JEREMI 36:14 - Bibəl ta Sar̄

¹⁴ Tā anī, de kə́ bo gə̄ ń kánə̄n̄ naā ní əlan̄ Yehudi ngōn̄ Netania kə́ ngōn̄ Selemia ń i ngōn̄ Kusi ní rɔ̄ Baruk tə́ kadə̄ ədan na: Ún ndāŕ ndang najə̄ kə́ ɓír̄ gidə naā tə́ ń ī-tə́da ta kum kósə de gə̄ tə́ ní jīí tə́, ba ī-reē. Baruk, ngōn̄ Neriya un makətūbə̄ ní ba aw̄ rɔ̄də́ tə́.

Bible sar

¹⁴ Tā anī, de kə́ bo gə̄ ń kánə̄n̄ naā ní əlan̄ Yehudi ngōn̄ Netania kə́ ngōn̄ Selemia ń i ngōn̄ Kusi ní rɔ̄ Baruk tə́ kadə̄ ədan na: Ún ndāŕ ndang najə̄ kə́ ɓír̄ gidə naā tə́ ń ī-tə́da ta kum kósə de gə̄ tə́ ní jīí tə́, ba ī-reē. Baruk, ngōn̄ Neriya un makətūbə̄ ní ba aw̄ rɔ̄də́ tə́.

JEREMI 36:14 Referans Kwoze

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

MATIYE 10:28

Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor Gehen tə́ ní.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

SOPONI 1:1

Dan ń Josias kə́ ngōn̄ Amon i mban̄g kə́ Juda ní, Kɔ́ɔ̄ɓē ɔr̄ najə̄ kə Soponi kə́ ngōn̄ Kusi. Kusi i ngōn̄ Gedalia kə́ ngōn̄ Amaria. Amaria i ngōn̄ Ejekias.

JEREMI 41:18

Nin̄ a̰ȳn̄ i Kalde gə̄ ń nin̄ ɓōlə́n̄də́ ngá̰ý ní, tɔdɔ̄ Ismael kə́ Netania, tɔ̄l̄ Gedalia kə́ ngōn̄ Ahikam ń mban̄g kə́ Babilon əndān dɔ ɓē tə́ ní.

JEREMI 41:16

Anī Yohanan, ngōn̄ Karea ō, ngol áskar gə̄ ń dānə̄nən̄ ní ō, a̰a̰n̄ gō gotə de gə̄ malang majə. Nin̄ a̰a̰n̄ gō de gə̄ ń ngōn̄ Netania ɔydə́ Misəpa aw̄ sedə́ dan ń tɔ̄lə̄n̄neé Gedalia ngōn̄ Ahikam tə́ ní, adə̄ i de kə́ dəngam gə̄ ō, áskar gə̄ ō, dəyá̰ gə̄ ō, ngán gə̄ ō, ngé rāā kəla kə́ ndogó mbangāá gə̄ ń ḭḭn̄ sedə́ Gabaon tə́ ní ō.

JEREMI 40:8

anī, nin̄ reēn̄ kə deē yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael ngōn̄ Netania ō, Yohanan ō, Yonatan ō, ngán Karea gə̄ ō, Seraya kə́ ngōn̄ Tanəhumet ō, ngán Epai kə́ Netopa ō, Yejanyahu kə́ ngōn̄ Maaka ō. I ngarā̰ kumdə́ nin̄ kɔ́ gə̄ ō, deē yādə́ gə̄ ō n reēn̄ ní.

JEREMI 36:21

Tā anī mban̄g əla Yehudi kun makətūbə̄ ní tə́. Ni-aw̄ ɓē yā Elisama nge ndang makətūbə̄ tə́ un reēń ba tə́da ta kum mban̄g tə́ ō, ta kum de kə́ bo gə̄ malang ń ran̄ kə njadə́ dɔɔ́ rɔ̄ mban̄g tə́ ō ní.

2 MBAN̄G 25:23

Dan ń ngol áskar gə̄ malang kə deē yādə́ gēé oōn̄ kadə̄ mban̄g kə́ Babilon əndā Gedalia dɔ ɓē tə́ anī, reēn̄ kə de gə̄ yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael kə́ ngōn̄ Netania ō, Yohanan kə́ ngōn̄ Karea ō, Seraya kə́ ngōn̄ Tanəhumet kə́ Netopa ō, Yajania ń i de kə́ gír kojə yā Maaka tə́ ní ō.

JEREMI 36:4

Jeremi ɓāŕ Baruk, ngōn̄ Neriya, kadə̄ ndang najə̄ gə̄ malang ń Kɔ́ɔ̄ɓē ɔr̄ seneé ní kem ndāŕ ndang najə̄ kógə̄ḿ kə́ ɓír̄ gidə naā tə́ ní tə́.