JEREMI 37:2 - Bibəl ta Sar̄

² Mban̄g ō, ngé kəla yān gə̄ ō, de kə́ kem ɓēé gə̄ ō ní, deē kógə̄ḿ kə́ ōō najə̄ gə̄ ń Kɔ́ɔ̄ɓē əndā ta Jeremi nge koō ta tə́ ní gətóo.

Bible sar

² Mban̄g ō, ngé kəla yān gə̄ ō, de kə́ kem ɓēé gə̄ ō ní, deē kógə̄ḿ kə́ ōō najə̄ gə̄ ń Kɔ́ɔ̄ɓē əndā ta Jeremi *nge koō ta tə́ ní gətóo.

JEREMI 37:2 Referans Kwoze

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

Gōsə̄ najə̄ gə̄ 29:12

Dan ń ngār nēl̄ mbīn gír najə̄ kə́ sor̄ tə́ anī, pajā yān gə̄ télən̄ ngé kem ndul gə̄ malang.

OJEE 12:10

Əla gír i ndɔ̄ ń ḭ̄ ī-teēń kɔ̄ɔ́ kem ɓē kə́ Ejiptə tə́ ní n mā n ń i Kɔ́ɔ̄ɓē Nə́ɓā yāí ní. M-ā m̄-rāāī kadə̄ ā ī-tél yā ndi gíŕ kújə tandā gə̄ tə́, tītə̄ kə́ kété, dan ń m-ə́ngeńsí ní.

EJEKIEL 21:25

Dan róbə́ kə́ jōó gə̄ ń noō tə́ ní, nge kə́ kógə̄ḿ a aw̄ kə áskar kə́ Babilon gə̄ kem ɓē yā Amon gə̄ ń rīn na i Raba ní tə́ ō, nge kə́ noō a aw̄ sedə́ dɔ nang kə́ Juda tə́, kem ɓē kə́ Jerusalem ń i ɓē kə́ ngɔ̄mə̄n̄ majə ngá̰ý ní tə́.

Gōsə̄ najə̄ gə̄ 26:6

Nge kəndā kəla ta de kə́ mbóo tə́ i de kə nge kəja njan nəkɔ́ ō, i nge sāā yá̰á̰ kə́ rāā kə dɔ́nɔ́ kə̄ dɔn nəkɔ́ tə́ tītə̄ loo ka̰ȳ man̄ beé ō.

1 MBAN̄G GƏ̄ 16:7

Kɔ́ɔ̄ɓē əndā kəla ta Yehu ngōn̄ Hanani tə́ kadə̄ əda Baasa nin̄ kə deē yān gēé i tām̄ yá̰á̰ kə́ gír jōó gə̄ ń toō tə́: Ta kəga dɔ i tām̄ rāā ń Baasa nin̄ kə deē yān gēé rāān̄ yá̰á̰ kə́ majaĺ kə́ nel̄ Kɔ́ɔ̄ɓē alé, adə̄ kəla rāādə́ gə̄ adə̄ Kɔ́ɔ̄ɓē wōn̄g tītə̄ ń kəla rāā Jeroboam nin̄ kə de kə́ gír kojə yān tə́ gēé adə̄ń Kɔ́ɔ̄ɓē wōn̄g ní ō, kə́ nge ko̰ jōó i tām̄ tɔ̄l̄ ń Baasa tɔ̄l̄ de gə̄ kə́ gír kojə yā Jeroboam tə́ malang kɔ̄ɔ́ ní tə́ ō.

1 MBAN̄G GƏ̄ 14:18

Dubə̄n̄ ngōn̄ ní ō, Israel gə̄ malang nōōnən̄ ō, tītə̄ ń Kɔ́ɔ̄ɓē ədań ní. Kɔ́ɔ̄ɓē əndā najə̄ ní i ta nge kəla yān Ahia ń i nge koō ta ní tə́.

2 SAMUEL 12:25

adə̄ əla əda Dabid najə̄n. Deē ń Kɔ́ɔ̄ɓē əlan ní i nge koō ta yān Natan. Ni-əndā rī ngōn̄ ní na i Yedidia tām̄ tár yā Kɔ́ɔ̄ɓē ní tə́. Kum Yedidia ní na i Kɔ́ɔ̄ɓē tárən.

2 SAMUEL 10:2

Anī Dabid əda na: M-ā m̄-rāā majə kə Hanun ngōn̄ Nahas tītə̄ ń bɔbə̄n rāań majə seḿ ní. Dabid əla de kə́ bo yān gə̄ rɔ̄ Hanun tə́ kadə̄ sɔlə̄n̄ kemən tām̄ yā bɔbə̄n ń oy tə́ ní. Ba dan ń de kə́ bo gə̄ yā Dabid ɔtə̄n̄ kem ɓē yā ngán Amon gə̄ tə́ anī,

LEBI GƏ̄ 8:36

Aaro̰ nin̄ kə ngánən gēé rāān̄ yá̰a̰ malang ń Kɔ́ɔ̄ɓē əndā ta Moijə tə́ adə̄ ədadə́ ní.

Teē Ngán Israel gə̄ 4:13

Moijə rāā Kɔ́ɔ̄ɓē ɓɔ́ ba ədan na kə əla de kə́ rang.

JEREMI 34:2

Najə̄ ń Kɔ́ɔ̄ɓē, Nə́ɓā yā Israel əda ní n toó: Āw̄ ɔ̄r̄ najə̄ kə Sedekias mban̄g kə́ Juda tə́, ə́dan na: M-ā m-ə́la ɓē ń toō kem jī mban̄g kə́ Babilon tə́ kadə̄ a əla hor dɔ tə́.

2 YÁ̰A̰ GƏ̄ 36:11

Dan ń Sedekias ndi mban̄g ní ɓālə̄n i kutə jōó gidə i kógə̄ḿ. Ni o̰o̰ ɓē Jerusalem ɓāl̄ kutə gidə i kógə̄ḿ.