JEREMI 33:21 - Bibəl ta Sar̄

²¹ madə̄ naā ń m-ə́hɔ kə nge kəla yāḿ Dabid ní a gān̄g kɔ̄ɔ́ ō. Ngōn̄ kaan kə́ a ndi dɔ kōr̄ kāgə̄ mbang yān tə́ yā ko̰o̰ń ɓē a gətóo. Madə̄ naā ń m-ə́hɔ kə ngé tun̄ yá̰a̰ gə̄ kə́ gír yā Lebi tə́ ń i de kə́ bo yāḿ gə̄ ní a gān̄g kɔ̄ɔ́ ō.

Bible sar

²¹ *madə̄ naā ń m-ə́hɔ kə nge kəla yāḿ Dabid ní a gān̄g kɔ̄ɔ́ ō. Ngōn̄ kaan kə́ a ndi dɔ kōr̄ kāgə̄ mbang yān tə́ yā ko̰o̰ń ɓē a gətóo. Madə̄ naā ń m-ə́hɔ kə *ngé tun̄ yá̰a̰ gə̄ kə́ gír yā *Lebi tə́ ń i de kə́ bo yāḿ gə̄ ní a gān̄g kɔ̄ɔ́ ō.

JEREMI 33:21 Referans Kwoze

PĀ GƏ̄ 89:34

Banī kem majə yāḿ a to tām̄ yān tə́ ngándáńg ō, ndūḿ ń m-ə̄nī m-ə́hɔń madə̄ naā seneé ní, m-ā m̄-rā dɔ tə́ ō.

2 YÁ̰A̰ GƏ̄ 7:18

m-ā m̄-rāā kadə̄ ā ī-ndi ngan̄g dɔ kōr̄ kāgə̄ mbang yāí tə́, tītə̄ ń m-ə̄nań míndə́ḿ m-ādə̄ bɔbí Dabid ní. M-ə̄nā míndə́ḿ m-ādə̄n m-ə́da na deē yān kógə̄ḿ na a o̰o̰ ɓē dɔ Israel gə̄ tə́ ngándáńg.

2 YÁ̰A̰ GƏ̄ 21:7

Banī Kɔ́ɔ̄ɓē ndigə nujə de kə́ gír kojə yā Dabid tə́ gə̄ kɔ̄ɔ́ alé, sɔɔ̄ń madə̄ naā ń ni əhɔ kə Dabidí ní ō, kəda ń ni əda na n-a n-adə̄ Dabid nin̄ kə ngánən gēé hor lámbá kə́ a to ngándáńg ō ní.

2 SAMUEL 23:5

Yá̰á̰ ń Nə́ɓā rāā kə kojə yāḿ ní n toó. Ni-əhɔ madə̄ naā kə́ a to ngándáńg seḿ. tə́ndā ndū najə̄ gə̄ dɔ tə́ ō, ɔjə loo ngɔ̄mən majə ō. I ni n rāā adə̄ m̄-tetə rɔ̄ɔ̄ ō, rāā yá̰a̰ malang kə́ nel̄ de gə̄ ō ní.

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

JEREMI 33:18

Ngé tun̄ yá̰a̰ gə̄ kə́ gír yā Lebi tə́ a nalə̄n̄ de gə̄ kə́ kadə̄ a ndin̄ ta kumḿ tə́ gotədə́ tə́ yā ndējəń yá̰a̰ tun̄ kə́ yā róō horoó ō, yā róoń yá̰á̰ kə́ ndējə̄ gə̄ ō, yā kadə̄ń yá̰a̰ tun̄ gə̄ kə dɔ ndɔ̄ gə̄ malang ō alé.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

PĀ GƏ̄ 132:17

M-ā m̄-rāā kadə̄ a ojən̄ mban̄g kógə̄ḿ kə́ tɔ́gən i ngá̰ý, gír yā Dabid tə́ kem ɓē kə́ Siyo̰ tə́ ō, m-ā m̄-rāā gō lámba tām̄ yā nge ń m-úr yibə̄ dɔn tə́ ní ō.

PĀ GƏ̄ 89:36

m̄-túbə kə hálə́ḿ kə́ táĺ gidə kógə̄ḿ beē m-ə́da na: Tītə̄ ń mā i Nə́ɓā rɔ̄kum noō ní, m-ā m̄-gól̄ Dabid alé.

IJAI 66:22

Najə̄ ń Kɔ́ɔ̄ɓē əda ní n toó: Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.