JEREMI 34:8 - Bibəl ta Sar̄

⁸ Mban̄g Sedekias əda de gə̄ malang kə́ Jerusalem kadə̄ ənīn̄ ndūdə́ yā kəya̰ ɓəlo gə̄ dɔɔ́,

Bible sar

⁸ Mban̄g Sedekias əda de gə̄ malang kə́ Jerusalem kadə̄ ənīn̄ ndūdə́ yā kəya̰ ɓəlo gə̄ dɔɔ́,

JEREMI 34:8 Referans Kwoze

LEBI GƏ̄ 25:10

Ɓāl̄ kə́ nge ko̰ kutə mí i ɓāl̄ kə́ kɔr̄ kam̄ tām̄ yāsí tə́. Ā ə̄nīī mbēr̄ teē ɓəloó kem ɓēé tām̄ yā de gə̄ tə́ malang. I ɓāl̄ Jubile tām̄ yāsí tə́. Sḭḭ̄ kógə̄ḿ kógə̄ḿ ā ī-téliī yā taā dɔ nang yāsí gə̄ gogə́ ō, ā ī-téliī kə̄ ɓē ngéésí gēé gogə́ ō.

JEREMI 34:17

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Sḭḭ̄ ōōī najə̄ yāḿ kadə̄ ə́ya̰īneé ngákó̰ó̰sí gə̄ ō, ngáń ngé ɓē gə̄ ō dɔɔ́ aĺ ní, mā m-ā m-ə́yá̰sí kadə̄ ə̄sōī ta kaskar tə́ ō, kadə̄ mo̰y ngāl̄bɔ̄gīí ō, ɓō ō əsōn̄ dɔsí tə́. M-ā m̄-rāā kadə̄ ī-téliī yá̰a̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. Najə̄ ń Kɔ́ɔ̄ɓē əda ní n noó.

2 MBAN̄G 11:17

Yoyada rāā adə̄ ndūdə́ Kɔ́ɔ̄ɓē ō, mban̄g ō, ngán Israel gə̄ ō, əhɔn̄ madə̄ naā yā kadə̄ ngán Israel gə̄ télən̄neé gír deē yā Kɔ́ɔ̄ɓē. Ni-rāā adə̄ kəhɔ madə̄ naā to dɔ dán mban̄g tə́ kə ngán Israel gēé ō.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

2 YÁ̰A̰ GƏ̄ 29:10

Ngɔlaā ní m̄-sāā əhɔ madə̄ naā kə Kɔ́ɔ̄ɓē Nə́ɓā yā Israel, yā kadə̄ wōn̄g ń rāān sejí ngá̰ý ní tetəń.

2 YÁ̰A̰ GƏ̄ 23:16

Yoyada ənī míndən ō, adə̄ de gə̄ ənīn̄ míndə́də́ ō, adə̄ mban̄g ənī míndən ō, kadə̄ nin̄ i gír de gə̄ yā Kɔ́ɔ̄ɓē.

NDŪ NAJƏ̄ 15:12

Ré ngōkó̰ó̰í kə́ Hebəro kógə̄ḿ kə́ dəngam aláa kə́ dəyá̰ igə kə rɔ̄neé jīí tə́ adə̄ ni i ɓəlo yāí anī, a rāā kəla yāí ɓāl̄ mehḛ́, ba ɓāl̄ kə́ nge ko̰ sīrí anī ā ə́ya̰n dɔɔ́.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.