JEREMI 33:22 - Bibəl ta Sar̄

²² M-ā m̄-rāā kadə̄ ngán kaa nge kəla yāḿ Dabid ō, ngán kaa Lebi gə̄ ō ń i de kə́ bo yāḿ gə̄ ní, a bəlan̄ ngá̰ý tītə̄ tə́yō̰ gə̄ kə́ dɔ rā̰ tə́ gə̄ ō, nán̄g ngárə̄ḿnjēý kə́ ta bā bo tə́ ō ń deē asə tə́da aĺ ní.

Bible sar

²² M-ā m̄-rāā kadə̄ ngán kaa nge kəla yāḿ Dabid ō, ngán kaa Lebi gə̄ ō ń i de kə́ bo yāḿ gə̄ ní, a bəlan̄ ngá̰ý tītə̄ tə́yō̰ gə̄ kə́ dɔ rā̰ tə́ gə̄ ō, nán̄g ngárə̄ḿnjēý kə́ ta bā bo tə́ ō ń deē asə tə́da aĺ ní.

JEREMI 33:22 Referans Kwoze

HEBƏRO 11:12

I beé n de kə́ kal kógə̄ḿ beē kə́ njan i kə̄ ta bāá yo tə́ ngɔr, ojəń gír kaa kə́ kutədə́ i ngá̰ý tītə̄ tə́yō̰ kə́ dɔ rā̰ tə́ gə̄, kə nán̄g ngárə̄ḿnjēý kə́ ta bā bo tə́ gə̄ kə́ deē asə tə́dá kutən alé ní.

TA KƏLA 15:5

Kɔ́ɔ̄ɓē teē kə Abəram ndágá ba ədan na: Á̰a̰ loo kə̄ dɔɔ́. Ré ásə́ tə́da tə́yō̰ gə̄ ń noō anī, ī-tə́dádə́. Kɔ́ɔ̄ɓē əda Abəram ɓáý to̰ na: Deē a asə tə́dá ngán kaaí gə̄ alé, tītə̄ ń deē asəń tə́da tə́yō̰ gə̄ alé ní ō.

JEREMI 31:37

Najə̄ ń Kɔ́ɔ̄ɓē əda ní n toó: Ré de gə̄ asən̄ mbɔ̄jə́ ngāl̄ loo kə́ dɔ rā̰ tə́ dɔɔ́ ō, asən̄ ger̄ loo kə́ nang tə́ gír ngə́ra dɔ nang tə́ ō anī, mā m-ā m-ásə mbātə́ ngán kaa Israel gə̄, tām̄ yá̰á̰ ń nin̄ rāān̄ tə́ ní ō. Najə̄ ń Kɔ́ɔ̄ɓē əda ní n noó.

IJAI 66:21

M-ā m̄-gə̄rā de kə́ dəngam kə́rēý gə̄ kə́ dan gír de gə̄ ngeé gə̄ ń noō tə́ yā rāādə́ ngé tun̄ yá̰a̰ gə̄ tə́ ō, yā rāādə́ ngán Lebi gə̄ tə́ ō. Najə̄ ń Kɔ́ɔ̄ɓē əda ní n noó.

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

EJEKIEL 44:15

Dan ń Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.

PĀ GƏ̄ 89:29

Kem majə yāḿ a to ngándáńg tām̄ yān tə́ ō, ndūḿ ń m-ə̄nī m-ə́hɔń madə̄ naā seneé ní, m-ā m̄-rā dɔ tə́ ō.

PĀ GƏ̄ 22:30

De gə̄ malang ń ndin̄ dɔ nang tə́ kə rɔ̄nelēé ní n ɔsən̄ nodə́ nang tə́ toō. De gə̄ malang ń njadə́ i kə̄ ta bāá yo tə́ á əlan̄ dɔdə́ nang tə́ ta kumən tə́ ní, ni əya̰də́ adə̄ ndin̄ kə kumdə́ alé.

TA KƏLA 28:14

Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō.

TA KƏLA 13:16

M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

IJAI 48:19

Ngání gə̄ ō, ngán kaaí gə̄ ō ní, kutədə́ i ngá̰ý tītə̄ kutə nán̄g ngárə̄ḿnjēý kə́ ta bā bo tə́ beē. Rīdə́ a gətóo kɔ̄ɔ́ ta kumḿ tə́ aĺ i kə́ bátə́ gə̄ tə́.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

JEREMI 33:18

Ngé tun̄ yá̰a̰ gə̄ kə́ gír yā Lebi tə́ a nalə̄n̄ de gə̄ kə́ kadə̄ a ndin̄ ta kumḿ tə́ gotədə́ tə́ yā ndējəń yá̰a̰ tun̄ kə́ yā róō horoó ō, yā róoń yá̰á̰ kə́ ndējə̄ gə̄ ō, yā kadə̄ń yá̰a̰ tun̄ gə̄ kə dɔ ndɔ̄ gə̄ malang ō alé.

JEREMI 33:23

Kɔ́ɔ̄ɓē ɔr̄ najə̄ kə Jeremi ədan na:

EJEKIEL 37:10

Najə̄ gə̄ ń toō ń Kɔ́ɔ̄ɓē əndā taḿ tə́ ní, m-ə́da tītə̄ ń ni mēr̄məń kəda ní. Loo ń noō tə́ koō kə́ nge rāā kadə̄ deē ndi kə kumneé udə kem de kə́ koy gə̄ tə́, adə̄ nin̄ tél ndin̄ kə kumuú gogə́. Nin̄ ḭḭ ran̄ dɔɔ́ anī i kósə de kə́ ngá̰ý gə̄.

JAKARI 2:4

m̄-dəje na ké reēn̄ i rāā rí tə́ wa. Anī ni-tél ədam̄ na: Reēn̄ i kəla ɓōĺ tə́ kem ɓē kə́ ngan̄g gə̄ ń ənīn̄ ɓē kə́ Juda rɔ̄ɔ̄ ní tə́ ō, reēn̄ i nujə ɓē gə̄ ní tə́ ō. Nin̄ tə̄ɓān̄ de kə́ kemeé gə̄ ādə̄ aw̄n̄ kə̄ loo gə̄ tə́ ō, de kə́ asə dum̄ tadə́ gətóo ō.

JAKARI 10:8

M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.