JEREMI 37:10 - Bibəl ta Sar̄

¹⁰ Ngé rɔ̄ɔ̄ gə̄ malang kə́ Kalde tə́ ń ənīn̄sí rɔ̄ɔ̄ ní, ká ré ā ī-tetiīdə́ rɔ̄ɔ̄ gə̄gē anī, ngé gə̄ ń ton̄ kə do kum gərāá rɔ̄də́ tə́ kem kújə tandā yādə́ gə̄ tə́ ní, a ḭḭn̄ dɔɔ́ yā kəla hor dɔ ɓē ń toō tə́.

Bible sar

¹⁰ Ngé rɔ̄ɔ̄ gə̄ malang kə́ Kalde tə́ ń ənīn̄sí rɔ̄ɔ̄ ní, ká ré ā ī-tetiīdə́ rɔ̄ɔ̄ gə̄gē anī, ngé gə̄ ń ton̄ kə do kum gərāá rɔ̄də́ tə́ kem kújə tandā yādə́ gə̄ tə́ ní, a ḭḭn̄ dɔɔ́ yā kəla hor dɔ ɓē ń toō tə́.

JEREMI 37:10 Referans Kwoze

JOEL 2:11

Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

JEREMI 50:45

Ī-nēlī mbīsí ɓáý to̰ ōōīneé yá̰á̰ ń Kɔ́ɔ̄ɓē ɔjə rāā kə ɓē kə́ Babilon ní, yá̰a̰ gə̄ ń ni núm̄ rāā kə ɓē yā Kalde gēé ní. I gáŕ kadə̄ a ndɔ́rə̄n̄ tītə̄ dā̰ gə̄ beé dɔ gúú tə́, kə ngé kə́ dūú ngá̰ý gə̄gē. I gáŕ kadə̄ de gə̄ a nujən̄ gong yādə́ gə̄ sák sák kɔ̄ɔ́ najə̄ yādə́ tə́.

IJAI 30:17

Madə̄ ba̰ā̰sí kə́ a əla ɓōĺ kemsí tə́ i kógə̄ḿ beē ō, de kə́ dansí tə́ gə̄ dūbú ɓōĺ a rāādə́ adə̄ nin̄ a ndewn̄ ō. Madə̄ ba̰ā̰ gə̄ mí a əlan̄ ɓōĺ kemsí tə́ ō, sḭḭ̄ malang ā ā̰yī naā ō. Ta tɔ̄l̄ ta anī, gotəsí ń a na̰y ní, a to i tītə̄ yá̰a̰ kɔjə yá̰á̰ kə́ udən̄ dɔ mbalá dɔɔ́ beē, a to i tītə̄ dərapóo rɔ̄ɔ̄ kə́ udən̄ dɔ ngōn̄ mbal̄ tə́ beē.

JEREMI 51:4

Ādə̄ ngé gə̄ ń əngen̄ do kə́ asə yodə́ ní, tə́sōn̄ kem ɓē yā Kalde gə̄ tə́ ō, ngé gə̄ ń tɔ́sə̄n̄də́ kə nəngaá ní, tə́sōn̄ kum kə̄lá róbə gə̄ kə́ Babilon tə́ ō.

JEREMI 49:20

Ī-nēlī mbīsí ɓáý to̰ oōīneé yá̰á̰ ń Kɔ́ɔ̄ɓē ɔjə loo rāā kə ɓē kə́ Edom ní ō, ōōī yá̰a̰ gə̄ ń núm̄ yā rāā kə de kə́ Teman gēé ō ní. I gáŕ kadə̄ ngáń dā̰ gə̄ a ndɔ́rə̄n̄ gotə gə̄ gōdə́ tə́ ō, i gáŕ kadə̄ de gə̄ a nujən̄ loo yādə́ sák sák kɔ̄ó najə̄ yādə́ tə́ ō.

JEREMI 37:8

Kalde gə̄ a télən̄ yā reē, a ənīn̄ ɓē ń toō rɔ̄ɔ̄ ō, a əlan̄ hor dɔ tə́ ō.

IJAI 14:19

Ba ḭ̄, ənīn̄ ndágá kɔ̄ɔ́, sa̰y kə bəlo ɓádə yāí. Ī-to i tītə̄ ngōn̄ kə́ teē nīń, kə́ nel̄ de gə̄ seneé aĺ ngá̰ý. Ī-to tītə̄ nīń kə́ rējə̄n̄ kɔ̄ɔ́, de kə́ tɔ̄lə̄n̄də́ gə̄ taān̄ loo gidií tə́ malang, tɔ́sə̄n̄də́ i kə kaskar ō, tə́nīn̄də́ i dɔ mbal̄ gə̄ tə́ ō, ngɔ́n bəlo kə́ bo tə́.

IJAI 13:15

Ngé gə̄ ń a əngen̄də́ ní a urən̄də́ kə gərāá, ngé gə̄ ń a əhɔn̄də́ ní a oyn̄ yo kaskar.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 37:11

Dan ń ngé rɔ̄ɔ̄ kə́ Kalde tə́ gə̄ ɔrə̄n̄ rɔ̄də́ kɔ̄ó sa̰y rɔ̄ Jerusalem tə́ najə̄ ngé rɔ̄ɔ̄ gə̄ yā Parao̰ tə́ ní

NŌŌ RƆ̄ 1:15

Kɔ́ɔ̄ɓē tə̄ɓā go̰ rɔ̄ɔ̄ gə̄ malang ń i seḿ ní kɔ̄ɔ́. Ni-ɔsə dɔ de kə́ ngá̰ý gə̄ naā tə́ kə rīḿ, kadə̄ reē rējə̄n̄ balsáa yāḿ gə̄. Kɔ́ɔ̄ɓē mbə́rē ngōmandə kə́ Juda tə́ tītə̄ kan̄ kāgə̄ nduú beē.