JEREMI 37:21 - Bibəl ta Sar̄

²¹ Tā anī mban̄g Sedekias əda kadə̄ Jeremi rāā dəngáy i ndágə loo ngɔ̄m̄ ta kújə yā mban̄g tə́ ō, kadə̄ kə dɔ ndɔ̄ gə̄ anī kə adə̄nən̄ mápá kə́ gōr̄ kə́ kḭḭ róbə yā ngé kɔr̄ mápa gə̄ tə́ bátə́ kadə̄ mápa təgāń kɔ̄ɔ́ kem ɓēé malang. I beé n Jeremi ndiń ndágə loo ngɔ̄m̄ ta kújə yā mban̄g tə́ ní.

Bible sar

²¹ Tā anī mban̄g Sedekias əda kadə̄ Jeremi rāā dəngáy i ndágə loo ngɔ̄m̄ ta kújə yā mban̄g tə́ ō, kadə̄ kə dɔ ndɔ̄ gə̄ anī kə adə̄nən̄ mápá kə́ gōr̄ kə́ kḭḭ róbə yā ngé kɔr̄ mápa gə̄ tə́ bátə́ kadə̄ mápa təgāń kɔ̄ɔ́ kem ɓēé malang. I beé n Jeremi ndiń ndágə loo ngɔ̄m̄ ta kújə yā mban̄g tə́ ní.

JEREMI 37:21 Referans Kwoze

JEREMI 38:28

Jeremi ndi ndágə loo ngɔ̄m̄ ta kújə yā mban̄g tə́ bátə́ kadə̄ Kalde gə̄ taān̄neé ɓē kə́ Jerusalem.

JEREMI 38:13

Nin̄ ndɔ́rə̄n̄ Jeremi kə kəlāá teēn̄ seneé kɔ̄ɔ́ kem bəlo taā man̄ ndī tə́. Jeremi ndi ndágə loo ngɔ̄m̄ ta kújə yā mban̄g tə́.

JEREMI 52:6

Ɓō i ngá̰ý kem ɓēé. De gə̄ əngen̄ yá̰á̰ kə́ yā kəsa to̰ alé. Kə ndɔ̄ kə́ nge ko̰ ndōhó yā nāā kə́ nge ko̰ sɔ́ anī,

JEREMI 38:9

Ni ədan na: Kɔ́ɔ̄ḿ mban̄g, i yá̰á̰ kə́ majaĺ ngá̰ý n de gə̄ ń toō rāān̄ kə Jeremi nge koō taá ní. Nin̄ ənīnən̄ kem bəlo ta man̄ ndī tə́. Ɓō a tɔ̄lən kemeé, tɔdɔ̄ mápa gətóo kem ɓē.

JEREMI 32:2

Dan ń noō tə́ ní, ɓūtə̄ ngé rɔ̄ɔ̄ yā mban̄g kə́ Babilon tə́ gə̄ gīrə̄n̄ gidə ɓē kə́ Jerusalem, əhɔn̄ Jeremi nge koō ta əndānən̄ i ndágə loo ń ngé ngɔ̄m̄ ta kújə yā mban̄g kə́ Juda tə́ gə̄ ran̄ tū tə́ ní tə́.

IJAI 33:16

Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

2 MBAN̄G 25:3

Ɓō i ngá̰ý kem ɓēé. De gə̄ əngen̄ yá̰á̰ kə́ yā kəsa to̰ alé. Kə ndɔ̄ nāā kə́ nge ko̰ ndōhó yā nāā kə́ nge ko̰ sɔ́ anī,

Makətūbə̄ yā Job 5:20

Ni a taāī jī yo tə́ dan yā ɓō tə́. Dan ń rɔ̄ɔ̄ təngā ngá̰ý ní, ni ajiī ta yo kaskar tə́.

2 TIMOTE 2:9

Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

EPEJƏ 6:20

tām̄ mā i dəngáyá najə̄n tə́. Ī-ndɔ̄yī kadə̄ m-ɔ̄r̄ najə̄ kə́ dɔ tə́ kanjə̄ ɓōĺ tītə̄ ń i gáŕ kadə̄ m̄-rāań ní.

EPEJƏ 4:1

I beé ní, mā ń i dəngáy kə gō ɓoo naā yāḿ kə Kɔ́ɔ̄ɓēé ní, m̄-rāāsí ɓɔ́ kadə̄ háĺsí ndetə naā kə ɓār̄ ń Nə́ɓā ɓāŕsí ní.

KƏLA RĀĀ 28:30

Pol rāā ɓāl̄ jōó ta asə naā kem kújə́ ń ni-əhɔ tə́ ní. De gə̄ malang ń reēn̄ kəngen tə́ ní, ni-əhɔdə́ kə̄ rɔ̄n tə́ majə i kem kújə ngeé ń noō tə́.

KƏLA RĀĀ 28:16

Dan ń j-ugə̄ Rom anī, adə̄n̄ Pol ndūdə́ kadə̄ ndi kem kújə yān tə́ kə kérneé naā tə́ kə áskar ń əndānən̄ tan tə́ ní.

KƏLA RĀĀ 24:27

Rāā ɓāl̄ jōó anī Porsiyus Pestus reē kun gotə Peliksə tə́. Banī Peliksə gḛy kadə̄ nel̄ Jipə gə̄ seneé, adə̄ əya̰ Pol dəngáyá.

KƏLA RĀĀ 12:5

Adə̄ Piyer i kújə dəngáyá, banī ngé kán̄ naā gə̄ ndɔ̄ȳn̄ Nə́ɓā kə nja ngárāá tām̄ yān tə́.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

NŌŌ RƆ̄ 5:10

Ɓō rāājí al̄ naā adə̄ rɔ̄jí təngā tólóló tītə̄ yá̰á̰ kə́ kəla bəlo púr tə́ beē.

JEREMI 32:8

Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

Gōsə̄ najə̄ gə̄ 16:7

Dan ń hál deē nel̄ Kɔ́ɔ̄ɓē anī ni a rāā kadə̄ madə̄ ba̰ā̰n gə̄ gə̄gē tél aw̄n̄ naā tə́ seneé.

PĀ GƏ̄ 37:19

Dan yá̰á̰ kə́ to kum kaȳ aĺ tə́ anī rɔ̄də́ a sɔl̄də́ aĺ ō, dan yā ɓō tə́ anī nin̄ a ndānə̄n̄ ō.

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

JEREMI 33:1

Kɔ́ɔ̄ɓē ɔr̄ najə̄ kə Jeremi nja kə́ nge ko̰ jōó, dan ń ni i ndágə loo ngɔ̄m̄ ta kújə yā mban̄g tə́ ɓáý ní, ədan na:

JEREMI 38:6

Nin̄ əhɔn̄ Jeremi, ba ənīnən̄ kem bəlo taā man̄ yā Malkiya kə́ ngōn̄ ngār tə́. Bəlo ní i ndágə loo ngɔ̄m̄ ta kújə yā mban̄g tə́. Əlan̄ Jeremi bəloó i kə kəlaá. Man̄ gətóo kemeé, ba i bɔr ngóy, adə̄ Jeremi dubə̄ tū tə́.

JEREMI 20:2

anī nelə̄n alé, adə̄ ənda mbɔ́rən ō, adə̄ do̰ō̰nən̄ tū kāgə̄ tə́ ta róbə́ kə́ dɔɔ́ ń a ɓārə́n̄ na i ta róbə yā Benjamḛ ní tə́ ō, adə̄ i ta róbə́ kə́ yā kudəń kə̄ kem kújə yā Kɔ́ɔ̄ɓē tə́.