JEREMI 36:8 - Bibəl ta Sar̄

⁸ Baruk, ngōn̄ Neriya, rāā yá̰a̰ malang ń Jeremi nge koō ta mērən rāā ní. Ni tə́da najə̄ gə̄ yā Kɔ́ɔ̄ɓē kə́ kem makətūbə̄ ní tə́ kem kújə yā Kɔ́ɔ̄ɓē tə́.

Bible sar

⁸ Baruk, ngōn̄ Neriya, rāā yá̰a̰ malang ń Jeremi *nge koō ta mērən rāā ní. Ni tə́da najə̄ gə̄ yā Kɔ́ɔ̄ɓē kə́ kem makətūbə̄ ní tə́ kem *kújə yā Kɔ́ɔ̄ɓē tə́.

JEREMI 36:8 Referans Kwoze

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

1 KORḚNTƏ 16:10

Ré Timote ugə̄ rɔ̄sí tə́ anī, ī-lōōī rāā kadə̄ ni-ndi kə ɓōló dansí tə́, tɔdɔ̄ ni a rāā i kəla yā Kɔ́ɔ̄ɓē tītə̄ yāḿ ō.

MATIYE 16:24

Gō tə́ anī Jeju əda ngé ndóō yá̰a̰ yān gə̄ na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ gír̄ dɔ rɔ̄n tə́ to̰ alé, ādə̄ kɔ́ɔ̄ əla dɔn gír kāgə̄ kə́ dēsə́ yān tə́ ba un gōḿ.

JEREMI 36:4

Jeremi ɓāŕ Baruk, ngōn̄ Neriya, kadə̄ ndang najə̄ gə̄ malang ń Kɔ́ɔ̄ɓē ɔr̄ seneé ní kem ndāŕ ndang najə̄ kógə̄ḿ kə́ ɓír̄ gidə naā tə́ ní tə́.

NEHEMI 8:3

Esdras tə́da najə̄ kə́ kem makətūbə̄ ní tə́ adə̄də́. Ni-əla gír tə́da i dəloí ɓatə bátə́ mbang ugə̄ dan ɓēé. Ni-ra i ndágə loo kə́ sɔɔ̄n̄ ta naā kə ta róbə yā man̄ gə̄ tə́ n tə́dań ní. De gə̄ malang nēlə̄n̄ mbīdə́ oōn̄neé najə̄ kə́ kem makətūbūú.

JEREMI 32:12

Baruk, ngōn̄ Neriya kə́ ngōn̄ Maseya, makətūbə̄ mang naā ndɔr̄ ní ta kum Hanamel kə́ ngōn̄ nānə̄ḿ tə́ ō, ta kum de kə́ kum tə́ gə̄ ń əndān̄ jīdə́ gír makətūbə̄ ní tə́ ō, ta kum de gə̄ malang kə́ Juda tə́ ń ran̄ ndágə loo ngɔ̄m̄ ta kújə yā mban̄g tə́ ní ō.

JEREMI 36:6

Ní īkɔ́ āw̄, ī-tə́da najə̄ kə́ tū tə́ ndɔ̄ ndi ɓō tām̄ yā Nə́ɓā tə́ tə́ ba ī-tə́da najə̄ gə̄ yā Kɔ́ɔ̄ɓē ń m-ādə̄ ī-ndang kem ndāŕ ndang najə̄ kógə̄ḿ kə́ ɓír̄ gidə naā tə́ ní ta kum de gə̄ malang kə́ Juda tə́ ń a ḭḭn̄ kə gō ɓē yādə́ gēé yā reē ní.