JEREMI 32:5 - Bibəl ta Sar̄

⁵ Ə́da na, mban̄g kə́ Babilon tə́ na a əhɔ Sedekias yā kaw̄ seneé Babilon tə́ ō, na a ndi na i noó bátə́ kadə̄ Kɔ́ɔ̄ɓē ədań najə̄ kə́ dɔn tə́ ō ní? Tá ə́da na ré jə-nā rɔ̄ɔ̄ de kə́ Kalde tə́ gə̄ anī, na j-a jə-tetə rɔ̄ɔ̄ aĺ ō, ə́da na najə̄ ń Kɔ́ɔ̄ɓē əda ní n noó ō ní?

Bible sar

⁵ Ə́da na, mban̄g kə́ *Babilon tə́ na a əhɔ Sedekias yā kaw̄ seneé Babilon tə́ ō, na a ndi na i noó bátə́ kadə̄ Kɔ́ɔ̄ɓē ədań najə̄ kə́ dɔn tə́ ō ní? Tá ə́da na ré jə-nā rɔ̄ɔ̄ de kə́ Kalde tə́ gə̄ anī, na j-a jə-tetə rɔ̄ɔ̄ aĺ ō, ə́da na najə̄ ń Kɔ́ɔ̄ɓē əda ní n noó ō ní?

JEREMI 32:5 Referans Kwoze

EJEKIEL 17:15

Banī mban̄g kə́ kijə ní mbātə́ ta mban̄g kə́ Babilon, adə̄ əla de gə̄ Ejiptə tə́, kadə̄ ɓē kə́ Ejiptə adə̄n sə́nda gə̄ ō, ngé rɔ̄ɔ̄ gə̄ ngá̰ý ō. Deē ń rāā yá̰á̰ ń noō ní a asə a? Deē ń rāā yá̰a̰ beé ní a asə kaw̄ kum kə̄ kété a? A̰ á̰, ni a asə teē kum tə́ alé, tām̄ ni-ra dɔ ndūn ń ənī tə́ ní alé.

JEREMI 39:7

Gō tə́ anī, ni tɔ̄ɔ̄ kum Sedekias ba do̰ō̰n kə súl gində̄ nə̄ngá kasə kə́ kudə̄ naā tə́ jōó yā kaw̄ń seneé Babilon tə́.

JEREMI 33:5

De gə̄ ḭḭ ənīn̄ Kalde gə̄ rɔ̄ɔ̄ i yā kadə̄ nīń de gə̄ ń m-ā m̄-tɔ̄ldə́ kə wōngōó ō, kə wōn̄g kə́ ngá̰ý ō ní taań kem kújə gə̄ ń noō. Tɔdɔ̄ m̄-tūr̄ gidəḿ kɔ̄ɔ́ ta ɓē ń toō tə́ najə̄ kem ndul yān tə́.

JEREMI 27:22

A ɔyn̄ gotə yá̰a̰ rāā kəla gə̄ ní yā kaw̄ń Babilon, kadə̄ a to noó bátə́ ndɔ̄ ń m-ā m̄-sāań nja yā tél reēń gogə́ loo ń toō tə́ ní. Najə̄ ń Kɔ́ɔ̄ɓē əda ní n noó.

EJEKIEL 12:13

Mā Kɔ́ɔ̄ɓē m-ā m-ə̄yā gūmbə̄ non tə́ ō, m-ā m-ə́hɔn ō. M-ā m-āw̄ seneé kem ɓē yā Babilon gə̄ tə́, banī ni a asə ka̰a̰ ɓē ní aĺ ō, ni a oy i noó ō.

JEREMI 37:10

Ngé rɔ̄ɔ̄ gə̄ malang kə́ Kalde tə́ ń ənīn̄sí rɔ̄ɔ̄ ní, ká ré ā ī-tetiīdə́ rɔ̄ɔ̄ gə̄gē anī, ngé gə̄ ń ton̄ kə do kum gərāá rɔ̄də́ tə́ kem kújə tandā yādə́ gə̄ tə́ ní, a ḭḭn̄ dɔɔ́ yā kəla hor dɔ ɓē ń toō tə́.

JEREMI 2:37

Loo ń noō tə́ ḭ̄ ā ī-kán̄ jīí dɔí tə́ yā teēń. Rɔ̄kum, Kɔ́ɔ̄ɓē mbātə́ ngé gə̄ ń ə̄nī kemií ādə̄də́ mámák ní kɔ̄ɔ́. I beé n ā ī-teēń kum tə́ ní alé.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

2 YÁ̰A̰ GƏ̄ 24:20

Anī Ndíĺ Nə́ɓā reē dɔ Jakari ngōn̄ Yoyada nge tun̄ yá̰á̰ tə́, adə̄ ni-ḭḭ ra no kósə de gə̄ tə́ ba ədadə́ na: Nə́ɓā əda na yá̰a̰ gə̄ ń n-ədasí kadə̄ ī-rāāī ní ī-mbātíī rāā i tām̄ rí tə́? Nge ń noō ā ə́ngeī yá̰a̰ tū tə́ alé. Dan ń ə́ya̰ī Kɔ́ɔ̄ɓē kɔ̄ɔ́ ní, ni əya̰sí kɔ̄ɔ́ ō.

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

TƏ́DA 14:41

Moijə ədadə́ na: Ā ī-rāāī i rí n noó? Sḭḭ̄ ī-mānī i dɔ ndū Kɔ́ɔ̄ɓē, adə̄ a majə sesí alé.

JEREMI 32:6

Jeremi əda na: Kɔ́ɔ̄ɓē ɔr̄ najə̄ seḿ tītə̄ ń toō beé:

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

JEREMI 39:5

Ngé rɔ̄ɔ̄ gə̄ kə́ Kalde tə́ ngɔ̄də̄n̄ gōdə́ ba aw̄ əhɔn̄ Sedekias kem wól loo kə́ Jeriko tə́. Əhɔ aw̄n̄ seneé Ribəla kem ɓē kə́ Hamat tə́, rɔ̄ Nabukodonosor mban̄g kə́ Babilon tə́, adə̄ gān̄g sarya dɔn tə́.

NŌŌ RƆ̄ 1:14

Á̰a̰ī njúkə mbātə́ najə̄ yāḿ gə̄ n i kə́ rákə̄də́ ta naā tə́ toó. Ni do̰ō̰ naā tə́ kə jīneé ō, əga míndə́ḿ tə́ ō. Kɔ́ɔ̄ɓē taā tɔ́gə́ḿ kɔ̄ɔ́. Ni əlam̄ kem jī de kə́ m-ásə rɔ̄ɔ̄də́ dɔḿ tə́ aĺ gə̄ tə́.

EJEKIEL 12:12

Nge kɔr nosí a un yá̰a̰ yān yā kəndā dɔ bɔ̄gə̄n tə́ ndɔ̄ɔ́ ba a teē kɔ̄ɔ́ kem ɓēé. A mbutən̄ kum loo tū ndogə̄ mbal̄ tə́ yā kadə̄ ni teēń kə̄ gidə kə́rēý tə́. Ni a utə̄ ta kumən kɔ̄ɔ́ yā kadə̄ ni a a̰a̰ń loo ń ni a aw̄ kum kə̄ tū tə́ ní alé.

JEREMI 39:4

Dan ń Sedekias, mban̄g kə́ Juda tə́ ō, ngé rɔ̄ɔ̄ gə̄ malang ō, a̰a̰n̄də́ anī, nin̄ teēn̄ kɔ̄ɔ́ kem ɓēé a̰ȳn̄ naā, teēn̄ kem ndɔr̄ yā mban̄g tə́ dan ndɔ̄ɔ́, kə ta róbə́ kə́ dɔ dán ndogə̄ mbal̄ kə́ jōó gə̄ tə́. Adə̄ nin̄ a̰ȳn̄ naā i kum kə̄ Araba tə́.