JEREMI 35:1 - Bibəl ta Sar̄

¹ Kɔ́ɔ̄ɓē ɔr̄ najə̄ kə Jeremi, ɓāl̄ yā Joakim, ngōn̄ Josias, mban̄g kə́ Juda tə́ ədan na:

Bible sar

¹ Kɔ́ɔ̄ɓē ɔr̄ najə̄ kə Jeremi, ɓāl̄ yā Joakim, ngōn̄ Josias, mban̄g kə́ *Juda tə́ ədan na:

JEREMI 35:1 Referans Kwoze

JEREMI 25:1

Najə̄ kə́ Kɔ́ɔ̄ɓē ɔr̄ kə Jeremi sɔɔ̄ dɔ gír de gə̄ malang kə́ Juda tə́, kem ɓāl̄ kə́ nge ko̰ sɔ́ ń Joakim, ngōn̄ Josias ndiń mban̄g kə́ Juda tə́ ní, adə̄ i kem ɓāl̄ kə́ ta kəga dɔ ń Nabukodonosor, ndiń mban̄g dɔ ɓē kə́ Babilon tə́ ní.

JEREMI 1:3

Kɔ́ɔ̄ɓē ɔr̄ najə̄ seneé ɓáý to̰ i ɓāl̄ yā Joakim, ngōn̄ Joas, mban̄g kə́ Juda tə́, bátə́ ta tɔ̄l̄ ta ɓāl̄ kə́ nge ko̰ kutə gidə i kógə̄ḿ yā Sedekias, ngōn̄ Josias, mban̄g kə́ Juda tə́, bátə́ kadə̄ əhɔn̄neé de kə́ Jerusalem gə̄ dɔ gúú tə́ aw̄n̄ sedə́ dɔ nang kə́ rang tə́, kem nāā kə́ nge ko̰ mí tə́.

2 MBAN̄G 23:35

Joakim adə̄ Parao̰ Neko gində̄ arjā̰a̰ ō, lɔ́r ō ń gān̄g dɔn tə́ ní. Ni gān̄g i lambóo dɔ de kə́ kem ɓēé gə̄ tə́ n əngeń kutə nar ń Parao̰ gḛy ní. Gində̄ arjā̰a̰ ō, lɔ́r ō ń ni-gān̄g dɔ de kə́ kem ɓēé gə̄ tə́ yā kadə̄ Parao̰ ní, gān̄g i kə gō yá̰a̰ kənge yādə́ gēé.

DANIEL 1:1

Kem ɓāl̄ ko̰o̰ ɓē kə́ nge ko̰ mətá yā Joakim mban̄g kə́ Juda tə́ ní, Nabukodonosor mban̄g kə́ Babilon reē gīr̄ ɓē kə́ Jerusalem kə rɔ̄ɔ́.

JEREMI 46:2

Najə̄ kə́ dɔ ɓē kə́ Ejiptə tə́ ō, dɔ ngé rɔ̄ɔ̄ gə̄ yā Parao̰ Neko mban̄g kə́ Ejiptə tə́ ō. Neko ndi i Karkemis, kadə bā Opəratə tə́ n Nabukodonosor, mban̄g kə́ Babilon tetənneé rɔ̄ɔ̄ ní tə́. I kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g Juda tə́ ní.

JEREMI 36:29

Ā ə́da Joakim, mban̄g kə́ Juda na najə̄ ń mā Kɔ́ɔ̄ɓē m-ə́dá ní n toó: Ī-róō ndāŕ ndang najə̄ kə́ ɓír̄ gidə naā tə́ ń toō ō, ī-gákə̄m̄ ə́da na ké i tām̄ rí tə́ á m̄-ndang najə̄ kemeé m-ə́da na mban̄g kə́ Babilon tə́ na a reē yā nujə kə ɓē ń toō gáŕ ō, na a rāā kadə̄ de gə̄ ō, dā̰ gə̄ ō kə́ kemeé na a gətóon̄ kɔ̄ɔ́ ō ní wa?

JEREMI 36:9

Kem nāā kə́ nge ko̰ ndōhó yā ɓāl̄ kə́ nge ko̰ mí ń Joakim, ngōn̄ Josias, ndiń mban̄g Juda tə́ ní, ɓārə́n̄ de gə̄ malang kə́ Jerusalem tə́ ō, ngé gə̄ malang ń a ḭḭn̄ kem ɓē gə̄ kə́ Juda tə́ a reēn̄ Jerusalem ní ō, kadə̄ ndin̄ ɓō tām̄ yā Nə́ɓā tə́ ta kumən tə́.

JEREMI 36:1

Kem ɓāl̄ kə́ nge ko̰ sɔ́ ń Joakim, ngōn̄ Josias ndiń mban̄g Juda tə́ ní, Kɔ́ɔ̄ɓē ɔr̄ najə̄ ń toō kə Jeremi:

JEREMI 26:1

Ta kəla gír ko̰o̰ ɓē yā Joakim, ngōn̄ Josias, mban̄g kə́ Juda tə́ ní, Kɔ́ɔ̄ɓē ɔr̄ najə̄ ń toō kə Jeremi ədan na:

2 MBAN̄G 23:34

Gō tə́ anī əndā Eliakim ngōn̄ Josias mban̄g gotə bɔbə̄n tə́ ba tūr̄ rīn kɔ̄ɔ́, əndā na i Joakim. Joakajə tá aw̄ seneé Ejiptə tə́ adə̄ oy i nú.

JEREMI 27:20

dɔ yá̰a̰ gə̄ malang ń Nabukodonosor, mban̄g kə́ Babilon ɔy alé dan ń əhɔ Yekonia, ngōn̄ Joakim, mban̄g kə́ Juda tə́ aw̄ seneé Babilon tə́, naā tə́ kə ngār kə́ Juda tə́ gə̄ malang ō, kə́ Jerusalem tə́ gə̄ ō ní.