JEREMI 33:2 - Bibəl ta Sar̄

² Kɔ́ɔ̄ɓē ń rāā dɔ nang ō, Kɔ́ɔ̄ɓē ń rāān adə̄ ra ngan̄g ō, ni ń rīn na i Kɔ́ɔ̄ɓē ní, ɔr̄ najə̄ i tītə̄ ń toō beé:

Bible sar

² Kɔ́ɔ̄ɓē ń rāā dɔ nang ō, Kɔ́ɔ̄ɓē ń rāān adə̄ ra ngan̄g ō, ni ń rīn na i Kɔ́ɔ̄ɓē ní, ɔr̄ najə̄ i tītə̄ ń toō beé:

JEREMI 33:2 Referans Kwoze

IJAI 37:26

Ní, ḭ̄ Senakerib ī-ger̄ yá̰á̰ ń toō aĺ i mbée a? Yá̰a̰ gə̄ ń a rāān̄ yá̰a̰ toó i mā n m-ə̄ndā dɔdə́ danaá kété jóó ní. m̄-núm̄ yá̰á̰ ń toō i kété, banī ngɔlaā m̄-rāādə́ adə̄ reē udən̄ gíŕ kə́ rɔ̄ tə́. m̄-gḛy kadə̄ ī-rāā ɓē gə̄ ń ngɔ̄mə̄n̄də́ majə ní kadə̄ télən̄ kɔkərɔ kə́ ra dɔ naā tə́ bing gə̄.

Teē Ngán Israel gə̄ 15:3

Kɔ́ɔ̄ɓē i go̰ rɔ̄ɔ̄, rīn əhɔ dɔn majə ngá̰ý, a ɓāŕnən̄ na i Kɔ́ɔ̄ɓē.

Teē Ngán Israel gə̄ 6:3

Dan ń m̄-ndɔ̄bə̄ Abəraham ō, Isaak ō, Jakob ō ní, nin̄-ger̄mə̄n̄ i kə rīḿ ń na i Nə́ɓā kə́ bo kə́ tɔ́gən i ngá̰ý ní, ba rīḿ ń na i Kɔ́ɔ̄ɓē ní tá nin̄-gerə̄n̄ alé.

JEJU TEĒ KUM JA̰A̰ 21:10

Ni-un ndílə́ḿ aw̄ń dɔ mbal̄ bo kógə̄ḿ kə́ ngāl̄ kum kə̄ dɔɔ́ tə́, ba ɔjəm̄ ɓē yā Nə́ɓā ń i Jerusalem ní. Ɓē ní ḭḭ rɔ̄ Nə́ɓā tə́ dɔɔ́ a risə kum kə̄ nang tə́.

IJAI 62:7

Ī-lōōī kəya̰n kadə̄ taā koō kété kanjə̄ kadə̄ tél rāā ɓē kə́ Jerusalem gogə́ rang, kanjə̄ kadə̄ Jerusalem téĺ yá̰a̰ tɔ̄ȳ kə́ dɔ nang tə́ malang.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

PĀ GƏ̄ 102:16

Dan ń Kɔ́ɔ̄ɓē a tél yā rāā ɓē kə́ Siyo̰ gogə́ rang ō, a teē hɔy kadə̄ de gə̄ a̰a̰nən̄ loo ndə́lē tə́ ō, a oō ndɔ̄ȳ yā ngé rɔ̄ tō ndoō gə̄ ō, a asən kídə̄də́ ō ní anī, nápar de gə̄ a ɓōlə́n̄ rī Kɔ́ɔ̄ɓē ō, mban̄g kə́ dɔ nang tə́ gə̄ malang a a̰a̰n̄ kɔsə gɔn yān yā ger̄ ō.

PĀ GƏ̄ 87:5

Ba kə́ tām̄ yā ɓē kə́ Siyo̰ tə́ ɓáa, i gáŕ kadə̄ ədan̄ dɔ tə́ na: Nin̄ kógə̄ḿ kógə̄ḿ ní ɓē yādə́ kə́ rɔ̄kum i loo ń toō tə́ laā, i Nə́ɓā kə́ dɔɔ́ sa̰y ngá̰ý nəkɔ́ n əndā ngəra ɓē ní.

JEJU TEĒ KUM JA̰A̰ 21:2

Anī m-á̰a̰ ɓē yā Nə́ɓā ń i Jerusalem kə́ kijə ní, ḭḭ dɔ rā̰ tə́ a risə kə̄ nang tə́. Ni-majə ngá̰ý tītə̄ dəyá̰ kə́ súū rɔ̄n tām̄ yā ngaan tə́ beē.

HEBƏRO 11:16

Kə́ rɔ̄kum tə́ tā anī nin̄-gḛyn̄ i ɓē kə́ majə tɔȳ nge ń nin̄-teēn̄ kemeé á reēn̄ ní. Kumən na nin̄-gḛyn̄ i ɓē kə́ dɔ rā̰ tə́. I tām̄ najə̄ ń noō tə́ n ré ɓārə́n̄ Nə́ɓā na i Nə́ɓā yādə́ anī, rɔ̄ Nə́ɓā sɔlə̄n aĺ ní. Tɔdɔ̄ Nə́ɓā rāā ɓē kógə̄ḿ tām̄ yādə́ tə́.

HEBƏRO 11:10

Tɔdɔ̄ Abəraham ndi a ngóō i ɓē kə́ əndān̄ ngəran adə̄ ngan̄g. Ba Nə́ɓā i nge kɔjə loo rāā ɓē ní ō, i ni n i nge rāā ɓē ní ō.

AMOS 9:6

Nə́ɓā rāā kem kújə yān gə̄ dɔ rā̰ tə́, dɔ rā̰ ń sébə tan dɔ dɔ nang tə́ tītə̄ kújə beé ní. Ni ɓāŕ man̄ bā bo, ba ɓōkə́n dɔ nang tə́. Rīn na i Kɔ́ɔ̄ɓē.

AMOS 5:8

I ni n rāā ɓūtə̄ tə́yō̰ gə̄ ní: Adə̄ i ngáń ngé rāā kār̄ gə̄ ō, dɔgə́ loo tīī ō. Ni tūr̄ loo kə́ risə til nding adə̄ tél loo kə́ unjə̄ kow kə́ dəloí ō, ɓɔ̄ɔ̄ loo kə́ kadaá yā kadə̄ loo kə́ ndɔ̄ɔ́ teēń ō. Ni ɓāŕ man̄ bā bo ba ɓōkə́n dɔ nang tə́. Rīn na i Kɔ́ɔ̄ɓē.

JEREMI 32:18

I ḭ̄ n ī-rāā majə kə de gēé bátə́ ugə̄ń dɔ gír kojə kə́ nge ko̰ dūbú tə́ ní, ba ḭ̄ ī-rāā ādə̄ ngán gə̄ əgān̄ kə̄rā majaĺ yā bɔbə̄də́ gə̄ ō. Nə́ɓā kə́ bo, go̰ rɔ̄ɔ̄ kə́ ɔl watang, rīí na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 16:21

I tām̄ ń toō tə́ n m-ā m̄-rāā kadə̄ gerə̄n̄ tɔ́gə jīḿ kə́ ɔl watang ō, a gerə̄n̄ kadə̄ rīḿ i Kɔ́ɔ̄ɓē ō.

JEREMI 51:19

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

IJAI 42:8

Mā i Kɔ́ɔ̄ɓē, rīḿ n noó. M-ā m-ún kɔsə gɔn yāḿ yā kadə̄ de kə́ rang alé. M-ā m-ə́ya̰ tɔ̄ȳ kə́ tām̄ yāḿ tə́ yā kadə̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ alé.