JEREMI 33:26 - Bibəl ta Sar̄

²⁶ kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.

Bible sar

²⁶ kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.

JEREMI 33:26 Referans Kwoze

JEREMI 31:37

Najə̄ ń Kɔ́ɔ̄ɓē əda ní n toó: Ré de gə̄ asən̄ mbɔ̄jə́ ngāl̄ loo kə́ dɔ rā̰ tə́ dɔɔ́ ō, asən̄ ger̄ loo kə́ nang tə́ gír ngə́ra dɔ nang tə́ ō anī, mā m-ā m-ásə mbātə́ ngán kaa Israel gə̄, tām̄ yá̰á̰ ń nin̄ rāān̄ tə́ ní ō. Najə̄ ń Kɔ́ɔ̄ɓē əda ní n noó.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

IJAI 54:8

Wōn̄g rāām̄ seí ngá̰ý, adə̄ m̄-mbātə́ ka̰a̰ī kum mbang kə́ sḛý beē tə́. Banī m-ɔ́jiī kemḿ kə́ gḛyiī kə táŕ kə́ ta tɔ̄l̄ tan gətóo. I mā Kɔ́ɔ̄ɓē, mā ń i nge taā kəya̰ī dɔɔ́ ní n m-ə́daī najə̄ ń noō ní.

Makətūbə̄ ń Pol ndang adə̄ Rom gə̄ ní 11:32

Tɔdɔ̄ Nə́ɓā utə̄ de gə̄ malang i kem mbātə́ koō tan tə́ tə́, yā kadə̄ kumən o̰o̰nəń sedə́ malang.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

JAKARI 10:6

M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.

ESDRAS 2:70

Ngé tun̄ yá̰a̰ gə̄ ō, ngán Lebi gə̄ ō, núsə de kə́rēý gə̄ adə̄ i gōsə̄ pā gə̄ ō, ngé ngɔ̄m̄ ta róbə gə̄ ō, ngé rāā kəla gə̄ ō, ndin̄ kem ɓē gə̄ ń adə̄n̄də́ ní tə́. Ngán Israel gə̄ malang ndin̄ kə̄ kem ɓē yādə́ gə̄ tə́.

ESDRAS 2:1

Gír kojə ń Nabukodonosor mban̄g kə́ Babilon ɔydə́ aw̄ sedə́ dɔ nang kə́ Babilon tə́ ní, de kə́ tū tə́ gə̄ ngá̰ý tél reēn̄ gogə́ Jerusalem ō, dɔ nang kə́ Juda tə́ ō. Nin̄ télən̄ kógə̄ḿ kógə̄ḿ kə̄ ɓē yādə́ gə̄ tə́.

JEREMI 3:12

Āw̄, ə̄nī mbēr̄ ń toō dām̄ mbɔ́r ɓē kə́ ko̰ó̰ tə́ ə́da na: Israel kə́ nge túy taā kem yān, ī-tél ī-reē tā. Najə̄ ń Kɔ́ɔ̄ɓē əda ní n noó. Ndíĺsí a a̰ȳ ta kumḿ tə́ to̰ alé. Rɔ̄kum, mā i de kə́ sew. M-ā m̄-rāā wōn̄g sesí kə́ njɔ́ḿ gə̄ tə́ alé. Najə̄ ń Kɔ́ɔ̄ɓē əda ní n noó.

JEREMI 33:24

Īkɔ́ ī-ger̄ majə kadə̄ de gə̄ ń toō ədan̄ na Kɔ́ɔ̄ɓē na mbātə́ gír kojə kə́ jōó gə̄ ń na gə̄rā ní. Adə̄ kídə̄n̄ gír deē yāḿ gə̄ ba rāān̄də́ nápar de gə̄ tə́ to̰ alé.

PĀ GƏ̄ 126:1

Pā kə́ yā kaw̄ń kə̄ loo kə́ táĺ tə́. Dan ń Kɔ́ɔ̄ɓē tél reē kə de kə́ Siyo̰ gēé gogə́ ɓēé ní, j-ɔjəń na i nī n a rāājí.

JEREMI 31:35

Kɔ́ɔ̄ɓē ń rāā mbang tām̄ kadə̄ loo kə́ kadaá unjə̄ń ō, Kɔ́ɔ̄ɓē ń rāā nāā ō tə́yō̰ gə̄ ō, kə gō naá majə kadə̄ loo kə́ ndɔ̄ɔ́ unjə̄ń ō, Kɔ́ɔ̄ɓē ń əla jīn kum man̄ bā bo tə́ anī i kōō bəngál man̄ gə̄ n ɓārə̄n̄ ō ní, rīn na i Kɔ́ɔ̄ɓē kə́ bo kə́ tɔ́gən i ngá̰ý.