JEREMI 34:17 - Bibəl ta Sar̄

¹⁷ I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Sḭḭ̄ ōōī najə̄ yāḿ kadə̄ ə́ya̰īneé ngákó̰ó̰sí gə̄ ō, ngáń ngé ɓē gə̄ ō dɔɔ́ aĺ ní, mā m-ā m-ə́yá̰sí kadə̄ ə̄sōī ta kaskar tə́ ō, kadə̄ mo̰y ngāl̄bɔ̄gīí ō, ɓō ō əsōn̄ dɔsí tə́. M-ā m̄-rāā kadə̄ ī-téliī yá̰a̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. Najə̄ ń Kɔ́ɔ̄ɓē əda ní n noó.

Bible sar

¹⁷ I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Sḭḭ̄ ōōī najə̄ yāḿ kadə̄ ə́ya̰īneé ngákó̰ó̰sí gə̄ ō, ngáń ngé ɓē gə̄ ō dɔɔ́ aĺ ní, mā m-ā m-ə́yá̰sí kadə̄ ə̄sōī ta kaskar tə́ ō, kadə̄ mo̰y ngāl̄bɔ̄gīí ō, ɓō ō əsōn̄ dɔsí tə́. M-ā m̄-rāā kadə̄ ī-téliī yá̰a̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. Najə̄ ń Kɔ́ɔ̄ɓē əda ní n noó.

JEREMI 34:17 Referans Kwoze

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

GALATƏ 6:7

Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní.

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

DANIEL 6:24

Loo ń noō tə́ rɔ̄ mban̄g nelə̄n ngá̰ý, adə̄ ni-əda kadə̄ ɔrə̄n̄ Daniel kɔ̄ɔ́ bəlo ɓɔl gə̄ tə́. Ɔrə̄n̄ Daniel bəloó banī a̰a̰n̄ do kógə̄ḿ rɔ̄n tə́ alé, tɔdɔ̄ ni-taā kem Nə́ɓā yā mámák.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

JEREMI 15:4

M-ā m̄-rāā kadə̄ télən̄ yá̰á̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. M-ā m̄-rāā tītə̄ ń noō i najə̄ yā Manase ngōn̄ Ejekias, mban̄g kə́ Juda tə́, tām̄ yā yá̰a̰ malang ń ni-rāā Jerusalem tə́ ní.

ESTER 7:10

Adə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tɔ̄l̄ deē ń ni-rāā tām̄ yā Mardose tə́ ní. Loo ń no ō tə́ wōn̄g yā mban̄g tetə.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

JEREMI 32:36

Ɓáa ngɔlaā ní, Kɔ́ɔ̄ɓē Nə́ɓā yā Israel ɔr̄ najə̄ dɔ ɓē ń sḭḭ̄ ə́daī na a əsō kem jī mban̄g kə́ Babilon tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní i tītə̄ ń toō beé:

JEREMI 21:7

Gō yá̰a̰ ń noō tə́ anī, m-ā m-ə́la Sedekias mban̄g kə́ Juda tə́ ō, ngé rāā kəla yān gə̄ kə́ kem ɓē ń toō tə́ ń a teēn̄ ta mo̰y ngāl̄bɔ̄gīí tə́ ní ō, ta kaskar tə́ ō, ta ɓō tə́ ō ní, jī mban̄g kə́ Babilon tə́ ō, jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Mban̄g kə́ Babilon a tɔ̄l̄də́ kə kaskar kə́ ta kataá kanjə̄ ɓōĺ gō jīn ō, a a̰a̰ kum tō ndoō yādə́ aĺ ō, kumən a o̰o̰n sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 15:2

Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

NDŪ NAJƏ̄ 19:19

yá̰á̰ ń ni sāā rāā kə madə̄neé ní, ā ī-rāāī seneé. I beé n ā ɔ̄rəń yá̰á̰ kə́ majaĺ kɔ̄ɔ́ mbo̰ō̰í tə́ ní.

JEREMI 34:8

Mban̄g Sedekias əda de gə̄ malang kə́ Jerusalem kadə̄ ənīn̄ ndūdə́ yā kəya̰ ɓəlo gə̄ dɔɔ́,

JEREMI 38:2

Najə̄ ń Kɔ́ɔ̄ɓē əda ní n toó Deē ń a ndi kem ɓē ń toō tə́ ní, a oy yo kaskar ō, yo ɓō ō, yo mo̰y ngāl̄bɔ̄gīí ō. Deē ń a teē yā kaw̄ nam̄ Kalde gə̄ anī, a ndi kə kumneé ō, a rāā rɔ̄nel̄ teē ń ni teē ta yo tə́ ní ō. Rɔ̄kum ni a ndi kə kumneé.

JEREMI 29:17

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔdə́ tə́, m-ā m̄-rāādə́ kadə̄ a ton̄ tītə̄ kan̄ kótə̄ kə́ ndum gə̄ ō, kə́ majən̄ aĺ ngá̰ý adə̄ dum̄ kəsa ō.

JEREMI 32:25

Kɔ́ɔ̄ɓē Nə́ɓā, ḭ̄ ī-ger̄ majə kadə̄ ɓē a əsō kem jī Kalde gə̄ tə́, ba i tām̄ rí tə́ á ī-mērə̄m̄ mbɔ̄jə́ nar ta kum de kə́ kum tə́ gə̄ tə́ yā mangəń loo ndɔr̄ ní?