JEREMI 38:16 - Bibəl ta Sar̄

¹⁶ Tā anī mban̄g Sedekias ənī ndūn adə̄ Jeremi loo mundə̄ tə́ əda na: Tītə̄ ń Kɔ́ɔ̄ɓē ndiń kə kumneé noō ō, ajəńjí ō ní, m-ā m̄-tɔ̄lī aĺ ō, m-ā m-ə́laī jī ngé ndə̄ngāí yo tə́ aĺ ō.

Bible sar

¹⁶ Tā anī mban̄g Sedekias ənī ndūn adə̄ Jeremi loo mundə̄ tə́ əda na: Tītə̄ ń Kɔ́ɔ̄ɓē ndiń kə kumneé noō ō, ajəńjí ō ní, m-ā m̄-tɔ̄lī aĺ ō, m-ā m-ə́laī jī ngé ndə̄ngāí yo tə́ aĺ ō.

JEREMI 38:16 Referans Kwoze

JEREMI 37:17

Mban̄g Sedekias əla gōn tə́ adə̄ reē ba dəjen loo mundə̄ tə́ jəke kem kújə yān tə́ ədan na: Kɔ́ɔ̄ɓē əndā kəla taí tə́ aĺ a? Jeremi ədan na: Ni-əndā kəla taḿ tə́! Ni-əda ɓáý to̰ na: A əlanī jī mban̄g kə́ Babilon tə́.

JA̰A̰ 3:2

Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

JEREMI 34:20

M-ə́ládə́ kem jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Nīńdə́ a tél yá̰a̰ kəsa yā yel̄ kə́ dɔ rā̰ tə́ gə̄ ō, dā̰ kə́ dɔ nang tə́ gə̄ ō.

TƏ́DA 27:16

Kɔ́ɔ̄ɓē Nə́ɓā, ḭ̄ ń ī-rāā de gə̄ malang ādə̄ ndin̄ kə kumdə́ ní, ə̄ndā deē kógə̄ḿ dɔ ngán Israel gə̄ tə́,

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

HEBƏRO 12:9

Ī-gírī dɔ bɔbə̄jí kə́ dɔ nang tə́ laā gə̄ tə́. Əndan̄jí yā tūrəńjí, anī jə-ɓōlíī ndíĺdə́. Majə kadə̄ j-əlaī dɔjí gíŕ tɔ́gə Bɔbə̄jí kə́ dɔ rā̰ tə́ kadə̄ tɔȳ yādə́, yā kadə̄ jə-ndiīń kə kumjí aĺ a?

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

KƏLA RĀĀ 17:25

Kəla yān i kəla kə́ deē a rāā kə jīneé aĺ ō, ni-gḛy i yá̰á̰ kə́rēý á kadə̄ deē adə̄n aĺ ō, tɔdɔ̄ i ni n i nge rāā kadə̄ de gə̄ malang ndin̄ kə kumdə́ ō, nge kəla koō kemdə́ tə́ ō, nge kadə̄də́ gotə yá̰á̰ kə́ rang gə̄ malang ō ní.

KƏLA RĀĀ 17:28

Tɔdɔ̄ i tītə̄ ń gōsə̄ pā yāsí kə́rēý gə̄ ədan̄neé ní: Jə-ndiī kə kumjí ō, jə-rāāī rɔ̄jí ō, jə-ndiī ō i kemən tə́. Nin̄-ədan̄ ɓáý to̰ na: Tɔdɔ̄ jḭḭ̄ i gír kaa kə́ kógə̄ḿ beē seneé.