JEREMI 35:15 - Bibəl ta Sar̄

¹⁵ m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

Bible sar

¹⁵ m̄-to dan kəla ngé kəla yāḿ gə̄ ń i *ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 35:15 Referans Kwoze

JEREMI 18:11

Ngɔlaā ní ɔ̄r̄ najə̄ kə de kə́ Juda tə́ gə̄ ō, kə de gə̄ ń ndin̄ Jerusalem tə́ ní ō, ə́dádə́ na: Najə̄ ń Kɔ́ɔ̄ɓē əda ní n toó: Á̰a̰ī, m̄-nóm̄ yá̰á̰ kə́ to kum kaȳ aĺ yā rāā sesí. m̄-gír̄ rāā yá̰á̰ kógə̄ḿ sesí. Ī-tūrī hálsí kógə̄ḿ kógə̄ḿ ba ə́ya̰ī yá̰a̰ kə́ majaĺ gə̄ kɔ̄ɔ́. Rɔ̄kum, ī-rāāī ādə̄ pā njə̄rāsí majə ō, kəla rāāsí majə ō.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

JEREMI 22:4

Ré ī-rāāī yá̰á̰ tītə̄ ń noō rɔ̄kum anī, mban̄g gə̄ ń a ndin̄ dɔ kōr̄ kāgə̄ mbang yā Dabid tə́ ní a alə̄n̄ púsə́ sə́nda gə̄ ō, sə́nda gə̄ ō, yā kudəń ndogó mbangāá kə ta róbə gə̄ ń toō. Rɔ̄kum, nin̄ ō, ngé rāā kəla yādə́ gə̄ ō, gír deē yādə́ gə̄ ō a udən̄ kə ta róbə gə̄ ń noō.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

JEREMI 34:14

M-ə́dádə́ m-ə́da na: Ré ī-tə́daī ɓāl̄ sīrí ta asə naā anī deē kógə̄ḿ kógə̄ḿ kə́ dansí tə́ a əya̰ ngōkó̰o̰n kə́ hebəro ń gātə̄ kə rɔ̄neé jīn tə́ ní dɔɔ́. Ni a rāā kəla ɓəlo adī kem ɓāl̄ mehḛ́, ba gō tə́ anī ā ə́ya̰n dɔɔ́. Banī kaasí gə̄ nēlə̄n̄ mbīdə́ oōn̄neé najə̄ yāḿ alé.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

JEREMI 4:1

Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

JEREMI 3:14

Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí Siyo̰.

NDŪ NAJƏ̄ 30:20

Ā ī-táŕ Kɔ́ɔ̄ɓē Nə́ɓā yāí ō, ōō tan ō, ī-tə́ya̰ gon tə́ ō. I beé n ā ī-ndiń kə kumií ɓāl̄ ngá̰ý dɔ nang ń Kɔ́ɔ̄ɓē ənī ndūn yā kadə̄ kaaí Abəraham ō, Isaak ō, Jakob ō tə́ ní.

Teē Ngán Israel gə̄ 20:3

Ā ī-ndɔ̄ȳ nə́ɓā kə́ rang alé, i mā ngóy n ā ī-ndɔ̄ȳm̄ ní.

NDŪ NAJƏ̄ 6:14

Ā ə́laī dɔsí gír ɓesə̄ gə̄ yā gír de kə́ rang gə̄ ń ndin̄ gīrə̄n̄ gidəsí tə́ ní alé.

JEREMI 11:8

Ba nin̄ mbātə́n̄ koō ndūḿ, nēlə̄n̄ mbīdə́ alé. Náā nəkɔ́ ɓáa rāā dɔ ngan̄g adə̄ al̄ naā kə̄ non tə́. Tā a m-ādə̄ yá̰a̰ malang ń najə̄ kə́ dɔ madə̄ naā ń toō tə́ mēr̄də́ rāā á mbātə́n̄ rāā ní ɔdədə́.

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

JEREMI 23:22

Nə́ngētə́ gēé ndin̄ loo koō naā dɔ najə̄ tə́ seḿ anī. A gerə̄n̄ loo kɔr̄ najə̄ yāḿ kadə̄ gír deē yāḿ gə̄ oōn̄ ō, a gerə̄n̄ loo rāā sedə́ kadə̄ əya̰n̄ gō háĺdə́ kə́ majaĺ gə̄ ō, kəla rāādə́ kə́ majaĺ gə̄ ō kɔ̄ɔ́.

JEREMI 25:4

Kɔ́ɔ̄ɓē əla ngé kəla yān gə̄ malang ń i ngé koō ta gə̄ ní rɔ̄sí tə́ kanjə̄ kɔr ta tə́, banī sḭḭ̄ ōōī najə̄ yādə́ aĺ ō, ī-nēlī mbīsí ōōīneé najə̄ kɔr̄də́ aĺ ō.

JEREMI 26:5

ōōī najə̄ kə́ ta ngé kəla yāḿ gə̄ ń i ngé koō ta gə̄ á m-ə́ládə́ rɔ̄sí tə́ kə nja naā tə́ ní aĺ anī,

JEREMI 29:19

Tɔdɔ̄ nin̄ oōn̄ najə̄ yāḿ alé. Nin̄ ń m̄-to dan kəla ngé kəla yāḿ gə̄ ń i ngé koō ta gə̄ rɔ̄də́ tə́ ní, oōn̄ najə̄ yāḿ alé. Najə̄ ń Kɔ́ɔ̄ɓē əda ní n noó.

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

JEREMI 36:3

Majanī de kə́ Juda tə́ gə̄ a əndān̄ ma̰ȳ yá̰á̰ kə́ to rɔ̄ tō ndoō gə̄ malang ń m̄-gír̄ kadə̄ rāādə́ ní, adə̄ náā nəkɔ́ ɓáa a tūr̄ hálən ō, m-ā m-ásə mā̰ȳ rɔ̄ḿ dɔ yá̰á̰ kə́ gōtə́ aĺ yādə́ gə̄ tə́ ō, dɔ majaĺ yādə́ gə̄ tə́ ō.