄ tə́jān̄ míndə ngār gə̄ malang kə́ Juda tə́ ō.

JEREMI 38:18

Banī ré ī-teē āw̄ əsō kem jī de kə́ bo gə̄ yā mban̄g kə́ Babilon tə́ aĺ anī, ɓē ń toō a əsō jī Kalde gə̄ tə́ kadə̄ a əlan̄ hor dɔ tə́ ō, ḭ̄ ā ī-teē jīdə́ tə́ aĺ ō.

2 MBAN̄G 25:7

Tə́jān̄ míndə ngán Sedekias gə̄ ta kumən tə́. Gō tə́ anī Nabukodonosor tɔ́sə̄ kumən tɔ̄ɔ̄ ō, do̰ō̰n kə súĺ kə́ rāā kə nə̄ngá kasaá adə̄ ngan̄g ō, ba əla seneé Babilon.

EJEKIEL 43:3

Yá̰á̰ ń m-á̰a̰ā̰ ní, to tītə̄ yá̰á̰ ń m-á̰a̰ā̰ kété dan ń Kɔ́ɔ̄ɓē reēń nujə ɓē kə́ Jerusalem tə́ ō, dan ń m̄-rāń kadə bā Kebar tə́ ní ō. Loo ń noō tə́ m̄-tétə̄ kejəḿ nang tə́ ō, m-ɔ́sə noḿ nang tə́ ō.

EJEKIEL 14:9

Yá̰á̰ kə́ rang ń asə rāā yá̰á̰ ɓáý to̰ ní n toó: Ré nge koō ta kógə̄ḿ ndúm̄, adə̄ i nəkɔ́ n tūr̄ najə̄ əda anī, kumən na i mə̄kɔ́ Kɔ́ɔ̄ɓē n m-ə́ya̰n adə̄ rāā yá̰á̰ ń noō ní. Ɓá tā ba m-ā m-ɔ́jə́ tɔ́gə́ḿ dɔn tə́ ō, m-ā m-ɔ̄rən kə̄ gogə́ kɔ̄ɔ́ dan Israel gə̄ ń i gír deē yāḿ gə̄ ní tə́ ō.

JEREMI 6:12

I de kə́ rang gə̄ n a ndin̄ kem kújə yādə́ gə̄ tə́ ní. Ndɔr̄ yādə́ gə̄ a télən̄ i ndɔr̄ yā de kə́ rang gə̄ ō, I de kə́ rang gə̄ n a ɓīīn̄ kə nə̄yá̰də́ gēé ō ní. M-ə́la jīḿ kə̄ dɔ de kə́ kem ɓēé gə̄ tə́. Najə̄ ń Kɔ́ɔ̄ɓē əda ní n noó.

JEREMI 32:4

Ə́da na Sedekias, mban̄g kə́ Juda na a teē jī Kalde gə̄ tə́ alé, banī na a əlanən̄ kə́ rɔ̄kum tə́ jī mban̄g kə́ Babilon tə́? Ni na a ɔr̄ najə̄ seneé kə taneé ō, na a a̰a̰n kə kumneé ō ní?

JEREMI 37:8

Kalde gə̄ a télən̄ yā reē, a ənīn̄ ɓē ń toō rɔ̄ɔ̄ ō, a əlan̄ hor dɔ tə́ ō.

JEREMI 38:24

Sedekias əda Jeremi na: Ādə̄ deē kógə̄ḿ oō gotə najə̄ ń j-ɔr̄ kə naá toō aĺ bátə́ anī ā óy alé.

JEREMI 39:5

Ngé rɔ̄ɔ̄ gə̄ kə́ Kalde tə́ ngɔ̄də̄n̄ gōdə́ ba aw̄ əhɔn̄ Sedekias kem wól loo kə́ Jeriko tə́. Əhɔ aw̄n̄ seneé Ribəla kem ɓē kə́ Hamat tə́, rɔ̄ Nabukodonosor mban̄g kə́ Babilon tə́, adə̄ gān̄g sarya dɔn tə́.

EJEKIEL 17:15

Banī mban̄g kə́ kijə ní mbātə́ ta mban̄g kə́ Babilon, adə̄ əla de gə̄ Ejiptə tə́, kadə̄ ɓē kə́ Ejiptə adə̄n sə́nda gə̄ ō, ngé rɔ̄ɔ̄ gə̄ ngá̰ý ō. Deē ń rāā yá̰á̰ ń noō ní a asə a? Deē ń rāā yá̰a̰ beé ní a asə kaw̄ kum kə̄ kété a? A̰ á̰, ni a asə teē kum tə́ alé, tām̄ ni-ra dɔ ndūn ń ənī tə́ ní alé.

TƏ́DA 4:18

Ī-lōōī rāā kadə̄ gír kaa gə̄ yā Kehat gə̄ gətóon̄ kɔ̄ɔ́ dan ngán Lebi gə̄ tə́.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

JEREMI 34:3

Ḭ̄ ā ī-teē jīn tə́ alé. A əhɔnī kadə̄ ni a rāā yá̰á̰ ń kemən ndigə ní seí. Tasí a a̰a̰ naā kə Babilon ō, ni a ɔr̄ najə̄ seí kə taneé ō, ā āw̄ Babilon ō.