JEREMI 32:44 - Bibəl ta Sar̄

⁴⁴ A mbɔ̄jə́n̄ nar yā mangəń loo ndɔr̄ gə̄ ō, a ndangən̄ makətūbə̄ kə́ ɔjə dɔ ō, a ɓārə́n̄ de gə̄ kadə̄ nin̄ i kə́ kum tə́ yā kəndāń tambō̰o̰ tū makətūbə̄ ní tə́ ō. A ḭḭn̄ i kem ɓē gə̄ kə́ Juda tə́ ō, kem ngé kə́ dɔ mbalá gə̄ tə́ ō, ngé kə́ mbal̄ bo gətóo tū tə́ gə̄ tə́ ō, ngé kə́ Negeb tə́ gə̄ ō n a reēn̄ ní. Tɔdɔ̄ m-ā m̄-tél yā kəndādə́ kijə. Najə̄ ń Kɔ́ɔ̄ɓē əda ní n noó.

Bible sar

⁴⁴ A mbɔ̄jə́n̄ nar yā mangəń loo ndɔr̄ gə̄ ō, a ndangən̄ makətūbə̄ kə́ ɔjə dɔ ō, a ɓārə́n̄ de gə̄ kadə̄ nin̄ i kə́ kum tə́ yā kəndāń *tambō̰o̰ tū makətūbə̄ ní tə́ ō. A ḭḭn̄ i kem ɓē gə̄ kə́ *Juda tə́ ō, kem ngé kə́ dɔ mbalá gə̄ tə́ ō, ngé kə́ mbal̄ bo gətóo tū tə́ gə̄ tə́ ō, ngé kə́ Negeb tə́ gə̄ ō n a reēn̄ ní. Tɔdɔ̄ m-ā m̄-tél yā kəndādə́ kijə. Najə̄ ń Kɔ́ɔ̄ɓē əda ní n noó.

JEREMI 32:44 Referans Kwoze

JEREMI 17:26

De gə̄ a ḭḭn̄ ɓē gə̄ kə́ Juda tə́ ō, kem ɓē gə̄ ń ndi gīrə̄n̄ gidə Jerusalem ní ō, kem ɓē gə̄ kə́ Benjamḛ tə́ ō, dɔ nang kə́ mbal̄ bo gətóo tū tə́ tə́ ō, kə́ mbalá tə́ ō, kə́ Negeb tə́ ō, yā reē. Ngé gə̄ ń adə̄n̄ dā̰ gə̄ kə́ yā róō horoó ō, kə́ yā tun̄ ō, kadə̄ karī gə̄ ō, kajaja ō ní, a reēn̄ naā tə́ kə ngé gə̄ ń a adə̄n̄ yá̰a̰ tun̄ kə́ yā tɔ̄ȳiń Kɔ́ɔ̄ɓē kem kújə yān tə́ ní.

JEREMI 33:26

kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

JEREMI 33:7

M-ā m̄-tél yā kəndā Juda gə̄ ō, Israel gə̄ ō kijə. M-ā m̄-rāā kadə̄ nin̄ tél ndin̄ majə gogə́ tītə̄ kə́ kété.

JEREMI 32:10

m̄-ndang makətūbə̄ kə́ ɔjə dɔ loo ń m̄-mang ní, ba m-ə̄ndā tambō̰o̰ tū tə́, ta kum de gə̄ ń m̄-ɓāŕdə́ kadə̄ reēn̄ kum tə́ ní. m̄-mbɔ̄jə́ kɔȳ nar ní dɔ yá̰a̰ mbɔ̄jə́ kɔȳ yá̰á̰ tə́.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

JEREMI 13:19

Ta ɓē gə̄ kə́ Negeb i kə́ kutə̄ kɔ̄ɔ́, deē kógə̄ḿ kə́ reē yā teē gətóo. Aw̄n̄ kə de kə́ Juda tə́ malang dɔ ɓē kə́ rang tə́. I kəhɔ de gə̄ kə taá malang kaw̄ sedə́ dɔ ɓē kə́ rang tə́ dɔ gúú tə́.

JEREMI 30:3

Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

JEREMI 33:13

Batə̄ gə̄ a tél yā mānə̄n̄ kə gō naá no nge tə́dádə́ tə́ kem ɓē gə̄ kə́ dɔ mbalá tə́ ō, kə́ mbal̄ bo gətóo tū tə́ ō, kem ɓē gə̄ kə́ Negeb tə́ ō, kem ɓē yā Benjamḛ tə́ ō, kə gō gidə ɓē kə́ Jerusalem ō, kem ɓē gə̄ kə́ Juda tə́ ō. Najə̄ ń Kɔ́ɔ̄ɓē əda ní n noó.

ABƏDIAS 1:19

Juda gə̄ kə́ dām̄ mbɔ́r ɓē kə́ geleé tə́ a taān̄ mbal̄ bo gə̄ kə́ Edom ō, ngé gə̄ ń ndin̄ ndágə mbō gə̄ tə́ ní, a taān̄ dɔ nang yā Pilistin gə̄ ō. Nin̄ ndin̄ gō nang yā de gə̄ kə́ gír ɓē yā Epəraim tə́ ō, Samari tə́ ō. De kə́ gír ɓē yā Benjamḛ tə́ gə̄ a taān̄ gō nang kə́ Galaad.

ABƏDIAS 1:20

Ɓē ko̰o̰ yā Israel kə́ dām̄ mbór ɓē kə́ ko̰ó̰ tə́ ní, de kə́ kemeé gə̄ ń tə̄ɓān̄də́ kɔ̄ɔ́ dɔ nang yādə́ tə́ ní, a ɓoon̄ naā yā tél ɓūtə̄ ngé rɔ̄ɔ̄ kə́ rɔ̄kum gə̄. Nin̄ a taān̄ ɓē kə́ Penisi bátə́ ta kaw̄ kə̄ Sarepta. De kə́ Jerusalem gə̄ ń tə̄ɓān̄də́ kɔ̄ɔ́ dɔ nang yādə́ tə́, á ndin̄ Separad ní, a ndin̄ kem ɓē bo gə̄ kə́ dām̄ mbɔ́r ɓē kə́ geleé tə́ tə́.

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.

JAKARI 7:7

Kɔ́ɔ̄ɓē əndā najə̄ gə̄ ń noō ta ngé koō gə̄ tə́ adə̄ nin̄ gɔŕyɔ̄nəń de gə̄ kété kɔ̄ɔ́ ɓá. Dan ngeé ń noō tə́ ní, de kə́ Jerusalem gə̄ ō, kə́ kem ɓē gə̄ ń gīrə̄n̄ gidə ɓē kə́ Jerusalem ō tə́ ní, ndin̄ lɔm. Gō nang kə́ Negeb ō, gō nang kə́ mbal̄ bo gə̄ gətóon̄ tū tə́ ō ní, de gə̄ ndin̄ tū tə́.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.