JEREMI 33:1 - Bibəl ta Sar̄

¹ Kɔ́ɔ̄ɓē ɔr̄ najə̄ kə Jeremi nja kə́ nge ko̰ jōó, dan ń ni i ndágə loo ngɔ̄m̄ ta kújə yā mban̄g tə́ ɓáý ní, ədan na:

Bible sar

¹ Kɔ́ɔ̄ɓē ɔr̄ najə̄ kə Jeremi nja kə́ nge ko̰ jōó, dan ń ni i ndágə loo ngɔ̄m̄ ta kújə yā mban̄g tə́ ɓáý ní, ədan na:

JEREMI 33:1 Referans Kwoze

JEREMI 38:28

Jeremi ndi ndágə loo ngɔ̄m̄ ta kújə yā mban̄g tə́ bátə́ kadə̄ Kalde gə̄ taān̄neé ɓē kə́ Jerusalem.

JEREMI 37:21

Tā anī mban̄g Sedekias əda kadə̄ Jeremi rāā dəngáy i ndágə loo ngɔ̄m̄ ta kújə yā mban̄g tə́ ō, kadə̄ kə dɔ ndɔ̄ gə̄ anī kə adə̄nən̄ mápá kə́ gōr̄ kə́ kḭḭ róbə yā ngé kɔr̄ mápa gə̄ tə́ bátə́ kadə̄ mápa təgāń kɔ̄ɔ́ kem ɓēé malang. I beé n Jeremi ndiń ndágə loo ngɔ̄m̄ ta kújə yā mban̄g tə́ ní.

JEREMI 32:8

Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

2 TIMOTE 2:9

Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē.

JEREMI 36:5

Gō tə́ anī Jeremi əda Baruk na: Yá̰á̰ kógə̄ḿ ɔgə̄m̄ kaw̄ kem kújə yā Kɔ́ɔ̄ɓē tə́ adə̄ m-ásə kaw̄ alé.