JEREMI 33:18 - Bibəl ta Sar̄

¹⁸ Ngé tun̄ yá̰a̰ gə̄ kə́ gír yā Lebi tə́ a nalə̄n̄ de gə̄ kə́ kadə̄ a ndin̄ ta kumḿ tə́ gotədə́ tə́ yā ndējəń yá̰a̰ tun̄ kə́ yā róō horoó ō, yā róoń yá̰á̰ kə́ ndējə̄ gə̄ ō, yā kadə̄ń yá̰a̰ tun̄ gə̄ kə dɔ ndɔ̄ gə̄ malang ō alé.

Bible sar

¹⁸ *Ngé tun̄ yá̰a̰ gə̄ kə́ gír yā *Lebi tə́ a nalə̄n̄ de gə̄ kə́ kadə̄ a ndin̄ ta kumḿ tə́ gotədə́ tə́ yā ndējəń *yá̰a̰ tun̄ kə́ yā róō horoó ō, yā róoń yá̰á̰ kə́ ndējə̄ gə̄ ō, yā kadə̄ń *yá̰a̰ tun̄ gə̄ kə dɔ ndɔ̄ gə̄ malang ō alé.

JEREMI 33:18 Referans Kwoze

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

JEJU TEĒ KUM JA̰A̰ 1:6

rāā adə̄ jə-téliī de gə̄ kə́ kem ɓē ko̰o̰ yān tə́ ō, ngé tun̄ yá̰a̰ gə̄ yā Bɔbə̄n Nə́ɓā ō ní, kɔsə gɔn i yān ō, tɔ́gən to ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

EJEKIEL 45:5

Loo kə́ rang kə́ ngālən i kíl deē 25 000 ba laan i kíl deē 10 000, i tām̄ yā ngán Lebi gə̄ ń a rāān̄ kəla kem kújə yā Kɔ́ɔ̄ɓē tə́ ní. Nin̄ a əngen̄ ɓē gə̄ loo ngeé ń noō tə́ yā ndiń.

IJAI 61:6

Ba sḭḭ̄, a əndān̄ rīsí na i ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

NDŪ NAJƏ̄ 18:1

Ngáń Lebi gə̄ kə́ ngé tun̄ yá̰a̰ gə̄ ō, gotə de gə̄ malang kə́ gír ɓē yā Lebi tə́ ō ní, a əngen̄ yá̰a̰ nə̄ɓō, aké yá̰a̰ ndəbā naā tə́ kə gotə ngán Israel gēé alé. I dā̰ kə́ tun̄ kadə̄ Nə́ɓā n a əsan̄ ō, i yá̰a̰ yā Kɔ́ɔ̄ɓē n a əsan̄ ō ní.

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

TƏ́DA 3:5

Kɔ́ɔ̄ɓē əda Moijə na:

NDŪ NAJƏ̄ 24:8

Ə̄ndā kumií dɔ rɔ̄í tə́ najə̄ yā mo̰y bānjə̄ tə́. Yá̰a̰ malang ń m-ɔ́jə́ ngán Lebi kə́ ngé tun̄ yá̰a̰ gə̄ á nin̄ ndóōn̄sí ní, ə̄ndāī kumsí gírí majə ī-rāāī.

JOJUE 3:3

ba ədan̄də́ na: Ré á̰a̰ī ngán Lebi kə́ ngé tun̄ yá̰a̰ gə̄ a ətōn̄ sandúkə madə̄ naā yā Kɔ́ɔ̄ɓē Nə́ɓā yāsí a aw̄n̄neé anī, ḭ́ḭḭ̄ kɔ̄ɔ́ loo ń ī-ndiī tū tə́ tə́ ní ba úniī gōdə́.

ESDRAS 3:5

Əla gír ndɔ̄ ń noō tə́ ní nin̄ a ndējə̄n̄ Kɔ́ɔ̄ɓē i yá̰a̰ tun̄ kə́ róō horoó kə dɔ ndɔ̄ gə̄ kanjə̄ kəya̰ ta ō, yá̰a̰ tun̄ kə́ kə dɔ ndɔ̄ nāā kə́ ta kəga dɔ gə̄ malang ō, yá̰a̰ tun̄ kə́ ndɔ̄ nāā yā Kɔ́ɔ̄ɓē tə́ gə̄ ō, yá̰a̰ tun̄ kə́ ndējə̄ Kɔ́ɔ̄ɓē kə gō kem ndigií gə̄ ō.

JEREMI 33:19

Kɔ́ɔ̄ɓē ɔr̄ najə̄ kə Jeremií ədan na:

JEREMI 33:22

M-ā m̄-rāā kadə̄ ngán kaa nge kəla yāḿ Dabid ō, ngán kaa Lebi gə̄ ō ń i de kə́ bo yāḿ gə̄ ní, a bəlan̄ ngá̰ý tītə̄ tə́yō̰ gə̄ kə́ dɔ rā̰ tə́ gə̄ ō, nán̄g ngárə̄ḿnjēý kə́ ta bā bo tə́ ō ń deē asə tə́da aĺ ní.

EJEKIEL 44:15

Dan ń Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.

JEREMI 35:19

mā Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel m-ɔ̄r̄ najə̄ i tītə̄ ń toō beé: Yonadab, ngōn̄ Rekab a nal̄ de gə̄ kə́ yā kadə̄ ran̄ ta kumḿ tə́ kə dɔ ndɔ̄ gə̄ alé.