JEREMI 34:15 - Bibəl ta Sar̄

¹⁵ Ń toō ní, sḭḭ̄ ī-tūrī háĺsí adə̄ ī-rāāī yá̰á̰ kə́ gōtə́ ta kumḿ tə́. Sḭḭ̄ kógə̄ḿ kógə̄ḿ ə́daī na a ə́ya̰ī ngáń ngé ɓē madə̄sí gə̄ dɔɔ́ ō, ə̄nīī ndūsí ta kumḿ tə́ i kem kújə́ ń rīḿ ɓār̄ dɔ tə́ ní ō.

Bible sar

¹⁵ Ń toō ní, sḭḭ̄ ī-tūrī háĺsí adə̄ ī-rāāī yá̰á̰ kə́ gōtə́ ta kumḿ tə́. Sḭḭ̄ kógə̄ḿ kógə̄ḿ ə́daī na a ə́ya̰ī ngáń ngé ɓē madə̄sí gə̄ dɔɔ́ ō, ə̄nīī ndūsí ta kumḿ tə́ i kem kújə́ ń rīḿ ɓār̄ dɔ tə́ ní ō.

JEREMI 34:15 Referans Kwoze

JEREMI 34:8

Mban̄g Sedekias əda de gə̄ malang kə́ Jerusalem kadə̄ ənīn̄ ndūdə́ yā kəya̰ ɓəlo gə̄ dɔɔ́,

2 MBAN̄G 23:3

Mban̄g ra njan kə́ dɔɔ́ ta kum Kɔ́ɔ̄ɓē dɔ loo ndɔ̄ȳ kə́ kḭḭ kə̄ dɔɔ́ tə́ rāań madə̄ naā kə Kɔ́ɔ̄ɓēé. Ni-ənī ndūn yā kun gō Kɔ́ɔ̄ɓē ō, yā rāā gō míndə gə̄ ń əda ní ō, yá̰a̰ gə̄ ń ɔjə ní ō, yá̰a̰ gə̄ ń ndū najə̄ yān əda ní ō, kə ngarā̰ kemənneé mámák ō, kə rɔ̄neé malang ō. Ni-ənī ndūn yā rāā yá̰a̰ malang ń i kə́ ndang kem makətūbə̄ madə̄ naā tə́ ní ō. Ngán Israel gə̄ malang ndigən̄ madə̄ naā ní adə̄ nin̄ ənīn̄ ndūdə́.

NEHEMI 10:29

Gotə ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé ngɔ̄m̄ ta róbə́ kújə gə̄ ō, gōsə̄ pā gə̄ ō, ngé kəla gə̄ ō, de gə̄ malang ń ɔrə̄n̄ rɔ̄də́ kɔ̄ɔ́ rɔ̄ de gə̄ kə́ dɔ ɓē kə́ rang gə̄ tə́ yā kunəń gō ndū najə̄ yā Nə́ɓā ní ō, nə̄yá̰də́ gə̄ ō, ngáńdə́ kə́ dəngam gə̄ ō, kə́ dəyá̰ gə̄ ō ń asən̄ ger̄ kum najə̄ ní ō,

MATIYE 15:8

De gə̄ ń toō rɔȳmə̄n̄ i kə tadə́ karī, ba kemdə́ i sa̰y rɔ̄ḿ tə́.

JEREMI 32:34

Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

PĀ GƏ̄ 119:106

m̄-túbə m-ə̄nīń míndə́ḿ yā ngɔ̄m̄ ndūí gə̄ ń ī-ra dɔ tə́ á i yá̰á̰ kə́ gōtə́ gə̄ ní.

PĀ GƏ̄ 76:11

Wōn̄g yā deē ndul gə̄gē ɔsə gɔnií, banī ngé gə̄ ń teēn̄ ta wōn̄g yāí tə́ ní, a rāān̄ nāā tām̄ yāí tə́.

2 MBAN̄G 14:3

Amasia rāā yá̰á̰ kə́ gōtə́ ta kum Kɔ́ɔ̄ɓē tə́, banī i tītə̄ yā Dabid alé. Ni-rāā yá̰a̰ i tītə̄ yā bɔbə̄n Joas jéjé.

2 MBAN̄G 12:2

I kem ɓāl̄ ko̰o̰ ɓē kə́ nge ko̰ sīrí yā Yehu tə́ ń əndān̄neé Joas mban̄g ní. Ni-o̰o̰ ɓē ɓāl̄ kutə sɔ́ Jerusalem. Rī kó̰o̰n na i Sibia, i dəyá̰ kə́ Beer Seba.

LEBI GƏ̄ 25:10

Ɓāl̄ kə́ nge ko̰ kutə mí i ɓāl̄ kə́ kɔr̄ kam̄ tām̄ yāsí tə́. Ā ə̄nīī mbēr̄ teē ɓəloó kem ɓēé tām̄ yā de gə̄ tə́ malang. I ɓāl̄ Jubile tām̄ yāsí tə́. Sḭḭ̄ kógə̄ḿ kógə̄ḿ ā ī-téliī yā taā dɔ nang yāsí gə̄ gogə́ ō, ā ī-téliī kə̄ ɓē ngéésí gēé gogə́ ō.