JEREMI 36:4 - Bibəl ta Sar̄

⁴ Jeremi ɓāŕ Baruk, ngōn̄ Neriya, kadə̄ ndang najə̄ gə̄ malang ń Kɔ́ɔ̄ɓē ɔr̄ seneé ní kem ndāŕ ndang najə̄ kógə̄ḿ kə́ ɓír̄ gidə naā tə́ ní tə́.

Bible sar

⁴ Jeremi ɓāŕ Baruk, ngōn̄ Neriya, kadə̄ ndang najə̄ gə̄ malang ń Kɔ́ɔ̄ɓē ɔr̄ seneé ní kem ndāŕ ndang najə̄ kógə̄ḿ kə́ ɓír̄ gidə naā tə́ ní tə́.

JEREMI 36:4 Referans Kwoze

JEREMI 32:12

Baruk, ngōn̄ Neriya kə́ ngōn̄ Maseya, makətūbə̄ mang naā ndɔr̄ ní ta kum Hanamel kə́ ngōn̄ nānə̄ḿ tə́ ō, ta kum de kə́ kum tə́ gə̄ ń əndān̄ jīdə́ gír makətūbə̄ ní tə́ ō, ta kum de gə̄ malang kə́ Juda tə́ ń ran̄ ndágə loo ngɔ̄m̄ ta kújə yā mban̄g tə́ ní ō.

EJEKIEL 2:9

Loo ń noō tə́ m-á̰a̰ jī deē kógə̄ḿ kə́ kəla kum kə̄ rɔ̄ḿ tə́ ō, jī deē ní əhɔ ndāŕ ndang najə̄ kógə̄ḿ kə́ ɓír̄ gidə naā tə́ ō.

JEREMI 36:32

Tā anī, Jeremi un ndāŕ ndang najə̄ kə́ ɓír̄ gidə naā tə́ kə́ rang adə̄ Baruk nge ndang makətūbə̄ kə́ ngōn̄ Neriya. Ni ndang najə̄ gə̄ malang ń Jeremi tə́dan á Joakim, mban̄g kə́ Juda tə́ róō kɔ̄ɔ́ ní kemeé. Ndangən̄ najə̄ kə́ rang kə́ tītə̄ ngé gə̄ ń noō gə̄ ngá̰ý kemeé ɓáý to̰ ō.

JEREMI 43:3

Ba na i Baruk, ngōn̄ Neriya n sə̄lān̄ dɔdə́ tə́ tām̄ ni ndigə kəladə́ kem jī Kalde gə̄ tə́ kadə̄ tɔlən̄də́ ō, kadə̄ əhɔn̄də́ aw̄n̄ sedə́ Babilon ō.

Makətūbə̄ ń Pol ndang adə̄ Rom gə̄ ní 16:22

Ba mā Tertius kə́ nge ndang makətūbə̄ ń toō m̄-rāāsí lápə́ya ō. Mā i nge kun gō Kɔ́ɔ̄ɓē madə̄sí ō.

JAKARI 5:1

M-ún kumḿ kə̄ dɔɔ́ ɓáý to̰ anī, m-á̰a̰ makətūbə̄ kə́ to tītə̄ ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́.

JEREMI 36:28

Ún ndāŕ ndang najə̄ kógə̄ḿ kə́ ɓír̄ gidə naā tə́ kə́ rang ō, ī-ndang najə̄ gə̄ malang ń ton̄ kem nge kə́ kété tə́ ń Joakim, mban̄g kə́ Juda tə́ róō kɔ̄ɔ́ ní ō kemeé.

JEREMI 36:26

Mban̄g əda Yerameel kə́ ngōn̄ ngār ō, Seraya, ngōn̄ Ajriel ō, Selemia, ngōn̄ Abədel ō, kadə̄ kə əhɔn̄ Baruk nge ndang makətūbə̄ ō, Jeremi nge koō ta ō, banī Kɔ́ɔ̄ɓē ɓɔ̄ɔ̄ dɔdə́ kɔ̄ɔ́.

JEREMI 36:23

Dan ń Yehudi a tə́da gír najə̄ gə̄ ní asə mətá aláa sɔ́ anī, mban̄g gān̄g kə kəyā yā nge ndóō de gə̄ ndū najə̄ ō, ənī kum hor ganáń tə́, adə̄ hor róō ndāŕ ndang najə̄ kógə̄ḿ kə́ ɓír̄ gidə naā tə́ ní malang kɔ̄ɔ́.

JEREMI 36:21

Tā anī mban̄g əla Yehudi kun makətūbə̄ ní tə́. Ni-aw̄ ɓē yā Elisama nge ndang makətūbə̄ tə́ un reēń ba tə́da ta kum mban̄g tə́ ō, ta kum de kə́ bo gə̄ malang ń ran̄ kə njadə́ dɔɔ́ rɔ̄ mban̄g tə́ ō ní.

IJAI 8:1

Kɔ́ɔ̄ɓē ədam̄ na: Ún bar ndang yá̰á̰ kə́ bo, ba ī-ndang ādə̄ kumən to kadə̄ deē tə́da, ī-ndang na: Kaw̄ láẃ nār̄ yá̰a̰, kɔy yá̰a̰ kənge dɔ gúú tə́.

JEREMI 25:13

M-ā m̄-rāā kadə̄ yá̰a̰ gə̄ malang ń m-ɔ̄r̄ najə̄də́ dɔ ɓē ń toō tə́ ní, a reēn̄ dɔn tə́. Yá̰a̰ malang ń ndangən̄ kem makətūbə̄ ń toō tə́ ní ō, najə̄ ń Jeremi oō taḿ tə́ á ɔr̄ sɔɔ̄ dɔ de gə̄ ní ō.

JEREMI 30:2

Mā Kɔ́ɔ̄ɓē, Nə́ɓā yā Israel m-ɔ̄r̄ najə̄ i tītə̄ ń toō beé: Ī-ndang najə̄ gə̄ malang ń m-ə́daī ní kem makətūbūú.

JEREMI 36:6

Ní īkɔ́ āw̄, ī-tə́da najə̄ kə́ tū tə́ ndɔ̄ ndi ɓō tām̄ yā Nə́ɓā tə́ tə́ ba ī-tə́da najə̄ gə̄ yā Kɔ́ɔ̄ɓē ń m-ādə̄ ī-ndang kem ndāŕ ndang najə̄ kógə̄ḿ kə́ ɓír̄ gidə naā tə́ ní ta kum de gə̄ malang kə́ Juda tə́ ń a ḭḭn̄ kə gō ɓē yādə́ gēé yā reē ní.

JEREMI 36:14

Tā anī, de kə́ bo gə̄ ń kánə̄n̄ naā ní əlan̄ Yehudi ngōn̄ Netania kə́ ngōn̄ Selemia ń i ngōn̄ Kusi ní rɔ̄ Baruk tə́ kadə̄ ədan na: Ún ndāŕ ndang najə̄ kə́ ɓír̄ gidə naā tə́ ń ī-tə́da ta kum kósə de gə̄ tə́ ní jīí tə́, ba ī-reē. Baruk, ngōn̄ Neriya un makətūbə̄ ní ba aw̄ rɔ̄də́ tə́.

JEREMI 36:27

Dan ń mban̄g róō ndāŕ ndang najə̄ kə́ ɓír̄ gidə naā tə́ ń Jeremi adə̄ Baruk ndang najə̄ kemeé ní oy anī, Kɔ́ɔ̄ɓē ɔr̄ najə̄ kə Jeremi ədan na:

JEREMI 51:59

Kété ní, Seraya kə́ ngōn̄ Neriya, kə́ ngōn̄ Maseya, i nge rāā kəla gə̄ kə́ ndogó mbangāá yā Sedekias, mban̄g kə́ Juda tə́. Ɓāl̄ ko̰o̰ ɓē kə́ nge ko̰ sɔ́ yā Sedekias tə́ anī, Seraya aw̄ seneé Babilon. Yá̰á̰ kə́ to kum kaȳ aĺ gə̄ malang ń i gáŕ kadə̄ reēn̄ dɔ ɓē kə́ Babilon tə́ ní ō, najə̄ gə̄ malang ń ɔrə̄n̄ dɔ ɓē ń toō tə́ ní, Jeremi ndangdə́ kem ndāŕ ndang najə̄ kə́ ɓír̄ gidə naā tə́ tə́.

DANIEL 7:1

Nī kógə̄ḿ rāā Daniel ɓāl̄ ko̰o̰ ɓē kə́ ta kəga dɔ yā Baltajar mban̄g kə́ Babilon tə́. Daniel a̰a̰ yá̰a̰ gə̄ i ngá̰ý dan ń ni to dɔ tə̄rá ɓīīn tə́ ní. Gō tə́ anī ni ndang yá̰á̰ ń ni-a̰a̰ kem nī tə́ ní. Nī ní n toó,

IJAI 30:8

Kɔ́ɔ̄ɓē əda Ijai na: Ngɔlaā ní, ī-ndang yá̰a̰ gə̄ ń toō dɔ bar mbal̄ tə́, ta kum de kə́ Jerusalem gə̄ tə́. Ndɔ̄ń tə́ anī, nge ń noō a tél i yá̰á̰ kə́ kum tə́ kə́ a to ngándáńg.