JEREMI 37:1 - Bibəl ta Sar̄

¹ Mban̄g Sedekias, ngōn̄ Josias ndi dɔ kōr̄ kāgə̄ mbang tə́ gotə Konia, ngōn̄ Joakim tə́. Nabukodonosor mban̄g kə́ Babilon tə́ əndān adə̄ o̰o̰ ɓē kə́ Juda

Bible sar

¹ Mban̄g Sedekias, ngōn̄ Josias ndi dɔ kōr̄ kāgə̄ mbang tə́ gotə Konia, ngōn̄ Joakim tə́. Nabukodonosor mban̄g kə́ *Babilon tə́ əndān adə̄ o̰o̰ ɓē kə́ *Juda

JEREMI 37:1 Referans Kwoze

JEREMI 22:24

Tītə̄ ń m̄-ndiń kə kumḿ noō, ká ré Konia, ngōn̄ Joakim, mban̄g kə́ Juda tə́, i tə́rá yá̰á̰ kə́ kəndā jī ko̰ḿ tə́ gə̄gē anī, m-ā m-ɔ̄rə̄n kɔ̄ɔ́.

2 MBAN̄G 24:17

Mban̄g kə́ Babilon əndā Matania ń i bɔbə̄ Joakin kə́ dūú ní mban̄g gotə Joakin tə́. Ni tūr̄ rīn kə́ Matania kɔ̄ɔ́, ba əndā na i Sedekias.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

JEREMI 52:31

Əhɔn̄ Joakin, mban̄g kə́ Juda aw̄n̄ seneé Babilon. Ni rāā ɓāl̄ kutə mətá gidə i sīrí Babilon. Kem ɓāl̄ kə́ nge ko̰ kutə mətá gidə i sīrí tə́, kə ndɔ̄ kutə jōó gidə i sīrí yā nāā kə́ nge ko̰ kutə gidə i jōó anī, Ewil Merodak, mban̄g kə́ Babilon rajən ba ɔrə̄n dəngáyá kem ɓāl̄ ń ndiń mban̄g tə́ ní.

JEREMI 24:1

Dan ń Nabukodonosor mban̄g kə́ Babilon əhɔ Yekonia, ngōn̄ Joakim mban̄g kə́ Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta kújə yā Kɔ́ɔ̄ɓē tə́.

JEREMI 22:28

Konia ngeé ń toō ní, i jóó kə́ tɔ̄ɔ̄ adə̄ majə rāań yá̰a̰ to̰ aĺ, aké i bay kə́ de gə̄ əyan̄ kɔ̄ɔ́ kə̄ nodə́ tə́ a? I tām̄ rí tə́ á tə́ɓānən̄ kə ngánən gēé ō, ɓōkə́n̄də́ kɔ̄ɔ́ dɔ nang kə́ gerə̄n̄ aĺ tə́ ō ní?

JEREMI 21:1

Mban̄g Sedekias əla Pasəhur kə́ ngōn̄ Malkiya ō, Sepania kə́ nge tun̄ yá̰á̰ ń i ngōn̄ Maseya ní ō rɔ̄ Jeremi tə́ yā kadə̄ ədanən̄ na:

JEREMI 34:2

Najə̄ ń Kɔ́ɔ̄ɓē, Nə́ɓā yā Israel əda ní n toó: Āw̄ ɔ̄r̄ najə̄ kə Sedekias mban̄g kə́ Juda tə́, ə́dan na: M-ā m-ə́la ɓē ń toō kem jī mban̄g kə́ Babilon tə́ kadə̄ a əla hor dɔ tə́.