Biblia Todo Logo
Bib sou entènèt

- Piblisite -




JEREMI 37:7 - Bibəl ta Sar̄

7 Najə̄ ń mā Kɔ́ɔ̄ɓē, Nə́ɓā yā Israel m-ə́dá ní n toó: Najə̄ ń ā ə́daī mban̄g kə́ Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

Gade chapit la Kopi

Bible sar

7 Najə̄ ń mā Kɔ́ɔ̄ɓē, Nə́ɓā yā *Israel m-ə́dá ní n toó: Najə̄ ń ā ə́daī mban̄g kə́ *Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā *Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

Gade chapit la Kopi




JEREMI 37:7
22 Referans Kwoze  

Jḭḭ tā anī, kumjí roō kɔ̄ɔ́ loo ngóō ta de kə́ yā kadə̄ reē dḭḭ̄jí tə́. Jə-nda loo ngɔ̄m̄ loo yājí gə̄ tə́ jə-ngóoń ta reē nápar de kə́ tɔ́gə́də́ asə kajəjí aĺ gə̄.


Mban̄g kə́ Ejiptə tə́ a asə rɔ̄ɔ̄ dɔn tə́ alé, ká ni reēń i kə ngé rɔ̄ɔ̄ kə́ ngá̰ý gə̄ ō, kə ɓūtə̄ de kə́ ngá̰ý gə̄ ō ní. Tɔdɔ̄ dan yā rɔ̄ɔ̄ tə́ anī, de kə́ Babilon gə̄ a əndān̄ ndogə̄ mbal̄ kə́ yā kənīń rɔ̄ɔ̄ ō, a ndērə̄n̄ bəlo gə̄ yā tɔ̄ləń de gə̄ ngá̰ý ō.


Mban̄g Sedekias əla Yehukal, kə́ ngōn̄ Selemia ō, Sepania nge tun̄ yá̰á̰ kə́ ngōn̄ Maseya ō, rɔ̄ Jeremi nge koō ta tə́ kadə̄ ədanən̄ na: m̄-rāāī ɓɔ́ ba ɔ̄r̄ najə̄ kə Kɔ́ɔ̄ɓē Nə́ɓā yājí tām̄ yājí tə́!


Ōō najə̄ ta Kɔ́ɔ̄ɓē tə́ tām̄ yājí tə́, tɔdɔ̄ Nabukodonosor, mban̄g kə́ Babilon ənījí rɔ̄ɔ̄, majanī Kɔ́ɔ̄ɓē a tél yā rāā yá̰á̰ kə́ yáā yān kógə̄ḿ tām̄ yājí tə́, yā tə̄ɓānneé kə gérger yānneé. Tā anī, Kɔ́ɔ̄ɓē ɔr̄ najə̄ kə Jeremi.


Banī ə́daī mban̄g kə́ Juda ń əlasí koō ta Kɔ́ɔ̄ɓē tə́ ní na najə̄ ń Kɔ́ɔ̄ɓē yā Israel əda ní n toó: Ḭ̄ ōō najə̄ kə́ kem makətūbə̄ ní tə́ majə.


Yá̰á̰ kə́ kadə̄ ngán Israel gə̄ əndānəń kemdə́ dɔdə́ tə́ to̰ a gətóo. Nin̄ a rāān̄ majaĺ ń i tūr̄ rɔ̄də́ kə̄ rɔ̄ de gə̄ kə́ Ejiptə tə́ ní to̰ alé. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.


Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.


Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.


Ngɔlaā ní i rí n nelī ngá̰ý kum róbə́ kə́ Ejiptə tə́, kadə̄ āw̄ ā̰ȳ man̄ bā kə́ Nil tə́ ní? I rí n nelī ngá̰ý kum róbə́ kə́ Asiri tə́, Kadə̄ āw̄ ā̰ȳ man̄ kə́ bāá ní?


Loo ń noō tə́ ḭ̄ ā ī-kán̄ jīí dɔí tə́ yā teēń. Rɔ̄kum, Kɔ́ɔ̄ɓē mbātə́ ngé gə̄ ń ə̄nī kemií ādə̄də́ mámák ní kɔ̄ɔ́. I beé n ā ī-teēń kum tə́ ní alé.


Mban̄g Sedekias əla Pasəhur kə́ ngōn̄ Malkiya ō, Sepania kə́ nge tun̄ yá̰á̰ ń i ngōn̄ Maseya ní ō rɔ̄ Jeremi tə́ yā kadə̄ ədanən̄ na:


Ɓūtə̄ ngé rɔ̄ɔ̄ gə̄ yā Parao̰ teēn̄ kɔ̄ɔ́ kem ɓē kə́ Ejiptə tə́. Kalde gə̄ ń gīrə̄n̄ gidə ɓē kə́ Jerusalem ní oōn̄ najə̄n anī, ɔrə̄n̄ rɔ̄də́ kə̄ gogə́ sa̰y.


Tā anī Kɔ́ɔ̄ɓē ɔr̄ najə̄ kə Jeremi nge koō ta ədan na:


Kem ndɔ̄ gə̄ ń toō ń Jerusalem ndiń kə rɔ̄sɔlɔ̄ɔ́ ō, dáyń dɔɔ́ ō ní, əga kemən dɔ yá̰á̰ kə́ majə ngá̰ý gə̄ malang kə́ kété gə̄ tə́. Dan ń gír deē yān gə̄ əsōn̄ kem jī ngé rɔ̄ɔ̄də́ gə̄ tə́ kanjə̄ kadə̄ deē kógə̄ḿ dḭḭ̄n ní, ngé rɔ̄ɔ̄n gə̄ a̰a̰nən̄ ba əgōn̄ dɔ tɔ́gən kə́ gətóó tə́.


Ba ngɔlaā ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā yá̰á̰ kə́ tōr̄ kə Parao̰, mban̄g kə́ Ejiptə. M-ā m̄-tētə̄ jīn jōó mbak kɔ̄ɔ́. Jīn kə́ to karī a to tītə̄ jīn kə́ tétə̄ kɔ̄ɔ́ beē. Loo ń noō tə́, m-ā m̄-rāā kadə̄ kaskar kə́ jīn tə́ teē əsō.


Mban̄g kə́ Ejiptə tə́ teē loo to̰ alé, tɔdɔ̄ əla gír i man̄ kə́ Ejiptə tə́ bátə́ ugə̄ń bā Opəratə tə́ ní, mban̄g kə́ Babilon taā yá̰a̰ malang ń kété i yā mban̄g kə́ Ejiptə ní jīn tə́ kɔ̄ɔ́.


A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.


I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.


Swiv nou:

Piblisite


Piblisite