JEREMI 36:26 - Bibəl ta Sar̄

²⁶ Mban̄g əda Yerameel kə́ ngōn̄ ngār ō, Seraya, ngōn̄ Ajriel ō, Selemia, ngōn̄ Abədel ō, kadə̄ kə əhɔn̄ Baruk nge ndang makətūbə̄ ō, Jeremi nge koō ta ō, banī Kɔ́ɔ̄ɓē ɓɔ̄ɔ̄ dɔdə́ kɔ̄ɔ́.

Bible sar

²⁶ Mban̄g əda Yerameel kə́ ngōn̄ ngār ō, Seraya, ngōn̄ Ajriel ō, Selemia, ngōn̄ Abədel ō, kadə̄ kə əhɔn̄ Baruk nge ndang makətūbə̄ ō, Jeremi *nge koō ta ō, banī Kɔ́ɔ̄ɓē ɓɔ̄ɔ̄ dɔdə́ kɔ̄ɔ́.

JEREMI 36:26 Referans Kwoze

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

1 MBAN̄G GƏ̄ 19:14

Anī Eli əda na: Kemḿ təngām̄ ngá̰ý tām̄ yā Kɔ́ɔ̄ɓē kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ī-rāā sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-na̰y ní, ba a sāān̄ tɔ̄lə̄m̄ kɔ̄ɔ́ ɓáý to̰.

1 MBAN̄G GƏ̄ 19:10

Anī ni tūr̄ əda Kɔ́ɔ̄ɓē na: Kemḿ təngām̄ ngá̰ý tām̄ yā Kɔ́ɔ̄ɓē Nə́ɓā kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ə́hɔ sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-nay ní, ba a sāān̄ tɔ̄lə̄m̄ kɔ̄ɔ́ ɓáý to̰.

1 MBAN̄G GƏ̄ 17:3

Ī-ndɔ́tə̄ laā kɔ̄ɔ́, āw̄ kum kə̄ gír ɓē tə́ ī-ɓɔ̄ɔ̄ rɔ̄í wól loo kə́ Kerit tə́. Loo ń ā ī-ɓɔ̄ɔ̄ rɔ̄í tū tə́ ní, ré deē ra bā Jurdḛ tə́ anī, i kə̄ dām̄ kə́ gír ɓē tə́.

KƏLA RĀĀ 12:11

Loo ń noō tə́ ndíĺ Piyer tél reē rɔ̄n tə́ adə̄ a̰a̰ yá̰á̰ ń rāā yá̰á̰ ní ger̄ tā, adə̄ əda na: Ń toō m̄-ger̄ kadə̄ rɔ̄kum Kɔ́ɔ̄ɓē əla de kə́ dɔ rā̰ tə́ yān adə̄ reē ɔrə̄m̄ kɔ̄ɔ́ jī Herod tə́ ō, ta yá̰a̰ gə̄ malang ń Jipə gə̄ númə̄n̄ rāā seḿ ní tə́ ō.

IJAI 26:20

Gír deē yāḿ gə̄, údiī kújú ɓēé loosí ba ūtī ta róbə ī-gāngīneé gíŕsí kɔ̄ɔ́. Ī-ɓɔ̄ɔ̄ rɔ̄í kum ngán mbang gə̄ sḛý ādə̄ wōn̄g yā Kɔ́ɔ̄ɓē mānəń.

PĀ GƏ̄ 64:2

Nə́ɓā, ōō nōō yāḿ. Ī-ngɔ̄mə̄m ta madə̄ ba̰ā̰ḿ kə́ to ɓōĺ ngá̰ý tə́.

PĀ GƏ̄ 27:5

Tām̄ ndɔ̄ ń yá̰á̰ kə́ to kum kaȳ aĺ teē dɔḿ tə́ ní, ni ɓɔ̄ɔ̄m̄ looneé. Ni ɓɔ̄ɔ̄m̄ gə́lé kújə yān tə́ ō, əndām̄ dɔɔ́ dɔ mbal̄ tə́ ō.

JA̰A̰ 8:20

Jeju ɔr̄ najə̄ ń toō i dan ń ni a ndóōń de gə̄ yá̰a̰ kem kújə yā Kɔ́ɔ̄ɓē tə́, loo ń a ɓōkə́n̄ nar kə́ ndējə̄ Nə́ɓā tū tə́ ní. Ba deē kógə̄ḿ kə́ əhɔn gətóo, tām̄ kum mbang yān asə aĺ ɓáý.

JEREMI 36:19

De kə́ bo gə̄ ədan̄ Baruk na: Ḭ̄ ō, Jeremi ō, āw̄ ī-ɓɔ̄ɔ̄ī rɔ̄sí ādə̄ deē kógə̄ḿ gə̄gē a ger̄ loo ń sḭḭ̄ i tū tə́ ní alé.

JEREMI 36:5

Gō tə́ anī Jeremi əda Baruk na: Yá̰á̰ kógə̄ḿ ɔgə̄m̄ kaw̄ kem kújə yā Kɔ́ɔ̄ɓē tə́ adə̄ m-ásə kaw̄ alé.

PĀ GƏ̄ 57:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

PĀ GƏ̄ 32:7

Ḭ̄ i loo ɓɔ̄ɔ̄ rɔ̄ yāḿ, ādə̄ yá̰á̰ kə́ to wur kɔl əngem̄ alé. Ḭ̄ ī-gān̄g dɔḿ adə̄ m-ə̄nī pā rɔ̄nel̄ m-ɔ́səń gɔnií.

1 MBAN̄G GƏ̄ 18:4

adə̄ dan ń Jesabel adə̄ tɔ̄lə̄n̄ ngé koō ta yā Kɔ́ɔ̄ɓē gə̄ ní, ni ɔy ngé koō ta yā Kɔ́ɔ̄ɓē gə̄ ɓú ɓɔ̄ɔ̄də́ kutə mí kutə mí kem bəlo mbal̄ gə̄ tə́ gír loo jōó, ba a̰a̰ gōdə́ kə yá̰a̰ kəsaá ō, kə man̄ ka̰yá̰ ō.

JA̰A̰ 11:57

Ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, ədan̄ de gə̄ kadə̄ ré de kə́rēý ger̄ loo ń Jeju i tū tə́ ní anī, kə ɔjə gōn kadə̄ kə n-əhɔnən̄.

JA̰A̰ 8:59

Loo ń noō tə́ nin̄-ɔyn̄ kūbə̄rū mbal̄ gə̄ yā tə́nīnneé. Banī Jeju ɓɔ̄ɔ̄ rɔ̄n ba teē kɔ̄ɔ́ kem kújə yā Kɔ́ɔ̄ɓē tə́.

JA̰A̰ 7:32

Parijiyḛ gə̄ oōn̄ kósə de gə̄ ń a kɔdə́n̄ najə̄ dɔn tə́ ní anī, ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, əlan̄ pajā gə̄ kəhɔn tə́.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.

1 MBAN̄G GƏ̄ 17:9

Ḭ́ḭ dɔɔ́, āw̄ Sarepta ń i ɓē kə́ kadə ɓē kə́ Sidon tə́ ní āw̄ ī-ndi kemeé. M-ə́da dəyá̰ kógə̄ḿ kə́ noō kə́ ngaa koy kadə̄ a̰a̰ gōí kə yá̰a̰ kəsaá.

PĀ GƏ̄ 121:8

Kɔ́ɔ̄ɓē a ngɔ̄mī ta kawīí ō, ta télí ō, a əla gír i ngɔr ń toō tə́ njɔ́ḿ kə̄ no tə́!

1 MBAN̄G GƏ̄ 22:26

Loo ń noō tə́ mban̄g kə́ Israel tə́ əda nge kəla yān kógə̄ḿ na: Əhɔ Mise āw̄ seneé ādə̄n kə Amon nge ko̰o̰ ɓē ō, Yoas ngōn̄ mban̄g ō,

2 MBAN̄G 11:2

Banī Yoseba ń i ngōn̄ kem mban̄g Joram kə́ dəyá̰ ō, i ngōkó̰o̰ Akajias ō ní, un Joas ngōn̄ Akajias dāyāá dan ngán mban̄g gə̄ ń a rāān̄ yā tɔ̄l̄də́ ní tə́, aw̄ ɓɔ̄ɔ̄n naā tə́ kə kó̰o̰ kətōné kem kújə́ kán̄ tə̄rá gə̄ tə́. Atali ger̄ gō alé, adə̄ ngōn̄ ní teē ta yo tə́.

2 YÁ̰A̰ GƏ̄ 18:26

Ba kə ədan̄də́ na mban̄g əda na kə ənīn̄ deē ń toō dəngáyá, ba kə a̰a̰n̄ gōn kə mápá kə́ sḛ́ý beē ō, kə man̄ kə́ sḛ́ý beé ō, bátə́ kadə̄ n-téləń ta rɔ̄ɔ̄ tə́ kə lápə́yaá.

PĀ GƏ̄ 105:15

Əda de gə̄ na: Ī-lōōī kɔdə rɔ̄ ngé gə̄ ń m-úr yibə̄ dɔdə́ tə́ ní, ī-lōōī rāā ngé koō ta yāḿ gə̄ yá̰á̰ kə́ majaĺ!

JEREMI 26:24

Jeremi tā anī, Ahikam kə́ ngōn̄ Sapan ngɔ̄mən ō, ɔgə̄ kəlan jī de gə̄ ń sāān̄ tɔ̄lən tə́ ní ō.

JEREMI 38:6

Nin̄ əhɔn̄ Jeremi, ba ənīnən̄ kem bəlo taā man̄ yā Malkiya kə́ ngōn̄ ngār tə́. Bəlo ní i ndágə loo ngɔ̄m̄ ta kújə yā mban̄g tə́. Əlan̄ Jeremi bəloó i kə kəlaá. Man̄ gətóo kemeé, ba i bɔr ngóy, adə̄ Jeremi dubə̄ tū tə́.