JEREMI 33:11 - Bibəl ta Sar̄

¹¹ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

Bible sar

¹¹ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ *yá̰a̰ tun̄ gə̄ kə́ yā tɔ̄yń kem *kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

JEREMI 33:11 Referans Kwoze

1 YÁ̰A̰ GƏ̄ 16:34

Ī-tɔ̄yī Kɔ́ɔ̄ɓē tɔdɔ̄ ni i nge kem majə ō, kem majə yān a to ngándáńg ō.

PĀ GƏ̄ 107:22

Ādə̄ ndējə̄n̄ Nə́ɓā yá̰a̰ tun̄ gə̄ kə́ yā ɓōkə́nneé tɔ̄ȳ ō, ənīn̄ gotə kəla rāān gə̄ kə kɔŕ rɔ̄nelēé ō.

PĀ GƏ̄ 107:1

Ɔ́siī gɔn Kɔ́ɔ̄ɓē tām̄ ni i nge kem ndaa, tɔdɔ̄ ni-rāā kem majə ngándáńg.

PĀ GƏ̄ 106:1

Aleluya! Ɔ́siī gɔn Kɔ́ɔ̄ɓē, tɔdɔ̄ ni i nge kem ndaa ō, kem majə yān a to ngándáńg ō.

HEBƏRO 13:15

I beé ní, jə-ndējī Nə́ɓā tɔȳ yājí tītə̄ yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

2 YÁ̰A̰ GƏ̄ 29:31

Mban̄g Ejekias tél un najə̄ ɔr̄ ɓáý to̰ əda na: Ngɔlaā ní sḭḭ̄ gə̄ ń āwī kə yá̰a̰ gə̄ kə́ yā ndējə̄ Kɔ́ɔ̄ɓē jīsí tə́ ní, ī-reēī kə yá̰a̰ tun̄ yāsí gə̄ kə́ tām̄ yā kem kógə̄ḿ tə́ ō, yá̰a̰ tun̄ yāsí gə̄ kə́ yā tɔ̄yiń Kɔ́ɔ̄ɓē ō, kem kújə yā Kɔ́ɔ̄ɓē tə́. Anī ngé kán̄ naā gə̄ reēnneé. Ngé gə̄ ń kem ndaa yādə́ tɔȳ yā madə̄də́ gə̄ ní ndējə̄n̄ Kɔ́ɔ̄ɓē yá̰a̰ tun̄ gə̄ kə́ yā róō horoó kə taá gə̄ ō.

2 YÁ̰A̰ GƏ̄ 5:13

Ngé kɔ̄ŕ bərúnjə gə̄ gə̄gē, ngé kənī pā gə̄ gə̄gē, ɓōkə́n̄ ndūdə́ gō naā tə́ malang yā tɔ̄yń Kɔ́ɔ̄ɓē ō, kɔsəń gɔnən ō. Dan ń kōō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, gotə yá̰á̰ kə́ ɓār̄ gōsə̄ kə́ rang gə̄ ō ɓār̄ anī, tɔ̄ȳn̄ Kɔ́ɔ̄ɓē ədan̄ na: Ī-tɔ̄yī Kɔ́ɔ̄ɓē tɔdɔ̄ ni i de kə́ majə ō, tɔdɔ̄ kem majə yān to ngándáńg ō. Loo ń noō tə́ kil̄ man̄ kə́ kem kújə yā Kɔ́ɔ̄ɓē tə́ taā kem kújə malang.

JEJU TEĒ KUM JA̰A̰ 18:23

Deē a a̰a̰ hor kə́ tū lámbá tə́ ɓēé looí to̰ aĺ ō, nge nong kə́ dəngam ō, dəyá̰ nong yān ō ní, deē a oō ndūdə́ ɓēé looí to̰ aĺ ō. Tɔdɔ̄ ngé rāā gātə̄ yāí gə̄ i de kə́ bo gə̄ kə́ dɔ nang tə́, tām̄ rāā kəga yāí rāā adə̄ nápar de gə̄ malang ndúmə̄n̄ kɔ̄ɔ́.

JA̰A̰ 3:29

Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

1 YÁ̰A̰ GƏ̄ 16:8

Ɔ́siī gɔn Kɔ́ɔ̄ɓē, ī-ɓāríī rīn kə ndū boó. Ə̄nīī gotə yá̰á̰ kə́ to ɓōĺ gə̄ ń ni-rāā ní dan gír de gə̄ tə́ ādə̄ oōn̄.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

SOPONI 3:14

Ɓē kə́ Siyo̰, ə̄nī pā ō, ī-ndām̄ ō! Sḭḭ̄ de kə́ Israel gə̄, ə́gaī kɔŕ rɔ̄nel̄! A̰á̰ā̰, ɓē kə́ Jerusalem, ī-rāā rɔ̄nel̄ kə dan wurií gēé malang!

JEREMI 33:7

M-ā m̄-tél yā kəndā Juda gə̄ ō, Israel gə̄ ō kijə. M-ā m̄-rāā kadə̄ nin̄ tél ndin̄ majə gogə́ tītə̄ kə́ kété.

JEREMI 7:34

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

IJAI 52:9

Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.

PĀ GƏ̄ 116:17

M-ā m̄-ndējī yá̰a̰ tun̄ kə́ yā ɓōkíīneé tɔ̄ȳ ō, m-ā m̄-ɓāŕ Kɔ́ɔ̄ɓē kə rīneé ō.

2 YÁ̰A̰ GƏ̄ 7:3

Israel gə̄ malang ń ran̄ ní a̰a̰n̄ hor ní loo kḭḭ tə́ dɔ rā̰ tə́ ō, a̰a̰n̄ kɔsə gɔn yā Kɔ́ɔ̄ɓē ń ndə́lē kem kújə yā Kɔ́ɔ̄ɓē tə́ ní ō. Nin̄ ɔsən̄ nodə́ nang tə́ ō, dɔ loo kə́ ɓatə̄ kə mbalá tə́ ō rɔȳn̄neé Kɔ́ɔ̄ɓē ō, tɔ̄ȳn̄neé Kɔ́ɔ̄ɓē najə̄ kem majə yān tə́ ō, tár yān kə́ a tə̄gā aĺ tə́ ō.

JAKARI 10:7

De kə́ dəngam gə̄ kə́ Epəraim a əhɔn̄ rɔ̄də́ tɔgə, tītə̄ go̰ rɔ̄ɔ̄ gə̄ beé. Rɔ̄də́ a nel̄də́, tītə̄ kə́ a̰ȳn̄ i kasə nduú beé. Dan ń ngáńdə́ gə̄ a̰a̰n̄də́ anī, a rāān̄ rɔ̄nel̄ ō, a ndāmə̄n̄ ndām̄ rɔ̄nel̄ najə̄ yā Kɔ́ɔ̄ɓē tə́ ō.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

JONAS 2:9

Ngé ndɔ̄ȳ nə́ɓā kə́ rɔ̄kum aĺ gə̄ ní, əngen̄ ta róbə́ kə́ yā kadə̄ ajən̄neédə́ alé.

JEREMI 33:26

kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.

JEREMI 25:10

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, kōō mbal̄ kusə yá̰a̰ ō, hor lámba ō gətóon̄ kɔ̄ɔ́ ɓēé loodə́.

JEREMI 16:9

Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé: M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a dəba loo ń toō tə́, ɓāl̄ yāsí tə́ ō, ta kumsí tə́ ō.

NEHEMI 12:43

Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

NEHEMI 8:12

Loo ń noō tə́ de gə̄ malang tél aw̄n̄ kə̄ ɓē gə̄ tə́ yā kəsa yá̰a̰ ō, ka̰ȳ yá̰a̰ ō. Nin̄ əlan̄ kə núsə yá̰a̰ k əsa yādə́ gēé adə̄n̄ ngé gə̄ ń yādə́ gətóó ní ō, rāān̄ rɔ̄nel̄ ngá̰ý ō, tɔdɔ̄ nin̄ gerə̄n̄ kum najə̄ gə̄ ń ɔjən̄də́ ní majə.

ESDRAS 6:22

Gō tə́ anī rāān̄ nāā mápá kə́ kanjə̄ kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla kújə yā Nə́ɓā yā Israel tə́.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

2 YÁ̰A̰ GƏ̄ 20:21

Josapat oōn̄ naā kə ngán Israel gēé ba əndā ngé pā gə̄ kə́ tə́lan̄ kūbə̄ kə́ táĺ gə̄ rɔ̄də́ tə́ kadə̄ njə̄rān̄ kété no ngé rɔ̄ɔ̄ gə̄ tə́ kadə̄ ɔsən̄ gɔn Kɔ́ɔ̄ɓē kə pāá ədan̄ na: Ī-tɔ̄yī Kɔ́ɔ̄ɓē tɔdɔ̄ kem majə yān to ngándáńg.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

JEREMI 17:26

De gə̄ a ḭḭn̄ ɓē gə̄ kə́ Juda tə́ ō, kem ɓē gə̄ ń ndi gīrə̄n̄ gidə Jerusalem ní ō, kem ɓē gə̄ kə́ Benjamḛ tə́ ō, dɔ nang kə́ mbal̄ bo gətóo tū tə́ tə́ ō, kə́ mbalá tə́ ō, kə́ Negeb tə́ ō, yā reē. Ngé gə̄ ń adə̄n̄ dā̰ gə̄ kə́ yā róō horoó ō, kə́ yā tun̄ ō, kadə̄ karī gə̄ ō, kajaja ō ní, a reēn̄ naā tə́ kə ngé gə̄ ń a adə̄n̄ yá̰a̰ tun̄ kə́ yā tɔ̄ȳiń Kɔ́ɔ̄ɓē kem kújə yān tə́ ní.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

JEREMI 32:44

A mbɔ̄jə́n̄ nar yā mangəń loo ndɔr̄ gə̄ ō, a ndangən̄ makətūbə̄ kə́ ɔjə dɔ ō, a ɓārə́n̄ de gə̄ kadə̄ nin̄ i kə́ kum tə́ yā kəndāń tambō̰o̰ tū makətūbə̄ ní tə́ ō. A ḭḭn̄ i kem ɓē gə̄ kə́ Juda tə́ ō, kem ngé kə́ dɔ mbalá gə̄ tə́ ō, ngé kə́ mbal̄ bo gətóo tū tə́ gə̄ tə́ ō, ngé kə́ Negeb tə́ gə̄ ō n a reēn̄ ní. Tɔdɔ̄ m-ā m̄-tél yā kəndādə́ kijə. Najə̄ ń Kɔ́ɔ̄ɓē əda ní n noó.

NAHUM 1:7

Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

PĀ GƏ̄ 85:7

Jḭḭ ń i gír deē yāí gə̄ ní, i ḭ̄ n ā ī-reē yā rāā kadə̄ jə-ndi kə kumjí ō, rɔ̄jí nel̄jí ō ní aĺ a?

PĀ GƏ̄ 147:13

Tɔdɔ̄ ni rákə̄ ta róbə ndogə̄ yāí adə̄ ngan̄g tɔȳ kə́ kété. Ngání gə̄ ń ndin̄ ɓēé looí ní ni-rāā majə sedə́.

IJAI 52:8

Ngé ngɔ̄m̄ loo gə̄ ń ī-tə́ndādə́ ní, ōō najə̄ yādə́. Nin̄ malang əgan̄ kɔŕ rɔ̄nel̄ ndɔ̄ naā tə́, tām̄ nin̄ a̰a̰n̄ Kɔ́ɔ̄ɓē loo tél reē tə́ gogə́ Siyo̰ kə kumdə́.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

JEREMI 30:3

Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.