JEREMI 35:4 - Bibəl ta Sar̄

⁴ M-āw̄ sedə́ kújə yā Kɔ́ɔ̄ɓē tə́, kem kújə yā ngán Hanan kə́ ngōn̄ Yigədalyahu tə́. Adə̄ i kem kújə́ ń i kadə yā de kə́ bo gə̄ tə́ ō, i dɔɔ́ dɔ kem kújə yā Maseya ngōn̄ Salum kə́ nge ngɔ̄m̄ ta róbə́ kújə yā Kɔ́ɔ̄ɓē tə́ ō ní.

Bible sar

⁴ M-āw̄ sedə́ *kújə yā Kɔ́ɔ̄ɓē tə́, kem kújə yā ngán Hanan kə́ ngōn̄ Yigədalyahu tə́. Adə̄ i kem kújə́ ń i kadə yā de kə́ bo gə̄ tə́ ō, i dɔɔ́ dɔ kem kújə yā Maseya ngōn̄ Salum kə́ nge ngɔ̄m̄ ta róbə́ kújə yā Kɔ́ɔ̄ɓē tə́ ō ní.

JEREMI 35:4 Referans Kwoze

NDŪ NAJƏ̄ 33:1

Moijə ń i deē yā Nə́ɓā ní, kété pá tá kadə̄ oy ní, najə̄ gə̄ ń ni-ɔr̄ á tɔ́rəń tan dɔ ngán Israel gə̄ tə́ ní n toó:

2 YÁ̰A̰ GƏ̄ 8:14

Salomo̰ rāā jī bēl̄ loo rāā yá̰a̰ gə̄ ń bɔbə̄n Dabid gḛy rāā ní, ni tə́ndā ɓūtə̄ gə̄ yā ngé tun̄ yá̰a̰ gə̄ kem kəla yādə́ gə̄ tə́ ō, ngán Lebi gə̄ n ə̄ndān̄ dɔdə́ tə́ kadə̄ ɔsən̄ gɔn Kɔ́ɔ̄ɓē kə dɔ ndɔ̄ gə̄ aláa kadə̄ ɔsən̄ kíl ngé tun̄ yá̰a̰ gə̄ kem kəla yādə́ tə́ ní, ni tə́ndādə́ kem kəla yādə́ gə̄ tə́ ō, ni tə́ndā ngé ngɔ̄m̄ ta róbə gə̄ kem kəla yādə́ gə̄ tə́ kə gō ɓūtə̄ yādə́ gēé ta róbə gə̄ tə́ kógə̄ḿ kógə̄ḿ ō. Yá̰á̰ ń Dabid kə́ deē yā Nə́ɓā əda kadə̄ yā rāā ní n noó.

2 MBAN̄G 12:9

Ngé tun̄ yá̰a̰ gə̄ ndigən̄ táā nar jī de gə̄ tə́ to̰ aĺ ō, ndigən̄ kadə̄ kəla rāā loo kújə yā Kɔ́ɔ̄ɓē kə́ nujə gə̄ i tū tə́ to̰ aĺ ō.

2 MBAN̄G 25:18

Ngol ngé ngɔ̄m̄ mban̄g gə̄ əhɔ Seraya ngol ngé tun̄ yá̰a̰ gə̄ ō, Sepania nge tun̄ yá̰a̰ kə́ nge ko̰ jōó ō, ngé ngɔ̄m̄ ta róbə́ kújə gə̄ ń nin̄ i deē mətá ní ō.

2 MBAN̄G 1:9

Mban̄g əla áskar yān gə̄ kutə mí kəhɔ Eli tə́. Ngol áskar gə̄ ní aw̄ gō Eli tə́ kə áskar yān gēé. Eli ndi i ta tél mbal̄ tə́ dɔɔ́. Ngol áskar gə̄ ní əda Eli na: Deē yā Nə́ɓā, mban̄g əda na kə ī-risə nang tə́!

1 MBAN̄G GƏ̄ 12:22

Banī Nə́ɓā ɔr̄ najə̄ kə deē yān ń rīn na i Semaya ní, ədan na:

JOJUE 14:6

Dan ń ngán Israel gə̄ ndinneé Gilgal ɓáý ní, ndɔ̄ kə́rēý tə́ de kə́ gír ɓē yā Juda tə́ gē reēn̄ rɔ̄ Jojue tə́ Anī Kaleb ngōn̄ Yepune ń ni i Keniji ní ədan na: Yá̰á̰ ń Kɔ́ɔ̄ɓē əda Moijə deē yā Nə́ɓā dɔḿ tə́ ō, dɔí tə́ ō, Kades Barnea ní ī-ger̄ majə.

2 TIMOTE 3:17

yā kadə̄ deē yā Nə́ɓā i kə́ majə ɔtə̄ kə taá ō, ənge yá̰a̰ gə̄ kə́ yā rāāń kəla malang kə́ majə ō.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

EJEKIEL 43:8

Mban̄g gə̄ tə́ndān̄ ta róbə gə̄ kə́ yā kudəń kə̄ kem kújə ngol yādə́ gə̄ tə́ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə ta róbə́ kújə́ kə́ bo yāḿ tə́ ō, tə́ndān̄ kāgə̄ ta róbə́ kújə yādə́ gə̄ i kadə kāgə̄ ta róbə́ kújə́ kə́ bo yāḿ gə̄ tə́ ō. Ndogə̄ mbal̄ ń kēgə̄ kújə́ kə́ bo yāḿ naā tə́ kə kújə yādə́ ní i kógə̄ḿ beē. Nin̄ kídə̄n̄ rīḿ kə́ táĺ. Tɔdɔ̄ nin̄ rāān̄ yá̰á̰ kə́ majaĺ ngá̰ý gə̄. I tām̄ najə̄ ń toō tə́ n m̄-nujə sedə́ kɔ̄ɔ́ malang dan ń wōn̄g rāām̄ ní.

JEREMI 52:24

Ngol ngé ngɔ̄m̄ dɔ mban̄g ní, əhɔ Seraya kə́ ngol ngé tun̄ yá̰a̰ gə̄ ō, Sepania ń ni i nge tun̄ yá̰á̰ kə́ nge ko̰ jōó ní ō, ngé ngɔ̄m̄ ta róbə gə̄ mətá ō.

JEREMI 26:10

Dan ń de kə́ bo kə́ Juda tə́ gə̄ oōn̄ kōō yá̰á̰ gə̄ ń noō ní anī, nin̄ ḭḭn̄ kem kújə yā mban̄g tə́ aw̄ ndin̄ ta róbə́ kújə kə́ kijə yā Kɔ́ɔ̄ɓē tə́.

PĀ GƏ̄ 84:10

Nə́ɓā, á̰a̰ deē ń i der yājí ní, á̰a̰ ta kum deē ń úr yibə̄ dɔn tə́ ní.

1 YÁ̰A̰ GƏ̄ 9:27

Nin̄ a ɓīīn̄ i gidə kújə yā Nə́ɓā tə́. Tɔdɔ̄ kəla ń adə̄n̄də́ ní i kəla ngɔ̄m̄ kújə yā Nə́ɓā ō, teē ta dəloí kə ndɔ̄ gə̄ ō.

2 MBAN̄G 7:17

Mban̄g əndā nge kətō der yān ń ni a ndə̄nā rɔ̄n dɔ jīn tə́ ní kadə̄ ngɔ̄m̄ ta róbə ɓē. Banī de kə́ kem ɓēé gə̄ ərenən̄ kadə bápə́ tə́ adə̄ oy tītə̄ ń deē yā Nə́ɓā ədań ní. Ni-əda najə̄ ní i dan ń mban̄g aw̄ń kə̄ rɔ̄n tə́ ní ɓáý.

2 MBAN̄G 7:2

Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

2 MBAN̄G 6:10

Loo ń noō tə́ mban̄g kə́ Israel əla de gə̄ loo ń deē yā Nə́ɓā ɔjən tə́ ní. Ni tāā mban̄g adə̄ ndi dɔ rɔ̄n tə́. Ni-rāā yá̰á̰ ní i nja kógə̄ḿ beē ngóy alé.

2 MBAN̄G 5:20

Geaji nge kəla yā Elije əda kə̄ kemən tə́ na: Kɔ́ɔ̄ḿ əya̰ Naaman ń i Aram deē ń, adə̄ aw̄ kanjə̄ taā yá̰a̰ ndējə̄ gə̄ ń reēń ní jīn tə́. Tītə̄ ń Kɔ́ɔ̄ɓē ndiń kə kumneé noō, m-ā m̄-ngɔ̄də̄ gōn kadə̄ m-āw̄ m-ə́nge yá̰á̰ kógə̄ḿ jīn tə́!

2 MBAN̄G 5:14

Naaman aw̄ əla rɔ̄n kum bā Jurdḛ tə́ nja sīrí tītə̄ ń deē yā Nə́ɓā ədań ní, anī bānjə̄ kə́ rɔ̄n tə́ ur̄ ō, dā̰n tél to tītə̄ dā̰ ngōn̄ kásə̄ beé ō.

1 MBAN̄G GƏ̄ 20:28

Deē yā Nə́ɓā aw̄ rɔ̄ mban̄g kə́ Israel tə́ ɔr̄ najə̄ seneé əda na: Kɔ́ɔ̄ɓē əda na Aram gə̄ ədan̄ na mā i ɓesə̄ dɔ mbal̄ ba na mā i ɓesə̄ kə́ kum ndágə mbō tə́ alé, adə̄ tām̄ najə̄ ń noō tə́ ní m-ā m-ə́la kósə de kə́ ngá̰ý gə̄ ń toō kem jīí tə́. Loo ń noō tə́ ā ī-gerī kadə̄ mā i Kɔ́ɔ̄ɓē.

1 MBAN̄G GƏ̄ 17:24

Dəyá̰ ní əda Eli na: Ngɔlaā m̄-ger̄ kadə̄ ḭ̄ i deē yā Nə́ɓā ō, Kɔ́ɔ̄ɓē əndā najə̄ taí tə́ rɔ̄kum ō.

1 MBAN̄G GƏ̄ 17:18

Anī dəyá̰ ní əda Eli na: Deē yā Nə́ɓā, i rí n i dɔ dáńjí tə́? Ī-reē ɓēé looḿ i kadə̄ əga kem Nə́ɓā dɔ yá̰á̰ kə́ gōtə́ aĺ kə́ m̄-rāā tə́ ba kadə̄ ngōnə̄ḿ kə oyń a?

1 MBAN̄G GƏ̄ 13:26

Dan ń nge kōō ta ń tél reē kə madə̄neé gogə́ kem ɓēé ní oō najə̄ ní anī, əda na: I deē yā Nə́ɓā ń mbātə́ ta Kɔ́ɔ̄ɓē ní n Kɔ́ɔ̄ɓē əlan ta ɓɔl tə́ adə̄ tétə̄ kə̄ngān ō, əhɔn tītə̄ ń Kɔ́ɔ̄ɓē ədanəń ní ō.

1 MBAN̄G GƏ̄ 13:1

Dan ń Jeroboam ra a róō yá̰a̰ ndējə̄ gə̄ dɔ loo tun̄ yá̰á̰ tə́ anī, deē yā Nə́ɓā kógə̄ḿ ḭḭ Juda reē ugə̄ Betel. Deē ní i Kɔ́ɔ̄ɓē n ədan najə̄ á reēń ní.

1 SAMUEL 2:27

Deē yā Nə́ɓā kógə̄ḿ reē ənge Eli ba ədan na: Najə̄ ń Kɔ́ɔ̄ɓē əda ní n toó: Kété dan ń kaaí gə̄ i gíŕ tɔ́gə yā mban̄g Parao̰ tə́ dɔ nang kə́ Ejiptə tə́ ní, m̄-tḛḛ̄ kumdə́ adə̄ a̰a̰ ger̄mə̄n̄.

JEREMI 35:3

Tā anī m-āw̄ m̄-sāā Yajania, ngōn̄ Yirmeyahu, ngōn̄ Habasinya ō, ngákó̰o̰n kə́ dəngam gə̄ malang ō, ngánən kə́ dəngam gə̄ malang ō, adə̄ i de gə̄ malang kə́ gír kaa yā Rekab tə́.

EJEKIEL 40:38

Kem kújə́ kə́rēý i kadə kem kújə́ kə́ ta róbə́ tə́. Deē teē tū tə́ a reē i kem kújə́ kə́ ta róbə́ tə́. Dā̰ gə̄ ń tɔ̄lə̄n̄də́ yā róōdə́ kə taá malang ní, a tə́gon̄də́ i kem kújə ngeé ń noō tə́.

JEREMI 21:1

Mban̄g Sedekias əla Pasəhur kə́ ngōn̄ Malkiya ō, Sepania kə́ nge tun̄ yá̰á̰ ń i ngōn̄ Maseya ní ō rɔ̄ Jeremi tə́ yā kadə̄ ədanən̄ na: