JEREMI 33:9 - Bibəl ta Sar̄

⁹ Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

Bible sar

⁹ Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā *Juda tə́ ō *Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

JEREMI 33:9 Referans Kwoze

IJAI 60:5

Dan ń á̰á̰ yá̰á̰ ń noō anī, rɔ̄nel̄ a rāā kadə̄ ta kumií a ndə́lē ō, dan wurií a ndām̄ ndām̄ rɔ̄nel̄ ō. Tām̄ yá̰a̰ kənge gə̄ kə́ kum bā bo tə́ a reēn̄ yā kugə̄ ɓēé looí, yá̰a̰ kənge kə́ to loo ɓɔ̄ɔ̄ tə́ gə̄ yā nápar de gə̄ a reēn̄ bátə́ yā kugə̄ looí, ḭ̄ Jerusalem.

JEREMI 13:11

M-ə́hɔ de gə̄ malang kə́ gír yā Israel tə́ ō, kə́ gír yā Juda tə́ ō kə̄ rɔ̄ḿ tə́, tītə̄ loo do̰ō̰ ta kūbə̄ lḛ́ḛ ɓōdə̄ tə́ beé. I yā kadə̄ télən̄ gír deē yāḿ gə̄ ō, rī ɓār̄ yāḿ ō, yá̰a̰ tɔ̄ȳ yāḿ ō, yá̰á̰ súū rɔ̄ yāḿ ō, banī usədə́ nin̄ dɔ tə́ alé. Najə̄ ń Kɔ́ɔ̄ɓē əda ní n noó.

IJAI 62:7

Ī-lōōī kəya̰n kadə̄ taā koō kété kanjə̄ kadə̄ tél rāā ɓē kə́ Jerusalem gogə́ rang, kanjə̄ kadə̄ Jerusalem téĺ yá̰a̰ tɔ̄ȳ kə́ dɔ nang tə́ malang.

NEHEMI 6:16

Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

IJAI 62:12

A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.

PĀ GƏ̄ 40:3

Ni ɔrə̄m̄ kem bəlo kə́ majaĺ ngá̰ý tə́ ō, kum bɔr kə́ loo kə́ lú ngá̰ý tə́ ō, teē seḿ ndágá. Un udəm̄ dɔɔ́ dɔ mbal̄ tə́ ō, rāā adə̄ njaḿ əhɔ dɔ nang majə ō.

JAKARI 12:2

M-ā m̄-rāā Jerusalem i kópə kógə̄ḿ kə́ kasə nduú wōn̄g yāḿ rosə kem tə́. Kasə wōn̄g yāḿ ní, a tūr̄ dɔ gír de gə̄ malang ń ndin̄ kadən tə́ ní. Dan ń a ənīn̄ ɓē kə́ Jerusalem rɔ̄ɔ̄ anī, dɔ de kə́ Juda gə̄ malang a ndi gōtə́ alé.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

JEREMI 29:1

Jeremi kə́ nge koō ta Jeremi ndi Jerusalem ba ndang makətūbə̄ əlań adə̄ kum kɔɔ̄ gə̄ malang kə́ dɔ dán de gə̄ ń əhɔn̄də́ aw̄n̄ sedə́ dɔ nang kə́ rang tə́ ní ō, əlań adə̄ ngé tun̄ yá̰a̰ gə̄ ō, ngé koō ta gə̄ ō, gír de gə̄ malang ń Nabukodonosor əhɔdə́ Jerusalem aw̄ sedə́ Babilon tə́ ní ō.

JEREMI 3:17

Kem ndɔ̄ gə̄ ń noō tə́ ní, a ɓārə́n̄ Jerusalem na i ‹Kōr̄ kāgə̄ mbang yā Kɔ́ɔ̄ɓē›. Nápar de gə̄ malang a a̰ȳn̄ kum kə̄ rɔ̄n tə́ najə̄ yā rī Kɔ́ɔ̄ɓē ń əndān̄ dɔn tə́ ní. A ton̄ gír rāā dɔ ngan̄g yādə́ kə́ majaĺ al̄ naā tə́ to̰ alé.

ESTER 8:17

Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.

2 YÁ̰A̰ GƏ̄ 20:29

Dan ń de kə́ kem ɓē ko̰o̰ gə̄ yā tə̄rā gə̄ tə́ oōn̄ kadə̄ Kɔ́ɔ̄ɓē na rɔ̄ɔ̄ madə̄ ba̰ā̰ Israel gə̄ anī nin̄ malang ɓōlə́n̄ Nə́ɓā.

PĀ GƏ̄ 130:4

Banī ḭ̄ i nge mā̰ȳ rɔ̄í adə̄ a ɓōlə́n̄ ndílí.

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

IJAI 62:4

A ɓāríīn̄ na i dəyá̰ kə́ əya̰nən̄ kɔ̄ɔ́ to̰ alé, a ədan̄ na ɓē yāí na i dəla loo kə́ rɔ̄nelāĺ i tū tə́ to̰ alé. Banī a ɓāríīn̄ na i dəyá̰ kə́ taā dəngam majə ō. A̰á̰ā̰, a nel̄ Kɔ́ɔ̄ɓē seí rɔ̄kum ō, dɔ nang yāí a ənge dəngam yā taā ō.

IJAI 64:2

dan ń ī-rāā yá̰á̰ kə́ to ɓōĺ gə̄ kə́ deē əndā kemən dɔ tə́ aĺ ní. A̰á̰ā̰, nə́ngētə́ ī-risə i mbée anī, mbal̄ bo gə̄ a ndewn̄ noí tə́.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

JEREMI 24:6

M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

JEREMI 32:42

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: M-ā m̄-rāā kadə̄ yá̰á̰ kə́ majə gə̄ ń m-ə̄nī ndūḿ dɔ tə́ tām̄ yā gír ɓē ń toō tə́ ní, reēn̄ ngá̰ý dɔn tə́ tītə̄ ń m̄-rāań m-ādə̄ yá̰á̰ kə́ to kum kaȳ aĺ reēń ngá̰ý dɔn tə́ ní.

JEREMI 33:14

Ndɔ̄ gə̄ ń a reēn̄ noō tə́ ní, m-ā m̄-rāā yá̰á̰ ń m-ə̄nī ndūḿ yā rāā kadə̄ ngán Israel gə̄ ō, ngán Juda gə̄ ō ní. Najə̄ ń Kɔ́ɔ̄ɓē əda ní n noó.

JEREMI 49:25

Ɓē kə́ rīn ɓār̄ ngá̰ý ō, i ɓē rɔ̄nel̄ yāḿ ō ní, i ba̰ý á mbātə́nən̄ kɔ̄ɔ́ ní?

EJEKIEL 26:20

M-ā m̄-rāāī kadə̄ ā ī-risə yā kaw̄ ndi dan de kə́ koy gə̄ tə́, naā tə́ kə ngé gə̄ ń ton̄ kem bəlo ɓádə gə̄ tə́ ní, adə̄ ā āw̄ gō de kə́ kété jóo gə̄ tə́. M-ā m̄-rāāī kadə̄ ā ī-ndi ɓē gíŕ nángāá. Ā ī-to tītə̄ mbal̄ kə́ jóo gə̄, ā ī-ndi naā tə́ kə ngé gə̄ ń nin̄ i kem bəlo ɓádə gə̄ tə́ ní. Ā ásə teē loo ń noō tə́ aĺ ō, dɔ nang ń de kə́ kə kumuú gə̄ ndin̄ tū tə́ ní, ā ə́nge loo tū tə́ aĺ ō.

EJEKIEL 39:13

De gə̄ malang kə́ gō nang ngeé ń noō tə́ a rāān̄ kəla ngeé ń noō ō, rɔ̄də́ a nel̄də́ ngá̰ý najə̄n tə́ ndɔ̄ ń m-ā m-ɔ́jəńdə́ kɔsə gɔn yāḿ tə́ ní ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

NDŪ NAJƏ̄ 30:5

Ni a reē sesí dɔ nang yā kaasí gə̄ tə́. Ā ī-téliī yā taā dɔ nang ní ō, ni a a̰a̰ gōsí kadə̄ tɔȳ ka̰a̰ ń a̰a̰ gō kaasí gə̄ ní ō, a rāā kadə̄ kutəsí tɔȳ yādə́ ō.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

IJAI 62:1

Jerusalem, m-ā m̄-ndi taḿ mbóo alé, i tām̄ táŕ kə́ m̄-táriī tə́. Siyo̰, m-ā m̄-ndi kanjə̄ rāā yá̰a̰ alé, i tām̄ táŕ kə́ m̄-táriī tə́. m̄-ngóō kadə̄ gān̄g kə́ gāngə̄n̄ dɔí ɔjə rɔ̄n kə̄ ndágá tītə̄ loo kə́ dəloí kə́ unjə̄ beé ō, kadə̄ kajə kə́ ajiīn̄ unjə̄ tītə̄ lámbá kə́ əndān̄ hor tū tə́ beē ō.

JEREMI 31:14

M-ā m̄-rāā kadə̄ ngé tun̄ yá̰a̰ gə̄ əsan̄ dā̰ kə́ yḛmbə gə̄ kadə̄ ndān̄ kemdə́ ō, kadə̄ gír deē yāḿ gə̄ əngen̄ yá̰a̰ yāḿ gə̄ kadə̄ asə jīdə́ ō.

EJEKIEL 36:35

Adə̄ de gə̄ a ədan̄ na: Ɓē ń toō ń i kə́ nujə kɔ̄ɔ́ ní, tél to tītə̄ ndɔr̄ kə́ Eden beé. Ɓē gə̄ ń télən̄ i kɔkərɔ kə́ kán̄ dɔ naā tə́ bing gə̄ ní, ɓē gə̄ ń i kə́ nujə kɔ̄ɔ́ gə̄ ō, de gə̄ əya̰n̄ kɔ̄ɔ́ ō ní, tél rāān̄ gogə́ rang ō, de gə̄ tél ndin̄ kemeé gogə́ ō.

JAKARI 1:17

Gō tə́ anī, de kə́ dɔ rā̰ tə́ ní mērə̄m̄ kəda najə̄ kə́ rang yā Kɔ́ɔ̄ɓē kə́ bo kə́ tɔ́gən i ngá̰ý ń toō: Yá̰á̰ kə́ majə gə̄ a télən̄ yā taā loo gogə́ kem ɓē yāḿ gə̄ tə́ ɓáý to̰ ō. M-ā m̄-tél yā gə̄rā ɓē kə́ Jerusalem gogə́ ɓáý to̰ ō, m-ā m̄-tél kə kəhɔ rɔ̄ tɔgɔɔ́ yā kadə̄n gogə́ ō.