JEREMI 38:17 - Bibəl ta Sar̄

¹⁷ Anī Jeremi əda Sedekias na: Kɔ́ɔ̄ɓē, Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: Ré ī-ndigə teē kaw̄ kəsō kem jī de kə́ bo gə̄ yā mban̄g kə́ Babilon tə́ anī, ā ī-teē ta yo tə́ ō, hor a o̰o̰ ɓē ń toō aĺ ō. Ḭ̄ ō, gír kojə yāí ō ā ī-ndiī kə kumsí.

Bible sar

¹⁷ Anī Jeremi əda Sedekias na: Kɔ́ɔ̄ɓē, Nə́ɓā kə́ tɔ́gən i ngá̰ý, Nə́ɓā yā *Israel, ɔr̄ najə̄ i tītə̄ ń toō beē: Ré ī-ndigə teē kaw̄ kəsō kem jī de kə́ bo gə̄ yā mban̄g kə́ *Babilon tə́ anī, ā ī-teē ta yo tə́ ō, hor a o̰o̰ ɓē ń toō aĺ ō. Ḭ̄ ō, gír kojə yāí ō ā ī-ndiī kə kumsí.

JEREMI 38:17 Referans Kwoze

JEREMI 27:12

Ba Sedekias, mban̄g kə́ Juda tə́ tā anī, m-ɔ̄r̄ najə̄ seneé tītə̄ ń toō m-ə́dan na: Ə̄nīī njúkə yā mban̄g kə́ Babilon tə́ míndə́sí tə́, ī-rāāī kəla ādə̄niī ni ō, gír deē yān gə̄ ō, anī ā ī-ndiī kə kumsí.

JEREMI 38:2

Najə̄ ń Kɔ́ɔ̄ɓē əda ní n toó Deē ń a ndi kem ɓē ń toō tə́ ní, a oy yo kaskar ō, yo ɓō ō, yo mo̰y ngāl̄bɔ̄gīí ō. Deē ń a teē yā kaw̄ nam̄ Kalde gə̄ anī, a ndi kə kumneé ō, a rāā rɔ̄nel̄ teē ń ni teē ta yo tə́ ní ō. Rɔ̄kum ni a ndi kə kumneé.

JEREMI 27:17

Ōōī najə̄ yādə́ aĺ bátə́. Ī-rāāī kəla ādī mban̄g kə́ Babilon tə́, anī ā ī-ndiī kə kumsí. I tām̄ rí tə́ á ī-ndigiī kadə̄ ɓē ń toō tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ní?

JEREMI 39:3

Tā anī, de kə́ bo gə̄ malang yā mban̄g kə́ Babilon, adə̄ i Nergal Sareser kə́ Simagir ō, Nebu Sarsekim ngol ngé kəla gə̄ kə ndogó mbangāá ō, Nergal Sareser kə́ ngol ngé rɔ̄ɔ̄ gə̄ malang ō, tá de kə́ bo kə́ rang gə̄ malang yā mban̄g ō, ndɔ́tə̄ aw̄ ton̄ ndágə loo kə́ bo kə́ kem ɓēé tə́.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

AMOS 5:27

I beé ní, m-ā m-ɔ́ýsí ba m-ā m̄-mān̄ sesí dɔ ɓē kə́ Damas tə́ yā kaw̄ sesí sa̰y. I Kɔ́ɔ̄ɓē ń əda najə̄ ń noō ní. Rīn na i Nə́ɓā kə́ kɔ́ɔ̄ dɔ rā̰ ō dɔ nang ō.

PĀ GƏ̄ 80:14

Bor̄ kə́ bembeé kə́ teē kem kuú reē nujə kāgə̄ nduú ní sák sák kɔ̄ɔ́ ō, dā̰ kə́ bembeé gə̄ əsan̄ mbīn nánáḿ kɔ̄ɔ́ ō.

PĀ GƏ̄ 80:7

Ḭ̄ ī-rāājí i yá̰a̰ kɔ̄l̄ naā yā madə̄ ɓējí gə̄ tə́ ō, madə̄ ba̰ā̰jí gə̄ rāān̄jí i kur̄ kəgō yādə́ tə́ ō.

1 YÁ̰A̰ GƏ̄ 17:24

A̰á̰ā̰, ādə̄ kənī míndə́ ní reē udə gíŕí adə̄ de gə̄ tɔ̄ȳn̄neé rīí ngándáńg. A ədan̄ na Nə́ɓā yā Israel, Nə́ɓā ń i Nə́ɓā kə́ tām̄ yā Israel tə́ ní i Kɔ́ɔ̄ɓē kə́ bo kə́ tɔ́gən i ngá̰ý. Ī-rāā ādə̄ gír kojə yā nge kəla yāí to ngándáńg ta kumií tə́.

Makətūbə̄ yā Job 23:13

Banī ni i de kə́ gír̄ yān i kógə̄ḿ beē ngóy, i náā n asə rāā kadə̄ ni əya̰ gír̄ yān kɔ̄ɔ́ ní? Ni a rāā i yá̰á̰ ń kemən gḛy ní ngóy!

ESDRAS 9:4

Banī de gə̄ malang ń a oōn̄ najə̄ yā Nə́ɓā yā Israel anī a ndewn̄ i mbéé ní kánə̄n̄ naā kə̄ dɔḿ tə́ najə̄ yā yá̰á̰ kə́ majaĺ ń ngé tél ɓəloó gə̄ rāān̄ ní tə́. Tɔ́gə́ḿ ur̄ wak adə̄ m̄-ndi nang tə́ bátə́ ugə̄ń kum mbang ndējə̄ yá̰á̰ kə́ loo tíbí tə́.

TA KƏLA 12:13

Ní, m̄-rāāī ɓɔ́ ba ə́dádə́ na ḭ̄ na i ngōkó̰ó̰ḿ kə́ dəyá̰, ādə̄ rāānəń majə seḿ kə kūlīí ō, ādə̄ m̄-ndiń kə kumḿ kə ta kūlīí ō.

2 MBAN̄G 25:27

Əhɔn̄ Joakin mban̄g kə́ Juda aw̄n̄ seneé Babilon. Ni rāā ɓāl̄ kutə mətá gidə i sīrí Babilon. Kem ɓāl̄ kə́ nge ko̰ kutə mətá gidə i sīrí tə́, kə ndɔ̄ kə́ nge ko̰ kutə jōó gidə i sīrí yā nāā kə́ nge ko̰ kutə gidə i jōó anī, Ewil Merodak mban̄g kə́ Babilon rāā kem ndaa seneé. Ni ɔrən dəngáyá kem ɓāl̄ ń ndiń mban̄g tə́ ní.

JEREMI 27:8

Nápar de gə̄ ō, ɓē ko̰o̰ ō ń mbātə́n̄ rāā kəla kadə̄ Nabukodonosor, mban̄g kə́ Babilon tə́ ō, mbātə́n̄ kənī njúkə yān míndə́də́ tə́ ō ní, m-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāā kadə̄ nəkɔ́ tɔ̄l̄də́ kə jīneé malang kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 40:9

Gedalia kə́ ngōn̄ Ahikam kə́ ngōn̄ Sapan túbə ba ədadə́ nin̄ ō, deē yādə́ gə̄ ō na: Ī-lōōī ɓōĺ kadə̄ Kalde gə̄ o̰o̰n̄ ɓē dɔsí tə́. Ī-ndiī kem ɓēé ō, ōōī ta mban̄g kə́ Babilon ō, anī ā ī-ndiī majə.

EJEKIEL 8:4

Kɔsə gɔn yā Nə́ɓā yā Israel teē hɔy kə̄ rɔ̄ḿ tə́ loo ní tə́, tītə̄ ń teēń hɔy kə̄ rɔ̄ḿ tə́ kété kem wól loo tə́ ní.

JEREMI 44:7

Ngɔlaā ní Kɔ́ɔ̄ɓē Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: I tām̄ rí tə́ á sḭḭ̄ kɔ́ gə̄ ī-rāāī rɔ̄sí yá̰á̰ kə́ tōr̄ kum kə̄ kété kété, bátə́ adə̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngáń kásə̄ gə̄ ō, a oyn̄ yā təgā Juda tə́ kanjə̄ kadə̄ gotə de gə̄ sḛ́ý ndin̄ kə kumdə́ ní.