JEREMI 34:9 - Bibəl ta Sar̄

⁹ kadə̄ náā nəkɔ́ ɓáa əya̰ ɓəlo yān kə́ dəngam gə̄ ō, kə́ dəyá̰ gə̄ ō ń i hebəro gə̄ ní dɔɔ́. De kə́ dɔ dáńdə́ tə́ kə́ a əhɔ ngōkó̰o̰n de kə́ Juda tə́ ɓəloó ní a gətóo.

Bible sar

⁹ kadə̄ náā nəkɔ́ ɓáa əya̰ ɓəlo yān kə́ dəngam gə̄ ō, kə́ dəyá̰ gə̄ ō ń i hebəro gə̄ ní dɔɔ́. De kə́ dɔ dáńdə́ tə́ kə́ a əhɔ ngōkó̰o̰n de kə́ *Juda tə́ ɓəloó ní a gətóo.

JEREMI 34:9 Referans Kwoze

PILIPƏ 3:5

Tɔdɔ̄ əjan̄ mɔtəḿ i gō ndɔ̄ kojəḿ kə́ nge ko̰ sɔ́sɔ́ tə́ ō, mā i Israel kə́ kojə ō, mā i de kə́ gír ɓē yā Benjamḛ tə́ ō, mā i Hebəro kə́ i Hebəro gə̄ n ojəmə̄n̄ ō. Kə́ ɔjə dɔ yá̰a̰ rāā kə́ kə gō ndū najə̄ yā Jipə gə̄ ɓáa, mā i de kə́ dan ɓūtə̄ yā Parijiyḛ gə̄ tə́.

2 KORḚNTƏ 11:22

Nin̄ i Hebəro gə̄ a? Mā i Hebəro ō. Nin̄ i ngán Israel gə̄ a? Mā i ngōn̄ Israel ō. Nin̄ i ngán kaa Abəraham gə̄ a? Mā i ngōn̄ kaa Abəraham ō.

1 KORḚNTƏ 6:8

Ba i sḭḭ̄ n i ngé rāā yá̰á̰ kə́ gōtə́ aĺ kə de gēé ō, ngé kə́ra de gə̄ ō ní! Tá de gə̄ ní i ngákó̰ó̰sí gə̄ ɓáý to̰!

JEREMI 34:10

Anī de kə́ bo gə̄ malang ō, de gə̄ malang ń ənīn̄ ndūdə́ kadə̄ n-əya̰n̄ ɓəlo yādə́ kə́ dəngam gə̄ aláa kə́ dəyá̰ gə̄ dɔɔ́ ō, kadə̄ n-əhɔn̄də́ ɓəloó gogə́ to̰ aĺ ō ní, rāān̄ yá̰á̰ ń ədan̄ ní. Nin̄ ran̄ dɔ ndūdə́ tə́ adə̄ əya̰n̄ ɓəlo yādə́ gə̄ dɔɔ́.

JEREMI 30:8

Ndɔ̄ ń noō tə́ ní m-ā m̄-tétə̄ njúkə yān naā tə́ ō, m-ā m-ɔ̄r̄ kɔ̄ɔ́ míndən tə́ ō, m-ā m̄-gán̄g kəlān gə̄ ō. Ni a əla dɔn gíŕ tɔ́gə yā tə̄rā gə̄ tə́ to̰ aĺ i kə́ bátə́ gə̄ tə́.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

JEREMI 25:14

Tɔdɔ̄ nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō, a o̰o̰n̄ ɓē dɔdə́ tə́. M-ā m-ādə̄ əgān̄ kə̄rā yá̰a̰ gə̄ ń rāān̄ ní ō, jī bēl̄ loo rāā yá̰a̰ yādə́ gə̄ ō.

1 SAMUEL 14:11

Adə̄ nin̄ jōó mbak ní əya̰n̄ rɔ̄də́ adə̄ Pilistin gə̄ a̰a̰n̄də́. Anī Pilistin gə̄ ədan̄ na: Á̰a̰ī Hebəro gə̄ ń ɓɔ̄ɔ̄n̄ rɔ̄də́ kem bəlo gə̄ tə́ ní n a teēn̄ noó.

1 SAMUEL 4:9

Pilistin gə̄, ə́hɔī rɔ̄sí tɔgə. Ī-raī dəngam, na sōgə́ ī-rāāī ɓəlo yā Hebəro gə̄ tītə̄ ń nin̄ rāān̄neé ɓəlo yāsí kété ní. Ī-raī dəngam ba ī-rɔ̄ɔ̄īdə́.

1 SAMUEL 4:6

Pilistin gə̄ oōn̄ kōō kɔĺ rɔ̄nel̄ kə́ ngá̰ý ní anī ədan̄ na: Kɔĺ rɔ̄nel̄ ń ɓār̄ ngá̰ý kem gérger yā Hebəro gə̄ tə́ noō kumən na i rí? Gō tə́ ɓáa gerə̄n̄ kadə̄ i sandúkə yā Kɔ́ɔ̄ɓē n ugə̄ kem gérgereé.

NDŪ NAJƏ̄ 15:12

Ré ngōkó̰ó̰í kə́ Hebəro kógə̄ḿ kə́ dəngam aláa kə́ dəyá̰ igə kə rɔ̄neé jīí tə́ adə̄ ni i ɓəlo yāí anī, a rāā kəla yāí ɓāl̄ mehḛ́, ba ɓāl̄ kə́ nge ko̰ sīrí anī ā ə́ya̰n dɔɔ́.

Teē Ngán Israel gə̄ 3:18

Ngán Israel gə̄ a oōn̄ taí ō, ā āw̄ kə kum kɔɔ̄ yādə́ gēé rɔ̄ mban̄g kə́ Ejiptə tə́ ō. Ā ə́dain̄ na Kɔ́ɔ̄ɓē Nə́ɓā yā Hebəro gə̄ na ndɔ̄bə̄sí, adə̄ na i gáŕ kadə̄ ī-njə̄rāī ndɔ̄ mətá āwī kem dəla loo tə́ āw̄ ī-tunī yá̰a̰ ādīin̄.

Teē Ngán Israel gə̄ 2:6

Ni-tḛḛ̄ ta anī a̰a̰ i ngōn̄ kə́ dəngam n to kemeé a nōō ní. Kumən o̰o̰n tām̄ yā ngōn̄ ní tə́ ō, əda na ngōn̄ ní na i ngōn̄ Hebəro ō.

TA KƏLA 40:15

Tɔdɔ̄ na əhɔnən̄ na i kə gúú dɔ nang yā Hebəro gə̄ tə́ n na reēn̄ seneé ní, tá laā gə̄gē ní na n-rāā yá̰á̰ kə́ kadə̄ deē ənīnəń dəngáyá aĺ ō.

TA KƏLA 14:13

Deē kógə̄ḿ dan ngé gə̄ ń a̰ȳn̄ naā tə́ ní aw̄ əda Abəram ń i Hebəro ní najə̄ ní. Abəram ndi i kem kāgə̄ sén gə̄ yā Mamre tə́. Mamre tá i Amor. Ni i ngōkó̰o̰ Esəkol ō, Aner ō. Nin̄ mətá mbak əhɔn̄ madə̄ naā kə Abəram.