JEREMI 34:14 - Bibəl ta Sar̄

¹⁴ M-ə́dádə́ m-ə́da na: Ré ī-tə́daī ɓāl̄ sīrí ta asə naā anī deē kógə̄ḿ kógə̄ḿ kə́ dansí tə́ a əya̰ ngōkó̰o̰n kə́ hebəro ń gātə̄ kə rɔ̄neé jīn tə́ ní dɔɔ́. Ni a rāā kəla ɓəlo adī kem ɓāl̄ mehḛ́, ba gō tə́ anī ā ə́ya̰n dɔɔ́. Banī kaasí gə̄ nēlə̄n̄ mbīdə́ oōn̄neé najə̄ yāḿ alé.

Bible sar

¹⁴ M-ə́dádə́ m-ə́da na: Ré ī-tə́daī ɓāl̄ sīrí ta asə naā anī deē kógə̄ḿ kógə̄ḿ kə́ dansí tə́ a əya̰ ngōkó̰o̰n kə́ hebəro ń gātə̄ kə rɔ̄neé jīn tə́ ní dɔɔ́. Ni a rāā kəla ɓəlo adī kem ɓāl̄ mehḛ́, ba gō tə́ anī ā ə́ya̰n dɔɔ́. Banī kaasí gə̄ nēlə̄n̄ mbīdə́ oōn̄neé najə̄ yāḿ alé.

JEREMI 34:14 Referans Kwoze

NDŪ NAJƏ̄ 15:12

Ré ngōkó̰ó̰í kə́ Hebəro kógə̄ḿ kə́ dəngam aláa kə́ dəyá̰ igə kə rɔ̄neé jīí tə́ adə̄ ni i ɓəlo yāí anī, a rāā kəla yāí ɓāl̄ mehḛ́, ba ɓāl̄ kə́ nge ko̰ sīrí anī ā ə́ya̰n dɔɔ́.

1 MBAN̄G GƏ̄ 9:22

Salomo̰ adə̄ ngán Israel gə̄ rāān̄ kəla ngámba alé, tɔdɔ̄ nin̄ i ngé rɔ̄ɔ̄ gə̄ ō, ngé kəla yān gə̄ ō, ngār yān gə̄ ō, go̰ rɔ̄ɔ̄ yān gə̄ ō, ngol ngé kal̄ púsə rɔ̄ɔ̄ gə̄ ō, ngol ngé kal̄ sə́nda yān gə̄ ō.

Makətūbə̄ ń Pol ndang adə̄ Rom gə̄ ní 7:24

Háy, rɔ̄ ndoō kə́ ba̰ý beē! I náā n a taām̄ jī kə́ nge kəlam̄ ta yo tə́ ń toō ní?

AMOS 8:6

De kə́ tɔ́gə́də́ gətóo gə̄ ō, kə́ ndoō gə̄ ō ní, j-a j-asiī mangdə́ kadə̄ nin̄ i ɓəlo gə̄. Nar gíŕdə́ ń j-a j-adī ní, i nar ń deē a mangəń sākə̄rā jōó ní. Adə̄ bənā kōō gémē gə̄gē j-a j-igiīń.

AMOS 2:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Israel gə̄ dɔ tə́ i ngá̰ý. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní. Deē ń najə̄ gətóo dɔn tə́ ní, nin̄ igən̄ seneé tītə̄ ɓəlo beé yā kəngeń nar. Deē ń rɔ̄n tō ndoō ní, nin̄ igən̄ seneé yā kəngeń sākə̄rā jōó.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:4

Ḭ̄ Ejekiel ń i ngōn̄ deē ní, ī-ndigə gān̄g sarya dɔdə́ tə́ rɔ̄kum a? Ə̄nīdə́ gotə yá̰á̰ kə́ majaĺ ngá̰ý gə̄ ń kaadə́ gə̄ rāān̄ ní.

JEREMI 32:30

Rɔ̄kum, kə ngōn̄ dūúdə́ bátə́ ɓōólaā ní Israel gə̄ ō, Juda gə̄ ō, ton̄ i dan rāā yá̰á̰ kə́ nel̄ kemḿ aĺ tə́. Ngán Israel gə̄ rāān̄ kəla kadə̄m̄ wōn̄g sɔɔ̄ń kəla rāādə́ gə̄.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

NEHEMI 9:30

Ī-tə́gā taí dɔdə́ tə́ ɓāl̄ ngá̰ý. Ī-ndán̄gdə́ dɔ háĺdə́ kə́ majaĺ tə́ kə ta kūl̄ Ndílí, tɔdɔ̄ ə̄ndā najə̄ ta ngé koō ta yāí gə̄ tə́ adə̄ ədan̄də́, banī nin̄ nēlə̄n̄ mbīdə́ oōn̄neé najə̄ ní alé. Adə̄ ə́ládə́ kem jī de gə̄ kə dɔ ɓē kə́ rang gə̄ tə́.

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

2 YÁ̰A̰ GƏ̄ 28:10

Tá ń toō ɓáa dəngam gə̄ kə dəyá̰ gə̄ kə́ Juda tə́ ō, Jerusalem tə́ ō ń toō ɔ̄rī i najə̄ rāādə́ ɓəlo yāsí gə̄ tə́ ɓáý to̰. Ní sḭḭ̄ kɔ́ gə̄ kə dɔsí ī-rāāī yá̰á̰ kə́ gōtə́ aĺ gə̄ kə Kɔ́ɔ̄ɓē Nə́ɓā yāsí adə̄ najə̄ i dɔsí tə́ aĺ a?

1 MBAN̄G GƏ̄ 21:25

Jóo toó deē a̰a̰ de kə́ nelə̄n rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ yā mban̄g Akab beé aĺ ɓáý, tɔdɔ̄ nə̄yá̰n Jesabel sə̄lān.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

LEBI GƏ̄ 25:10

Ɓāl̄ kə́ nge ko̰ kutə mí i ɓāl̄ kə́ kɔr̄ kam̄ tām̄ yāsí tə́. Ā ə̄nīī mbēr̄ teē ɓəloó kem ɓēé tām̄ yā de gə̄ tə́ malang. I ɓāl̄ Jubile tām̄ yāsí tə́. Sḭḭ̄ kógə̄ḿ kógə̄ḿ ā ī-téliī yā taā dɔ nang yāsí gə̄ gogə́ ō, ā ī-téliī kə̄ ɓē ngéésí gēé gogə́ ō.

NDŪ NAJƏ̄ 15:1

Ā ə́ya̰ī gō kə̄rā yāsí gə̄ kə́ dɔ de gə̄ tə́ kɔ̄ɔ́ kem ɓāl̄ kə́ nge ko̰ sīrí tə́.

NDŪ NAJƏ̄ 15:9

Ī-lōōī gír̄ kemsí tə́ kəda na dɔ ɓāl̄ kə́ nge ko̰ sīrí ń i ɓāl̄ kəya̰ gō kə̄rā gə̄ kɔ̄ɔ́ ní i ngɔr ba rāań kem ngan̄g kə ngōkó̰ó̰sí kə́ nge ndoó ō, kɔgə̄nneé yá̰a̰ ō. Nge ń noō i gír̄ kə̄ majə alé. Ré ni sekə́sí rɔ̄ Kɔ́ɔ̄ɓē tə́ anī sarya a əhɔsí.

JEREMI 11:7

m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.