JEREMI 37:13 - Bibəl ta Sar̄

¹³ Dan ń ni ugə̄ ta róbə ń a ɓārə́n̄ na i yā Benjamḛ ní tə́ anī, ənge ngol ngé ngɔ̄m̄ loo gə̄ ń rīn na i Yiriya, ngōn̄ Selemia kə́ ngōn̄ Hanania ní. Ni-əhɔ Jeremi nge koō ta adə̄ dəba ba ədan na: Ḭ̄ ā āw̄ i kə̄ kəsōó gír Kalde gə̄ tə́!

Bible sar

¹³ Dan ń ni ugə̄ ta róbə ń a ɓārə́n̄ na i yā Benjamḛ ní tə́ anī, ənge ngol ngé ngɔ̄m̄ loo gə̄ ń rīn na i Yiriya, ngōn̄ Selemia kə́ ngōn̄ Hanania ní. Ni-əhɔ Jeremi *nge koō ta adə̄ dəba ba ədan na: Ḭ̄ ā āw̄ i kə̄ kəsōó gír Kalde gə̄ tə́!

JEREMI 37:13 Referans Kwoze

JAKARI 14:10

Dɔ nang malang ń to kə gō gidə ɓē kə́ Jerusalem ní, a rāān̄ kadə̄ a téĺ ndágə mbō. A əlan̄ gír i Geba ń deē ra kem ɓēé anī i kə̄ dām̄ mbɔ́r ɓē kə́ ko̰ó̰ tə́ ní, bátə́ Rimon ń deē ra kem ɓēé anī i kə̄ dām̄ mbɔ́r ɓē kə́ geleé tə́ ní. Ɓē kə́ Jerusalem a ndi i loo kə́ kḭḭ kə̄ dɔɔ́ tə́, ba ɓē a ḭḭ i ta róbə yā Benjamḛ tə́, bátə́ ta róbə́ ń rīn na i kíl loo ní tə́, loo ń ta róbə́ kə́ jóo i tū tə́ ní tə́. A ḭḭ kújə́ kə́ ngāl̄ ɓururu kum kə̄ dɔɔ́ yā Hananel tə́, bátə́ loo mbə́rē kan̄ kāgə̄ nduú yā mban̄g tə́.

JEREMI 38:7

Ebed Melek, de Kus ń a rāā kəla ndogó mbangāá ní, oō kadə̄ de gə̄ ənīn̄ Jeremi kem bəlo taā man̄ ndī tə́, dan ń mban̄g ndi a gān̄gəń sarya ta róbə yā Benjamḛ tə́ ní.

KƏLA RĀĀ 24:13

Tá yá̰a̰ gə̄ ń de gə̄ ń toō sekə́mə̄n̄ ngɔlaā najə̄n tə́ ní, nin̄-asən̄ kɔjiī kadə̄ i rɔ̄kum alé.

KƏLA RĀĀ 6:11

Loo ń noō tə́ nin̄-ənīn̄ míndə́də́ adə̄n̄ de gə̄ kadə̄ ədanə̄ń najə̄ ń toō dɔn tə́: Jḭḭ j-oō kadə̄ deē ń toō ɔr̄ najə̄ kə́ to ngonjə̄ gə̄ dɔ Moijə tə́ ō, dɔ Nə́ɓā tə́ ō.

Najə̄ kə́ Majə yā Jeju ń Luk ndang ní 23:2

Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

JEREMI 38:1

Sepatia kə́ ngōn̄ Matan ō, Gedalia kə́ ngōn̄ Pasəhur ō, Yukal kə́ ngōn̄ Selemia ō, Pasəhur kə́ ngōn̄ Malkiya ō, oōn̄ najə̄ gə̄ ń Jeremi tél a əda de gə̄ malang kə̄ nja naā tə́ ni. Ni-əda na:

JEREMI 21:9

Deē ń a ndi kem ɓē ń toō tə́ ní a oy yo kaskar ō, yo ɓō ō, yo mo̰y ngāl̄bɔ̄gīí ō. Banī deē ń a teē yā kaw̄ nam̄ Kalde gə̄ ń gīrə̄n̄ gidəsí ní a ndi kə kumneé ō, a rāā rɔ̄nel̄ teē ń teē ta yo tə́ ní ō.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

2 KORḚNTƏ 6:8

De gə̄ ɔsən̄ gɔnjí ō, kídə̄n̄jí ō, ədan̄ najə̄ kə́ majaĺ dɔjí tə́ ō, ədan̄ najə̄ kə́ majə dɔjí tə́ ō. Rāān̄jí i de kə́ ngé sor̄ gə̄ tə́, banī jḭḭ i ngé kəda najə̄ kə́ rɔ̄kum gə̄.

AMOS 7:10

Amasia ń i nge tun̄ yá̰á̰ kə́ kem ɓē kə́ Betel tə́ ní, əla kəla rɔ̄ Jeroboam mban̄g kə́ Israel tə́ tə́, ni ədan na: Amos sāā mbəreī kɔ̄ɔ́ dɔ kōr̄ kāgə̄ mbang kə́ Israel tə́ tə́. De kə́ kem ɓēé gə̄ asən̄ tə́gā tadə́ dɔ najə̄ kɔrə̄n gə̄ tə́ to̰ alé.

JEREMI 38:4

De kə́ bo gə̄ ədan̄ mban̄g na: Ādə̄ jə-tɔ̄lī deē ń noō kɔ̄ɔ́, tɔdɔ̄ dan ń ɔr̄ najə̄ beé ní a rāā kadə̄ jī ngé rɔ̄ɔ̄ gə̄ ń na̰yn̄ kem ɓēé ō, jī de gə̄ malang ń ndin̄ kemeé ní ō a ur̄ wak kɔ̄ɔ́. Deē ń noō sāā kadə̄ de gə̄ ń toō ajən̄ alé. Ni sāā i kadə̄ yá̰á̰ kə́ to kum kaȳ aĺ tá rāādə́ ngóy.

JEREMI 36:12

ni risə aw̄ ɓē mbangāá kem kújə yā nge ndang makətūbə̄ tə́ loo ń de kə́ bo gə̄ malang kánə̄n̄ naā kemeé ní. De gə̄ ní i Elisama kə́ nge ndang makətūbə̄ ō, Delaya ngōn̄ Semaya ō, Elnatan ngōn̄ Akbor ō, Gemariya ngōn̄ Sapan ō, Sedekias ngōn̄ Hanania ō tá de kə́ bo kə́ rang gə̄ ō.

JEREMI 28:14

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: I njúkə gində̄ n m-ā m-ə̄nī míndə́ nápar de gə̄ malang ń toō tə́ yā kadə̄ rāān̄eé kəla adə̄n̄ Nabukodonosor mban̄g kə́ Babilon tə́ ní, a rāān̄ kəla yā kadə̄n. M-ā m-ə́la dā̰ gə̄ kə́ bembeé gə̄gē kem jīn tə́.

JEREMI 27:6

Ngɔlaā ní, i mā n m-ə́la ɓē gə̄ ń toō malang gír tɔ́gə yā nge kəla yāḿ Nabukodonosor, mban̄g kə́ Babilon tə́ ní. Dā̰ kə́ bembeé gə̄gē a i mā n m-ə́ládə́ gíŕ tɔ́gə yān tə́ ní, kadə̄ rāān̄ kəla adə̄nən̄.

JEREMI 20:2

anī nelə̄n alé, adə̄ ənda mbɔ́rən ō, adə̄ do̰ō̰nən̄ tū kāgə̄ tə́ ta róbə́ kə́ dɔɔ́ ń a ɓārə́n̄ na i ta róbə yā Benjamḛ ní tə́ ō, adə̄ i ta róbə́ kə́ yā kudəń kə̄ kem kújə yā Kɔ́ɔ̄ɓē tə́.

NŌŌ RƆ̄ 4:18

De gə̄ unən̄ gō tóo njají ngɔ̄də̄n̄neéjí, adə̄ dum̄ kadə̄ j-ugə̄ loo ndijí gə̄ tə́. Gír yājí a gān̄g ngɔr, ndɔ̄jí asə kɔ̄ɔ́. Rɔ̄kum ta ngóy ndɔ̄jí ugə̄.