JEREMI 33:14 - Bibəl ta Sar̄

¹⁴ Ndɔ̄ gə̄ ń a reēn̄ noō tə́ ní, m-ā m̄-rāā yá̰á̰ ń m-ə̄nī ndūḿ yā rāā kadə̄ ngán Israel gə̄ ō, ngán Juda gə̄ ō ní. Najə̄ ń Kɔ́ɔ̄ɓē əda ní n noó.

Bible sar

¹⁴ Ndɔ̄ gə̄ ń a reēn̄ noō tə́ ní, m-ā m̄-rāā yá̰á̰ ń m-ə̄nī ndūḿ yā rāā kadə̄ ngán *Israel gə̄ ō, ngán Juda gə̄ ō ní. Najə̄ ń Kɔ́ɔ̄ɓē əda ní n noó.

JEREMI 33:14 Referans Kwoze

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

2 KORḚNTƏ 1:20

tɔdɔ̄ ni i a̰á̰ā̰ ń ɔjə kadə̄ kənī míndə gə̄ malang yā Nə́ɓā ton̄ rɔ̄kum ní. Adə̄ i kə ta kūl̄ Jeju Kərist n jḭḭ̄ jə-ndigiīń najə̄ j-ədaī na i rɔ̄kum yā kɔsəń gɔn Nə́ɓā ní.

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

JEJU TEĒ KUM JA̰A̰ 19:10

Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.

1 PIYER 1:10

Ngé koō ta gə̄ sāān̄ gír najə̄ kə́ dɔ kajə ngeé ń toō tə́ ō, əndān̄ ma̰y ō. Adə̄ yá̰á̰ ń Nə́ɓā a rāā yā kadə̄sí karī ní, ni-əndā najə̄n tadə́ tə́ adə̄ ədan̄ kété.

HEBƏRO 11:40

Tɔdɔ̄ Nə́ɓā a̰a̰ kété kadə̄ a rāā yá̰á̰ kə́ majə ngá̰ý tɔȳ tām̄ yājí tə́, adə̄ ni-gḛy kadə̄ ngé gə̄ ń noō télən̄ majə ɔtə̄ ta ta kumən tə́ kanjə̄jí jḭḭ̄ alé.

Najə̄ kə́ Majə yā Jeju ń Luk ndang ní 10:24

Tɔdɔ̄ ādə̄ m-ə́dásí, ngé koō ta gə̄ ngá̰ý ō, mban̄g gə̄ ngá̰ý ō, sāān̄ ka̰a̰ yá̰á̰ ń sḭḭ̄ á̰a̰ī toó banī a̰a̰n̄ aĺ ō, sāān̄ koō yá̰á̰ ń sḭḭ̄ ōōī toó banī oōn̄ aĺ ō.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

JEREMI 31:27

Kem ndɔ̄ gə̄ ń a reēn̄ noó tə́ ní, m-ā m̄-dubə̄ de gə̄ ō, dā̰ gə̄ ō, kə́ Israel tə́ ō, Juda tə́ ō tītə̄ loo dubə̄ kōō beé.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

JEREMI 32:42

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: M-ā m̄-rāā kadə̄ yá̰á̰ kə́ majə gə̄ ń m-ə̄nī ndūḿ dɔ tə́ tām̄ yā gír ɓē ń toō tə́ ní, reēn̄ ngá̰ý dɔn tə́ tītə̄ ń m̄-rāań m-ādə̄ yá̰á̰ kə́ to kum kaȳ aĺ reēń ngá̰ý dɔn tə́ ní.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.