JEREMI 32:8 - Bibəl ta Sar̄

⁸ Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

Bible sar

⁸ Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

JEREMI 32:8 Referans Kwoze

JEREMI 32:7

Ngōn̄ nānīí Salum ń rīn na i Hanamel ní a reē yā kə́daī na: Loo ndɔr̄ yāḿ kə́ Anatot gō nang yā Benjamḛ tə́ ní, ī-mang. Majə kadə̄ i ḭ̄ n ə́nge loo ndɔr̄ ní tɔdɔ̄ sɔɔ̄ i dɔí ḭ̄.

JEREMI 32:2

Dan ń noō tə́ ní, ɓūtə̄ ngé rɔ̄ɔ̄ yā mban̄g kə́ Babilon tə́ gə̄ gīrə̄n̄ gidə ɓē kə́ Jerusalem, əhɔn̄ Jeremi nge koō ta əndānən̄ i ndágə loo ń ngé ngɔ̄m̄ ta kújə yā mban̄g kə́ Juda tə́ gə̄ ran̄ tū tə́ ní tə́.

JEREMI 33:1

Kɔ́ɔ̄ɓē ɔr̄ najə̄ kə Jeremi nja kə́ nge ko̰ jōó, dan ń ni i ndágə loo ngɔ̄m̄ ta kújə yā mban̄g tə́ ɓáý ní, ədan na:

1 MBAN̄G GƏ̄ 22:25

Majə, ndɔ̄ ń ā ā̰ȳ yā kaw̄ ɓɔ̄ɔ̄ rɔ̄í gə́lé kújə́ tə́ ní, ndɔ̄ ń noō tə́ ā ī-ger̄.

JA̰A̰ 4:53

Anī bɔbə̄ ngōn̄ ní ger̄ kadə̄ i dan nəkɔ́ ń noō tə́ bang n Jeju ədanəń na ngōnən na ndi kə kumneé ní. Ni ō, de kə́ kem ndogə̄ yān tə́ gə̄ malang ō, taān̄ kem.

JAKARI 11:11

Adə̄ kum mbang ngeé ń noō tə́ ní, madə̄ naā i kə́ ngān̄g kɔ̄ɔ́. Ngé kigə yá̰a̰ gə̄ ń nin̄ i de kə́ rɔ̄kum aĺ gə̄ á ra a̰a̰mə̄n̄ ní, gerə̄n̄ kadə̄ i Kɔ́ɔ̄ɓē n ɔr̄ najə̄ kə ta kūl̄ yá̰á̰ gə̄ ń m̄-rāā ní.

1 MBAN̄G GƏ̄ 2:26

Gō tə́ anī mban̄g əda Abiatar nge tun̄ yá̰a̰ na: Āw̄ ī-ndi dɔ nang yāí tə́ Anatot, tām̄ ḭ̄ i de kə́ majə kadə̄ óy tā ba m-ā m̄-tɔ̄lī ɓōólaā alé, tɔdɔ̄ ə̄tō sandúkə yā Kɔ́ɔ̄ɓē Nə́ɓā ɓāl̄ yā bɔbə́ḿ Dabid tə́ ō, ī-tápī naā tə́ ō.

JEREMI 1:1

Najə̄ yā Jeremi kə́ ngōn̄ Hilkia, kə́ kógə̄ḿ yā ngé tun̄ yá̰a̰ gə̄ kə́ ndin̄ Anatot, gō nang yā Benjamḛ tə́.

JEREMI 32:25

Kɔ́ɔ̄ɓē Nə́ɓā, ḭ̄ ī-ger̄ majə kadə̄ ɓē a əsō kem jī Kalde gə̄ tə́, ba i tām̄ rí tə́ á ī-mērə̄m̄ mbɔ̄jə́ nar ta kum de kə́ kum tə́ gə̄ tə́ yā mangəń loo ndɔr̄ ní?

JEREMI 37:12

anī, Jeremi sāā teē kem ɓē kə́ Jerusalem tə́ ba kaw̄ gō nang yā Benjamḛ tə́ kadə̄ kə kēgə̄n̄ naā kə de kə́ gír kojə yān tə́ gə̄.

EJEKIEL 12:7

m̄-rāā yá̰á̰ ń Kɔ́ɔ̄ɓē ədam̄ kadə̄ m̄-rāā ní. M-ɔ́ý yá̰a̰ mbā yāḿ gə̄ m̄-teēń ndágá dan kadaá, tītə̄ yā nge kaw̄ kə̄ dɔ ɓē kə́ rang tə́ dɔ gúú tə́ beē. Loo tíbí anī, m̄-mbutə kum loo tū ndogə̄ mbal̄ tə́ kə jīḿ. De gə̄ a̰a̰mə̄n̄ loo kaw̄ tə́ ndɔ̄ɔ́, kə ngong mbā yāḿ dɔ bɔ̄gə̄ḿ tə́.