JEREMI 34:13 - Bibəl ta Sar̄

¹³ Najə̄ ń mā Kɔ́ɔ̄ɓē, Nə́ɓā yā Israel m̄-ə́dá ní n toó: I mā n m-ə́da kaasí gə̄ kadə̄ ənīn̄ ndūdə́, dan ń m̄-teēń sedə́ kɔ̄ɔ́ ɓəloó kem ɓē kə́ Ejiptə tə́ ní.

Bible sar

¹³ Najə̄ ń mā Kɔ́ɔ̄ɓē, Nə́ɓā yā *Israel m̄-ə́dá ní n toó: I mā n m-ə́da kaasí gə̄ kadə̄ ənīn̄ ndūdə́, dan ń m̄-teēń sedə́ kɔ̄ɔ́ ɓəloó kem ɓē kə́ Ejiptə tə́ ní.

JEREMI 34:13 Referans Kwoze

NGÉ SARYA 6:8

anī Kɔ́ɔ̄ɓē əla nge koō ta yān kógə̄ḿ adə̄ ədadə́ na: Najə̄ ń Kɔ́ɔ̄ɓē Nə́ɓā yā Israel əda ní n toó, əda na i ni n n-teē sesí kɔ̄ɔ́ kem ɓē kə́ Ejiptə ń āwī ɓəloó tū tə́ ní ō,

JOJUE 24:17

Tɔdɔ̄ i Kɔ́ɔ̄ɓē Nə́ɓā yājí n ɔr̄jí kə bɔbə̄jí gēé kɔ̄ɔ́ kem ɓē kə́ Ejiptə tə́ ní, ni-rāā yá̰á̰ kə́ yáā kə́ bo ngá̰ý gə̄ ta kumjí tə́ adə̄ j-a̰ā̰. I ni n ngɔ̄m̄jí dɔ róbə́ kə́ ngāl̄ ngá̰ý ń njə̄rā tū tə́ ní ō, dan gír de gə̄ malang ń jə-mān̄ dandə́ tə́ ní ō.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

NDŪ NAJƏ̄ 5:27

Adə̄ ḭ̄ Moijə, ī-ndɔ́tə̄ kə̄ rɔ̄ Kɔ́ɔ̄ɓē Nə́ɓā yājí tə́, ōō najə̄ malang ń a ɔr̄ seí ní, ba ī-reē ə̄nījí gotə. Na j-a j-oō ō, j-a jə-rāā yá̰á̰ ń ni-əda ní ō.

Teē Ngán Israel gə̄ 24:3

Moijə tél aw̄ əda ngán Israel gə̄ najə̄ gə̄ ń Kɔ́ɔ̄ɓē ɔr̄ seneé ní malang ō, yá̰a̰ gə̄ ń ədan kadə̄ rāān̄ ní malang ō. Anī ngán Israel gə̄ ədan̄ naā tə́ malang na yá̰a̰ gə̄ ń Kɔ́ɔ̄ɓē əda ní na n-a n-rāān̄ malang.

JEREMI 11:7

m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

JEREMI 7:22

Dan ń m̄-teē kə kaasí gēé kem ɓē kə́ Ejiptə tə́ kɔ̄ɔ́ ní, m-ə́dádə́ najə̄ kógə̄ḿ aĺ bátə́ ō, m̄-dəjedə́ yá̰a̰ tun̄ kə́ yā róō horoó aĺ ō, yá̰a̰ tun̄ kə́ rang aĺ ō.

NDŪ NAJƏ̄ 29:1

Moijə ɓāŕ ngán Israel gə̄ malang ba ədadə́ na: Yá̰a̰ malang ń Kɔ́ɔ̄ɓē rāā kə mban̄g Parao̰ ō, kə ngé rāā kəla yān gə̄ ō, kə dɔ nang yān ō, ta kumsí tə́ kem ɓē kə́ Ejiptə tə́ ní, sḭḭ̄ kɔ́ gə̄ á̰a̰ī kə kumsí malang.

NDŪ NAJƏ̄ 24:18

Ādə̄ əga kemií na kété ní ḭ̄ i ɓəlo dɔ nang kə́ Ejiptə tə́, ba i Kɔ́ɔ̄ɓē Nə́ɓā yāí n gān̄g dɔí ní. I tām̄ najə̄ ń noō tə́ n m-ə̄ndā dɔí tə́ kadə̄ ī-rāā yá̰a̰ gə̄ ń m-ə́daī toó ní.

NDŪ NAJƏ̄ 16:12

Ādə̄ əga kemií na kété ní ḭ̄ i ɓəlo dɔ nang kə́ Ejiptə tə́. Adə̄ ə̄ndā kumií gíŕ yá̰a̰ malang ń ndū najə̄ gə̄ ń toō ədan̄ ní tə́ ī-rāā.

NDŪ NAJƏ̄ 15:15

Ādə̄ əga kemií na kété ní ḭ̄ i ɓəlo dɔ nang kə́ Ejiptə tə́ ba i Kɔ́ɔ̄ɓē Nə́ɓā yāí n gān̄g dɔí ní. I tām̄ najə̄ ń noō tə́ n m-ə́daīneé yá̰á̰ ń toō ɓōólaā ní.

NDŪ NAJƏ̄ 13:10

I gáŕ kadə̄ a tɔ̄lə̄n̄ nge mēr̄ kaw̄ ndɔ̄ȳ nə́ɓā kə́ rang gə̄ tə́ ní kɔ̄ɔ́. I deē ń ni sāā kaw̄ seneé ndɔ̄yɔ̄ɔ́ ní n a ɔy mbal̄ gə̄ yā tə́nīnneé kété, tá gotə gír de gə̄ a utə̄n̄ gōn ɓáý ní.

NDŪ NAJƏ̄ 8:14

ī-lōōī kɔjə rɔ̄sí ō, ī-lōōī kadə̄ dɔsí ndígə̄nal dɔ Kɔ́ɔ̄ɓē Nə́ɓā yāsí tə́ ō. I ni n i nge kɔr̄sí ɓəloó kɔ̄ɔ́ kem ɓē kə́ Ejiptə tə́ ní.

NDŪ NAJƏ̄ 7:8

Ba ré Kɔ́ɔ̄ɓē teē sesí kɔ̄ɔ́ kem ɓē ń ī-rāāī ɓəlo tū tə́ ní tə́ kə tɔ́gə jīneé ō, ré ni-taāsí kɔ̄ɔ́ jī Parao̰ ń i mban̄g kə́ Ejiptə tə́ ní əya̰sí dɔɔ́ ō anī, kumən na Kɔ́ɔ̄ɓē táŕsí ō, ra dɔ ndūn ń ənī adə̄ kaasí gə̄ ní tə́ ō.

NDŪ NAJƏ̄ 6:12

Ba ādī dɔsí ndígə̄nal dɔ Kɔ́ɔ̄ɓē ń ɔr̄sí ɓəloó kɔ̄ɔ́ kem ɓē kə́ Ejiptə tə́ ní alé.

NDŪ NAJƏ̄ 5:6

I mā n i Kɔ́ɔ̄ɓē Nə́ɓā yāí, nge kɔrī ɓəloó kɔ̄ɔ́ kem ɓē kə́ Ejiptə tə́ ní.

Teē Ngán Israel gə̄ 20:2

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní.

Teē Ngán Israel gə̄ 13:14

Ré ndɔ̄n tə́ ngáńsí gə̄ a dəjen̄sí na ké ā ī-rāāī yá̰á̰ ń toō i tām̄ yā rí tə́ wa anī, ī-téĺ ə́daīdə́ na ɓē kə́ Ejiptə ń sḭḭ̄ i ɓəlo gə̄ kemeé ní Kɔ́ɔ̄ɓē na teē sesí kɔ̄ɔ́ kemeé i kə ta kūl̄ tɔ́gən kə́ dum̄ ta yá̰a̰ malang.

Teē Ngán Israel gə̄ 13:3

Moijə əda ngán Israel gə̄ na: Ādə̄ əga kemsí dɔ ndɔ̄ ń Kɔ́ɔ̄ɓē ɔrə̄ńsí ɓəloó kɔ̄ɔ́ dɔ nang kə́ Ejiptə tə́ ní, tɔdɔ̄ ni teē sesí i kə tɔ́gə jīneé. Deē a əsa mápá kə́ rāā kə kaa mápá alé.

JEREMI 34:12

Tā anī, Kɔ́ɔ̄ɓē ɔr̄ najə̄ kə Jeremi ədan na: