JEREMI 32:7 - Bibəl ta Sar̄

⁷ Ngōn̄ nānīí Salum ń rīn na i Hanamel ní a reē yā kə́daī na: Loo ndɔr̄ yāḿ kə́ Anatot gō nang yā Benjamḛ tə́ ní, ī-mang. Majə kadə̄ i ḭ̄ n ə́nge loo ndɔr̄ ní tɔdɔ̄ sɔɔ̄ i dɔí ḭ̄.

Bible sar

⁷ Ngōn̄ nānīí Salum ń rīn na i Hanamel ní a reē yā kə́daī na: Loo ndɔr̄ yāḿ kə́ Anatot gō nang yā Benjamḛ tə́ ní, ī-mang. Majə kadə̄ i ḭ̄ n ə́nge loo ndɔr̄ ní tɔdɔ̄ sɔɔ̄ i dɔí ḭ̄.

JEREMI 32:7 Referans Kwoze

JEREMI 1:1

Najə̄ yā Jeremi kə́ ngōn̄ Hilkia, kə́ kógə̄ḿ yā ngé tun̄ yá̰a̰ gə̄ kə́ ndin̄ Anatot, gō nang yā Benjamḛ tə́.

JEREMI 11:21

I tām̄ ń toō tə́ n Kɔ́ɔ̄ɓē ɔr̄ najə̄ kə́ majə aĺ kə de kə́ Anatot tə́ gə̄ ń ndigən̄ tɔ̄lī ní. Nin̄ ədan na: Ī-lōō koō najə̄ ta Kɔ́ɔ̄ɓē tə́ kəda, ré i beé aĺ ɓáa j-a jə-tɔ̄lī kə jījí.

LEBI GƏ̄ 25:25

Ré ndoō rāā ngōkó̰ó̰í adə̄ igə kə́ núsə loo ndɔr̄ yānneé anī, majə kadə̄ ngeen kə́ ngɔr ngá̰ý ń ta róbə gān̄g dɔ loo ndɔr̄ i yān ní gān̄g dɔ adə̄n.

1 MBAN̄G GƏ̄ 14:5

Banī Kɔ́ɔ̄ɓē tāān kété ədan na nə̄yá̰ Jeroboam na a reē noó, ba na rāā rɔ̄n dəyá̰ kə́ rang tə́ kadə̄ deē gerə̄n alé. Na a dəjen najə̄ kə́ dɔ ngōnən kə mo̰y tə́. Ba kə tél kə tūr̄ kə ədan najə̄ kə́ beé ō, kə́ beé ō.

TƏ́DA 35:2

Ə́dá ngán Israel gə̄ ādə̄ əya̰n̄ ɓē yādə́ kə́rēý gə̄ adə̄n̄ ngán Lebi gə̄ kadə̄ ndin̄ tū tə́. Ādə̄ əya̰n̄ dɔ nang gə̄ ń gīrə̄n̄ gidə ɓē gə̄ ní adə̄n̄də́ ō.

LEBI GƏ̄ 25:49

Ngōkó̰o̰ bɔbə̄n, aláa ngōn̄ ngōkó̰o̰ bɔbə̄n, aláa ngeen kə́rēý kə́ ngɔr ngá̰ý a asə gān̄g dɔn. Aláa ré yá̰a̰ i jīn nəkɔ́ tə́ anī, nəkɔ́ asə gān̄g dɔ rɔ̄n.

LEBI GƏ̄ 25:34

Loo kə́ gidə ɓē yā ngán Lebi gə̄ tə́ ní, deē a igəń alé, tām̄ i yá̰a̰ kəngedə́ kə́ a to ngándáńg.

LEBI GƏ̄ 25:23

Deē a igə kə dɔ nangaá kə́ njɔ́ḿ gə̄ tə́ alé, tɔdɔ̄ ɓē i yāḿ mā Kɔ́ɔ̄ɓē. Ī-ndiī dɔ nang yāḿ tə́ i tītə̄ tə̄rā gə̄ kə́ ngé nam̄ gə̄ ō, tītə̄ de gə̄ kə́ əhɔn̄ loo ndinə̄ń ō ngóy.

JEREMI 32:6

Jeremi əda na: Kɔ́ɔ̄ɓē ɔr̄ najə̄ seḿ tītə̄ ń toō beé:

JEREMI 32:8

Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

LEBI GƏ̄ 25:24

Adə̄ dɔ nang malang ń ā ī-taāī yā ndi tū tə́ ní, ā ādī ta róbə gān̄g dɔ loo ndɔr̄ gə̄ kə́ tū tə́.