JEREMI 33:6 - Bibəl ta Sar̄6 Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́. Gade chapit laBible sar6 Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́. Gade chapit la |
Tām̄ najə̄ ń Kɔ́ɔ̄ɓē əda ní n toó: M-ā m̄-rāā kadə̄ rɔ̄nel̄ a nūgə́ ta kaw̄ kə̄ Jerusalem tītə̄ bā beé ō, kadə̄ yá̰a̰ kənge gə̄ yā nápar de gə̄ nūgə́ ta kaw̄ kə̄ Jerusalem tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá beē ō. M-ā m-á̰a̰ gōsí tītə̄ kó̰o̰ ngōn̄ kə́ a̰a̰ gō ngōn̄ kásə̄ kə́ ni-adə̄n mba beé. Ni ətōn dan gidən tə́ ō, əndān dɔ kejən tə́ ba tɔ́y gidən ō.
Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.
Ni a gān̄g sarya kə́ dɔ dáń gír de kə́ ngá̰ý gə̄ tə́, ni a tél i nge ra mbənā tə́ tām̄ yā nápar de gə̄ kə́ tɔ́gə́də́ i ngá̰ý tə́ ō, ndin̄ i sa̰y tə́ ō. Nin̄ a ɔyn̄ kaskar yādə́ gə̄ yā rāań kɔsə man̄g gə̄ ō, a ɔyn̄ nənga yādə́ gə̄ yā rāań ngorong gə̄ ō. Ɓē kógə̄ḿ a ənī ɓē kə́ rang rɔ̄ɔ̄ aĺ ō, de gə̄ a ndóōn̄ naā rɔ̄ɔ̄ to̰ aĺ ō.
Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.
Ni a gān̄g sarya yān kə́ dɔ dáń nápar de gə̄ tə́ ō, a ra dɔ dáń gír de kə́ ngá̰ý gə̄ tə́ yā gān̄gəń sarya ō. Nin̄ a ɔyn̄ kaskar yādə́ gə̄ yā rāā kɔsə man̄g tə́ ō, a ɔyn̄ nənga yādə́ gə̄ yā rāā ngorong tə́ ō. Ɓē kógə̄ḿ a ḭḭ yā kənī ɓē kə́ rang rɔ̄ɔ̄ to̰ aĺ ō, de kə́ dəngam gə̄ a ndóōn̄ naā loo rɔ̄ɔ̄ to̰ aĺ ō.