JEREMI 33:17 - Bibəl ta Sar̄

¹⁷ Najə̄ ń Kɔ́ɔ̄ɓē əda ní n toó: Dabid a nal̄ de kə́ kadə̄ a ndi dɔ kōr̄ kāgə̄ mbang yā de gə̄ kə́ gír kojə yā Israel tə́ alé.

Bible sar

¹⁷ Najə̄ ń Kɔ́ɔ̄ɓē əda ní n toó: Dabid a nal̄ de kə́ kadə̄ a ndi dɔ kōr̄ kāgə̄ mbang yā de gə̄ kə́ gír kojə yā *Israel tə́ alé.

JEREMI 33:17 Referans Kwoze

1 MBAN̄G GƏ̄ 2:4

Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ Israel tə́ alé.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

1 MBAN̄G GƏ̄ 8:25

Ngɔlaā ní, Kɔ́ɔ̄ɓē Nə́ɓā yā Israel, ī-rāā yá̰á̰ ń ə̄nī ndūí yā rāā kadə̄ bɔbə́ḿ Dabid nge kəla yāí ní. Ə̄nī ndūí ə́da na ré ngánən gə̄gē ngán kaan gə̄gē na rāān̄ háĺ kə́ súmūú seí tītə̄ ń nəkɔ́ Dabid na rāań seí ní anī, deē kógə̄ḿ dandə́ tə́ na a ndi ta kumií tə́ dɔ kōr̄ kāgə̄ mbang yā ngán Israel gə̄ tə́ ngándáńg.

JEREMI 35:19

mā Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel m-ɔ̄r̄ najə̄ i tītə̄ ń toō beé: Yonadab, ngōn̄ Rekab a nal̄ de gə̄ kə́ yā kadə̄ ran̄ ta kumḿ tə́ kə dɔ ndɔ̄ gə̄ alé.

1 YÁ̰A̰ GƏ̄ 17:27

Ngɔlaā ní ī-rāā majə kə gír kojə yāḿ mā nge kəla yāí, ādə̄ gír kojə yāḿ to ta kumií tə́ ngándáńg. Kɔ́ɔ̄ɓē, dan ń i ḭ̄ n ī-rāā majə seneé ní, ni a ndi majə ngándáńg.

2 SAMUEL 3:29

Ādə̄ mósən əsō dɔ Joab tə́ ō, dɔ ngéén gə̄ tə́ malang ō. Ādə̄ de kə́ bájal rāādə́ gə̄, aláa bānjə̄ gán̄gdə́ gə̄ ō, dəngam kə́ ngé rāā kəla rāā dəyá̰ gə̄ ō, dəngam gə̄ kə́ oyn̄ yo kaskar, aláa nalə̄n̄ yá̰a̰ kəsa ō, ton̄ gír kojə yā Joab tə́ ngándáńg!

JEREMI 17:25

mban̄g gə̄ ń ndin̄ dɔ kōr̄ kāgə̄ mbang yā Dabid tə́ ō, alə̄n̄ kem púsə́ sə́nda gə̄ tə́ ō, dɔ sə́nda gə̄ tə́ ō ní, nin̄ ō, de kə́ bo yādə́ gə̄ ō, de kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a udən̄ kə ta róbə ɓē gə̄ ń toō. De gə̄ a ndin̄ kem ɓē ń toō tə́ ngándáńg. Najə̄ ń Kɔ́ɔ̄ɓē əda ní n noó.

2 SAMUEL 7:12

Loo ń ré ndɔ̄í gə̄ təgān̄ adə̄ óy āw̄ gō kaaí gə̄ tə́ anī, m-ā m-ə̄ndā ngōn̄ kemií gotií tə́. M-ā m̄-rāā kadə̄ a ndi ngan̄g dɔ ngār yān tə́.

2 SAMUEL 7:13

I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg.

2 MBAN̄G 11:2

Banī Yoseba ń i ngōn̄ kem mban̄g Joram kə́ dəyá̰ ō, i ngōkó̰o̰ Akajias ō ní, un Joas ngōn̄ Akajias dāyāá dan ngán mban̄g gə̄ ń a rāān̄ yā tɔ̄l̄də́ ní tə́, aw̄ ɓɔ̄ɔ̄n naā tə́ kə kó̰o̰ kətōné kem kújə́ kán̄ tə̄rá gə̄ tə́. Atali ger̄ gō alé, adə̄ ngōn̄ ní teē ta yo tə́.

PĀ GƏ̄ 132:12

Ré ngání gə̄ əhɔn̄ gō madə̄ naā yāḿ ō, rāān̄ yá̰a̰ i kə gō ndū ń m-ɔ́jə́ ní ō anī, ngán kemdə́ gə̄ a ndin̄ mban̄g kadə̄ dan gān̄g aĺ dɔ kōr̄ kāgə̄ mbang yāí tə́.