JEREMI 34:22 - Bibəl ta Sar̄

²² M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

Bible sar

²² M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ *Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

JEREMI 34:22 Referans Kwoze

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 39:8

Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

JEREMI 52:13

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

JEREMI 52:7

Kalde gə̄ tetən̄ dām̄ ndogə̄ mbal̄ kógə̄ḿ kə́ gidə ɓē kə́ Jerusalem tə́ nang tə́. Nin̄ gīrə̄n̄ gidə ɓē əlan̄ ta naā tə́ ɓá tā banī ndɔ̄ɔ́ anī, ngé rɔ̄ɔ̄ kə́ Juda gə̄ a̰ȳn̄ naā malang kə ta róbə́ kə́ mbənā ndogə̄ mbal̄ kə́ jōó gə̄ tə́, kadə ndɔr̄ yā mban̄g tə́. Ngé ka̰y naā gə̄ unən̄ i róbə́ kə́ ndágə mbō tə́.

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

JEREMI 33:10

Kɔ́ɔ̄ɓē ɔr̄ najə̄ i tītə̄ ń toō beé: Loo ń toō ń sḭḭ̄ ə́daī na i ndəbā ɓē ō, i loo kə́ de gə̄ ō, dā̰ gə̄ ō na gətóon̄ kemeé ō, kem ɓē kə́ Juda tə́ gə̄ ō, kum kə̄lá róbə kə́ to kum ko̰ kə́ Jerusalem gə̄ ō ń ə́daī na i loo kə́ kanjə̄ de gə̄ ō, kanjə̄ ngé ndi ɓē gə̄ ō, kanjə̄ dā̰ gə̄ ō ní, de gə̄ a oōn̄ kōō

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

JAKARI 1:12

Anī nge kaw̄ kəla yā Kɔ́ɔ̄ɓē əda na: Kɔ́ɔ̄ɓē nge rāā dɔ rā̰ ō dɔ nang ō, ń toō asə ɓāl̄ kutə sīrí kɔ̄ɔ́ tā n ī-rāań wōn̄g kə ɓē kə́ Jerusalem ō, kə gotə ɓē kə́ rang gə̄ kə́ Juda tə́ ō ní. Ní, ā ī-ngóō i ɓāl̄ kóndóńg ɓáý to̰ tá kadə̄ kumií a o̰o̰īń tām̄ yān tə́ ní?

MISE 7:13

Gotə loo kə́ rang gə̄ a télən̄ i dəla loo, najə̄ kem ndul yā de gə̄ ń ndin̄ tū tə́ ní tə́.

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

JEREMI 38:23

A aw̄n̄ kə nə̄yá̰í gə̄ malang ō, ngání gə̄ ō rɔ̄ Kalde gə̄ tə́. Īkɔ́ ā a̰ȳ yā tɔȳdə́ aĺ ō. Mban̄g kə́ Babilon a əhɔī kə jīneé ō, a əla hor dɔ ɓē ń toō tə́ ō.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

IJAI 64:10

Kújə́ kə́ táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

IJAI 37:26

Ní, ḭ̄ Senakerib ī-ger̄ yá̰á̰ ń toō aĺ i mbée a? Yá̰a̰ gə̄ ń a rāān̄ yá̰a̰ toó i mā n m-ə̄ndā dɔdə́ danaá kété jóó ní. m̄-núm̄ yá̰á̰ ń toō i kété, banī ngɔlaā m̄-rāādə́ adə̄ reē udən̄ gíŕ kə́ rɔ̄ tə́. m̄-gḛy kadə̄ ī-rāā ɓē gə̄ ń ngɔ̄mə̄n̄də́ majə ní kadə̄ télən̄ kɔkərɔ kə́ ra dɔ naā tə́ bing gə̄.

IJAI 24:12

I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.

IJAI 13:3

Ngé gə̄ ń əndān̄də́ kə rī rāā kəla yāḿ ní, i mā n m-ə́dádə́ yá̰a̰ gə̄ ń kadə̄ rāān̄ ní. m̄-ɓāŕ áskar yāḿ kə́ ger̄ rɔ̄ɔ̄ majə gə̄, ngé gə̄ ń rāān̄ rɔ̄nel̄ tetə rɔ̄ɔ̄ yāḿ ní, yā bə̄gań wōn̄g yāḿ.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

2 YÁ̰A̰ GƏ̄ 36:17

Ta anī Kɔ́ɔ̄ɓē rāā adə̄ mban̄g kə́ Babilon reē ənīdə́ rɔ̄ɔ̄, tɔ̄l̄ ngé rɔ̄ɔ̄ yādə́ gə̄ bátə́ ugə̄ń kem loo kə́ táĺ yādə́ tə́ gə̄gē kə kaskaraá. Kumən o̰o̰n tām̄ yā balsáá tə́ aĺ ō, mandə tə́ aĺ ō, de kə́ tɔgə nājə̄ tə́ aĺ ō, de kə́ tɔgə ɓə́gá tə́ aĺ ō. Kɔ́ɔ̄ɓē əla yá̰a̰ malang kem jī mban̄g kə́ Babilon tə́.

2 SAMUEL 16:11

Dabid əda Abisai ō, ngé kəla yān gə̄ malang ō na: Ngōn̄ kemḿ mə̄kɔ́ ba sāā tɔ̄lə̄m̄ anī, i ngōn̄ Benjamḛ ń toō tá a. Ə́ya̰n̄! Ré i Kɔ́ɔ̄ɓē n ədan anī ādə̄ ndɔ̄lə́m̄.

2 MBAN̄G 25:6

De kə́ Kalde gə̄ əhɔn̄ mban̄g Sedekias aw̄n̄ seneé Ribəla rɔ̄ mban̄g kə́ Babilon tə́ ba ədanən̄ najə̄ ń mban̄g əda dɔn tə́ ní.

JEREMI 34:2

Najə̄ ń Kɔ́ɔ̄ɓē, Nə́ɓā yā Israel əda ní n toó: Āw̄ ɔ̄r̄ najə̄ kə Sedekias mban̄g kə́ Juda tə́, ə́dan na: M-ā m-ə́la ɓē ń toō kem jī mban̄g kə́ Babilon tə́ kadə̄ a əla hor dɔ tə́.

JEREMI 50:13

Wōn̄g kə́ ngá̰ý yā Kɔ́ɔ̄ɓē rāā adə̄ deē ndi kem ɓē kə́ Babilon tə́ to̰ alé. Ni-tél i ndágə loo kə́ to kum ko̰ kə taá malang. Adə̄ de gə̄ malang ń mānə̄n̄ kadən tə́ ngɔr ní, ɔr kumdə́ ngá̰ý. Dan ń nin̄ a̰a̰n̄ loo kə́ nujə asə naā beé anī, əgan̄ kɔŕ ɓōĺ.

EJEKIEL 13:22

De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

JEREMI 2:15

Ngán ɓɔl gə̄ do̰o̰nən̄ rɔ̄ɔ̄, nin̄ nōōn̄ kə kɔrɔ́. De gə̄ rāān̄ adə̄ ɓē yān nujə sák sák kɔ̄ɔ́. Əlan̄ hor dɔ ɓē bo yān gə̄ tə́, De gə̄ təgān̄ kɔ̄ɔ́ kem ɓē bo gə̄ ní tə́.