JEREMI 37:5 - Bibəl ta Sar̄

⁵ Ɓūtə̄ ngé rɔ̄ɔ̄ gə̄ yā Parao̰ teēn̄ kɔ̄ɔ́ kem ɓē kə́ Ejiptə tə́. Kalde gə̄ ń gīrə̄n̄ gidə ɓē kə́ Jerusalem ní oōn̄ najə̄n anī, ɔrə̄n̄ rɔ̄də́ kə̄ gogə́ sa̰y.

Bible sar

⁵ Ɓūtə̄ ngé rɔ̄ɔ̄ gə̄ yā *Parao̰ teēn̄ kɔ̄ɔ́ kem ɓē kə́ Ejiptə tə́. Kalde gə̄ ń gīrə̄n̄ gidə ɓē kə́ Jerusalem ní oōn̄ najə̄n anī, ɔrə̄n̄ rɔ̄də́ kə̄ gogə́ sa̰y.

JEREMI 37:5 Referans Kwoze

EJEKIEL 17:15

Banī mban̄g kə́ kijə ní mbātə́ ta mban̄g kə́ Babilon, adə̄ əla de gə̄ Ejiptə tə́, kadə̄ ɓē kə́ Ejiptə adə̄n sə́nda gə̄ ō, ngé rɔ̄ɔ̄ gə̄ ngá̰ý ō. Deē ń rāā yá̰á̰ ń noō ní a asə a? Deē ń rāā yá̰a̰ beé ní a asə kaw̄ kum kə̄ kété a? A̰ á̰, ni a asə teē kum tə́ alé, tām̄ ni-ra dɔ ndūn ń ənī tə́ ní alé.

JEREMI 37:11

Dan ń ngé rɔ̄ɔ̄ kə́ Kalde tə́ gə̄ ɔrə̄n̄ rɔ̄də́ kɔ̄ó sa̰y rɔ̄ Jerusalem tə́ najə̄ ngé rɔ̄ɔ̄ gə̄ yā Parao̰ tə́ ní

JEREMI 34:21

Ba Sedekias, mban̄g kə́ Juda tə́ ō, de kə́ bo yān gə̄ ō, tā anī m-ā m-ə́ládə́ jī madə̄ ba̰ā̰də́ gə̄ tə́ ō, jī ngé ndə̄ngādə́ yo gə̄ tə́ ō, jī ɓūtə̄ ngé rɔ̄ɔ̄ yā mban̄g kə́ Babilon tə́ gə̄ ń ndɔ́tə̄n̄ kə gérger yādə́ ń gīrə̄n̄neé gidə ɓē ní i ngɔr ɓáý ní ō.

2 MBAN̄G 24:7

Mban̄g kə́ Ejiptə tə́ teē loo to̰ alé, tɔdɔ̄ əla gír i man̄ kə́ Ejiptə tə́ bátə́ ugə̄ń bā Opəratə tə́ ní, mban̄g kə́ Babilon taā yá̰a̰ malang ń kété i yā mban̄g kə́ Ejiptə ní jīn tə́ kɔ̄ɔ́.

JEREMI 37:7

Najə̄ ń mā Kɔ́ɔ̄ɓē, Nə́ɓā yā Israel m-ə́dá ní n toó: Najə̄ ń ā ə́daī mban̄g kə́ Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

JEREMI 37:6

Tā anī Kɔ́ɔ̄ɓē ɔr̄ najə̄ kə Jeremi nge koō ta ədan na:

EJEKIEL 17:17

Mban̄g kə́ Ejiptə tə́ a asə rɔ̄ɔ̄ dɔn tə́ alé, ká ni reēń i kə ngé rɔ̄ɔ̄ kə́ ngá̰ý gə̄ ō, kə ɓūtə̄ de kə́ ngá̰ý gə̄ ō ní. Tɔdɔ̄ dan yā rɔ̄ɔ̄ tə́ anī, de kə́ Babilon gə̄ a əndān̄ ndogə̄ mbal̄ kə́ yā kənīń rɔ̄ɔ̄ ō, a ndērə̄n̄ bəlo gə̄ yā tɔ̄ləń de gə̄ ngá̰ý ō.