JEREMI 33:12 - Bibəl ta Sar̄

¹² Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Loo ń toō i ndəbā ɓē ō, i loo kə́ kanjə̄ de gə̄ ō, kə́ kanjə̄ dā̰ gə̄ ō, kə gō ɓē kə́ tū tə́ gə̄ malang ō ní, nge kul̄ yá̰a̰ gə̄ a rāān̄ gong kə́ rang gə̄ tū tə́ yā kadə̄ batə̄ yādə́ gə̄ a taān̄neé koō.

Bible sar

¹² Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Loo ń toō i ndəbā ɓē ō, i loo kə́ kanjə̄ de gə̄ ō, kə́ kanjə̄ dā̰ gə̄ ō, kə gō ɓē kə́ tū tə́ gə̄ malang ō ní, nge kul̄ yá̰a̰ gə̄ a rāān̄ gong kə́ rang gə̄ tū tə́ yā kadə̄ batə̄ yādə́ gə̄ a taān̄neé koō.

JEREMI 33:12 Referans Kwoze

IJAI 65:10

Tām̄ yā gír deē yāḿ gə̄ tə́ ní, tām̄ yā ngé gə̄ ń tūrə̄n̄ rɔ̄də́ kə̄ rɔ̄ḿ tə́ ní, ndágə mbō kə́ Saro̰ a tél i loo kə́ kadə̄ batə̄ gə̄ əsan̄ yá̰a̰ tū tə́ ō, wól loo kə́ Akor a tél i gong man̄g gə̄ ō.

JEREMI 51:62

ā ə́da na: Kɔ́ɔ̄ɓē, i īkɔ́ n ɔr̄ najə̄ kə́ sɔɔ̄ dɔ loo ń toō yā kadə̄ ī-nujəń sák sák kɔ̄ɔ́ ō, kadə̄ yá̰á̰ kə́ taā koō, adə̄ i deē, aláa i dā̰, kə ndiń kemeé to̰ aĺ ō, kadə̄ tél loo kə́ to kum ko̰ kə́ njɔ́ḿ gə̄ tə́ ō ní.

JEREMI 36:29

Ā ə́da Joakim, mban̄g kə́ Juda na najə̄ ń mā Kɔ́ɔ̄ɓē m-ə́dá ní n toó: Ī-róō ndāŕ ndang najə̄ kə́ ɓír̄ gidə naā tə́ ń toō ō, ī-gákə̄m̄ ə́da na ké i tām̄ rí tə́ á m̄-ndang najə̄ kemeé m-ə́da na mban̄g kə́ Babilon tə́ na a reē yā nujə kə ɓē ń toō gáŕ ō, na a rāā kadə̄ de gə̄ ō, dā̰ gə̄ ō kə́ kemeé na a gətóon̄ kɔ̄ɔ́ ō ní wa?

JEREMI 31:24

Ngé ndɔr̄ gə̄ ō, ngé kul̄ yá̰a̰ gə̄ ō a ndin̄ naā tə́ kem ɓē gə̄ kə́ gō nang kə́ Juda tə́.

JEREMI 17:26

De gə̄ a ḭḭn̄ ɓē gə̄ kə́ Juda tə́ ō, kem ɓē gə̄ ń ndi gīrə̄n̄ gidə Jerusalem ní ō, kem ɓē gə̄ kə́ Benjamḛ tə́ ō, dɔ nang kə́ mbal̄ bo gətóo tū tə́ tə́ ō, kə́ mbalá tə́ ō, kə́ Negeb tə́ ō, yā reē. Ngé gə̄ ń adə̄n̄ dā̰ gə̄ kə́ yā róō horoó ō, kə́ yā tun̄ ō, kadə̄ karī gə̄ ō, kajaja ō ní, a reēn̄ naā tə́ kə ngé gə̄ ń a adə̄n̄ yá̰a̰ tun̄ kə́ yā tɔ̄ȳiń Kɔ́ɔ̄ɓē kem kújə yān tə́ ní.

PĀ KƏ́ MAJƏ 1:7

Ḭ̄ ń nelə̄m̄ seí ní, ɔ́jəm̄ mu ń ā āw̄ kə yá̰a̰ kul̄ yāí gēé dɔ tə́ ní. Ɔ́jəm̄ loo ń dan kadə ndaá anī a taān̄ koō tū tə́ ní, yā kadə̄ m̄-to tītə̄ dəyá̰ kə́ nge ngɔ̄də̄ gō dəngam gə̄ tə́ kadə yá̰a̰ kul̄ yā madí gə̄ tə́ alé.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JEREMI 32:15

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: De gə̄ a mangən̄ kújə gə̄ ō, loo ndɔr̄ gə̄ ō, kāgə̄ nduú gə̄ ō kem ɓē ń toō tə́.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.

Makətūbə̄ yā Aje 1:4

Ní, dan ń kújə́ kə́ bo yāḿ i kɔkərɔ gə̄ kə́ kán̄ dɔ naā tə́ bing ní, i kum mbang kə́ yā ndiń kem kújə yāsí kə́ rāā kadə̄ majə gə̄ tə́ a?

EJEKIEL 36:35

Adə̄ de gə̄ a ədan̄ na: Ɓē ń toō ń i kə́ nujə kɔ̄ɔ́ ní, tél to tītə̄ ndɔr̄ kə́ Eden beé. Ɓē gə̄ ń télən̄ i kɔkərɔ kə́ kán̄ dɔ naā tə́ bing gə̄ ní, ɓē gə̄ ń i kə́ nujə kɔ̄ɔ́ gə̄ ō, de gə̄ əya̰n̄ kɔ̄ɔ́ ō ní, tél rāān̄ gogə́ rang ō, de gə̄ tél ndin̄ kemeé gogə́ ō.