JEREMI 34:5 - Bibəl ta Sar̄

⁵ Ā óy i kə kem sɔl̄ lɔmɔɔ́. A róōn̄ yá̰á̰ kə́ kotə majə tām̄ yāí tə́ tītə̄ ń róōn̄neé adə̄n̄ kaaí gə̄ ń ndin̄ dɔ kōr̄ kāgə̄ mbang tə́ o̰o̰n̄neé ɓē kété noí tə́ ní ō. A unən̄ pā nōō yo dɔí tə́ a ədan̄ na: Kɔ́ɔ̄ḿ, i yá̰á̰ to kum kaȳ aĺ kə́ ba̰ý beé! Kə́ rɔ̄kum tə́ ní najə̄ kɔrə̄ḿ n noó. Najə̄ ń Kɔ́ɔ̄ɓē əda ní n noó.

Bible sar

⁵ Ā óy i kə kem sɔl̄ lɔmɔɔ́. A róōn̄ yá̰á̰ kə́ kotə majə tām̄ yāí tə́ tītə̄ ń róōn̄neé adə̄n̄ kaaí gə̄ ń ndin̄ dɔ kōr̄ kāgə̄ mbang tə́ o̰o̰n̄neé ɓē kété noí tə́ ní ō. A unən̄ pā nōō yo dɔí tə́ a ədan̄ na: Kɔ́ɔ̄ḿ, i yá̰á̰ to kum kaȳ aĺ kə́ ba̰ý beé! Kə́ rɔ̄kum tə́ ní najə̄ kɔrə̄ḿ n noó. Najə̄ ń Kɔ́ɔ̄ɓē əda ní n noó.

JEREMI 34:5 Referans Kwoze

JEREMI 22:18

Tā anī najə̄ ń Kɔ́ɔ̄ɓē əda sɔɔ̄ dɔ Joakim kə́ ngōn̄ Josias, mban̄g kə́ Juda tə́ ní n toó: Pā yo ń na: I yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəngam, i yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəyá̰ i yá̰á̰ kə́ to kum kaȳ aĺ kə́ ba̰ý beé, kɔ́ɔ̄ḿ. i yá̰á̰ kə́ to kum kaȳ aĺ kə́ ba̰ý beé, de kə́ bo ní deē a nōōnneé alé.

2 YÁ̰A̰ GƏ̄ 16:14

Dubə̄nən̄ i kem bəlo ɓádə́ ń adə̄ ndērə̄n̄ tām̄ yān tə́ kem ɓē yā Dabid tə́ ní. Ənīnən̄ i dɔ tə̄rá kə́ yá̰á̰ kə́ kotə majə gə̄ ō, kə́ gír yibə̄ ndum kə́ tayā tayā gə̄ ō, i tū tə́ tə́ ō, rāān̄ hor kə́ bo ngá̰ý tām̄ yān tə́ ō.

DANIEL 2:46

Loo ń noō tə́ mban̄g Nabukodonosor ɔsə non nang tə́, rɔȳ Daniel ō əda kadə̄ ndējə̄n̄ Daniel yá̰a̰ tun̄ gə̄ ō, ndujə̄ yá̰á̰ kə́ kotə majə gə̄ ō.

EJEKIEL 17:16

Tītə̄ ń m̄-ndiń kə kumḿ rɔ̄kum noó, mā Kɔ́ɔ̄ɓē Nə́ɓā m-ə́da na: Mban̄g kə́ Israel tə́ a oy i dɔ nang yā mban̄g kə́ Babilon nge kəndān dɔ kōr̄ kāgə̄ mbang tə́ tə́. Tām̄ usən dɔ túbə ń ni túbə́ ní tə́ alé, ni-ra dɔ ndūdə́ ń ənīn̄ adə̄n̄ naā ní tə́ alé. Adə̄ mban̄g kə́ Israel tə́ a oy i Babilon.

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.

2 YÁ̰A̰ GƏ̄ 34:28

Ā óy yā kaw̄ gō kaaí gə̄ tə́. Ba ā āw̄ ɓádá i kə kem sɔlɔ́. Kumií a a̰a̰ yá̰á̰ kə́ to kum kaȳ aĺ ń m-ā m̄-rāā yā rāā kə ɓē kə́ Jerusalem ō, kə de kə́ kemeé gə̄ ō ní alé. Hilkia ngol ngé tun̄ yá̰a̰ gə̄ nin̄ kə madə̄n gēé reē ədan̄ mban̄g Josias najə̄ ní.

2 MBAN̄G 22:20

Adə̄ m-ā m-ə́ya̰ī kadə̄ óy āw̄ gō kaaí gə̄ tə́ kə kem kə́ sɔl̄ lɔmɔɔ́. A əlanī ɓádá kanjə̄ kadə̄ á̰á̰ yá̰á̰ kə́ to kum kaȳ aĺ gə̄ malang ń m-ā m̄-reēń dɔ ɓē kə́ Jerusalem tə́ ní. Hilkia ngol ngé tun̄ yá̰a̰ gə̄ nin̄ kə madə̄n gēé tél reē ədan̄ mban̄g Josias najə̄ ń nge koō ta kə́ dəyá̰ tūr̄ ədadə́ ní.

JEREMI 34:4

Ɓá tā ba Sedekias, mban̄g kə́ Juda ī-nēl̄ mbīí ōoń najə̄ ń Kɔ́ɔ̄ɓē əda ní. Kɔ́ɔ̄ɓē ɔr̄ najə̄ yāí i tītə̄ ń toō beé: Ā óy yo kaskar alé.

1 SAMUEL 31:12

Anī ngé gə̄ ń wurdə́ il ngá̰ý tɔȳ yā madə̄də́ gə̄ ní əsōn̄ róbó ba njə̄rān̄ ndɔ̄ɔ́ bátə́ ugə̄n̄ Bet Sean. Nin̄ ɔrə̄n̄ nīń Saul ō nīń ngánən kə́ dəngam gə̄ ō kadə̄ ndogə̄ mbal̄ tə́ kɔ̄ɔ́, ba tél aw̄n̄neé gogə́ ɓēé Yabes aw̄ əlan̄ hor dɔ tə́.