Biblia Todo Logo
Bib sou entènèt

- Piblisite -




JEREMI 38:20 - Bibəl ta Sar̄

20 Jeremi tél əda na: A əlanī jīdə́ tə́ alé. Ōō ndū Kɔ́ɔ̄ɓē kem najə̄ gə̄ ń m-ɔ̄r̄ seí tə́ toō anī, yá̰a̰ malang a əsō naā tə́ majə ō, ā ī-teē ta yo tə́ ō.

Gade chapit la Kopi

Bible sar

20 Jeremi tél əda na: A əlanī jīdə́ tə́ alé. Ōō ndū Kɔ́ɔ̄ɓē kem najə̄ gə̄ ń m-ɔ̄r̄ seí tə́ toō anī, yá̰a̰ malang a əsō naā tə́ majə ō, ā ī-teē ta yo tə́ ō.

Gade chapit la Kopi




JEREMI 38:20
20 Referans Kwoze  

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.


Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.


Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.


Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.


Anī Pol tél ədan na: Ká na̰y i sḛ́ý beē aáā, ngá̰ý a̰á̰ā̰, kadə̄ Nə́ɓā rāā adə̄ i ḭ̄ ngóy alé, ba kadə̄ i de gə̄ malang ń a oōn̄ najə̄ kə́ taḿ tə́ ɓōólaā toó, kadə̄ ī-téliī ī-toī tītə̄ḿ mə̄kɔ́, ba kadə̄ i kə súĺ gə̄ ń jīḿ tə́ toō jīsí tə́ alé.


Ī-rāāī yá̰a̰ kə gō najə̄ ní, ba ī-lōōī koō kə mbīsí ngóy. Tɔdɔ̄ ré ā ī-rāāī i beé anī, ā ī-gólī i rɔ̄sí sḭḭ̄ kɔ́ gə̄.


I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.


I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.


Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.


Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.


Ní, m̄-rāāī ɓɔ́ ba ə́dádə́ na ḭ̄ na i ngōkó̰ó̰ḿ kə́ dəyá̰, ādə̄ rāānəń majə seḿ kə kūlīí ō, ādə̄ m̄-ndiń kə kumḿ kə ta kūlīí ō.


Á̰a̰ ngōn̄ ɓē kə́ dūú ń noō a? M-ásə ka̰ȳ kugə̄ tū tə́ tɔdɔ̄ i ngɔr. Ə́ya̰m̄ ādə̄ m̄-ɓɔ̄ɔ̄ rɔ̄ḿ tū tə́ m̄-ndiń kə kumḿ, tɔdɔ̄ i ngōn̄ ɓē kə́ dūú.


Yá̰á̰ ń m̄-dəjedə́ ní n toó ngóy: Ōōī najə̄ yāḿ anī m-ā m̄-téĺ Nə́ɓā yāsí ō, sḭḭ̄ ā ī-téliī gír deē yāḿ gə̄ ō. Ré úniī gō róbə́ ń m̄-rāā tām̄ yāsí tə́ ní anī, ā ī-ndiī majə.


Ba nin̄ mbātə́n̄ koō ndūḿ, nēlə̄n̄ mbīdə́ alé. Náā nəkɔ́ ɓáa rāā dɔ ngan̄g adə̄ al̄ naā kə̄ non tə́. Tā a m-ādə̄ yá̰a̰ malang ń najə̄ kə́ dɔ madə̄ naā ń toō tə́ mēr̄də́ rāā á mbātə́n̄ rāā ní ɔdədə́.


Ba ré ī-mbātə́ teē anī, yá̰á̰ ń a rāā yá̰á̰ á Kɔ́ɔ̄ɓē rāā ta kumḿ tə́ adə̄ m-á̰a̰ā̰ ní n toó:


Bɔbə́ḿ ɔjəm̄ yá̰a̰ əda na: Ādə̄ kemií əhɔ najə̄ yāḿ, yá̰a̰ gə̄ ń m-ə́daī kadə̄ ī-rāā ní ī-ngɔ̄m̄, anī ā ī-ndi kə kumií.


Ī-rāā yá̰á̰ ń m-ə́daī ní, anī ā ī-ndi kə dɔí dɔɔ́. Ī-ngɔ̄m̄ yá̰á̰ ń m̄-ndóōī ní tītə̄ loo ngɔ̄m̄ ngarā̰ kumií beē.


Najə̄ ń Kɔ́ɔ̄ɓē əda ngán Israel gə̄ ní n toó: Ré ī-gḛyiī ndi kə kumsí anī, i mā n majə kadə̄ ī-sāāmī ní.


Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.


Swiv nou:

Piblisite


Piblisite