JEREMI 32:38 - Bibəl ta Sar̄

³⁸ Nin̄ a télən̄ gír deē yāḿ gə̄ ō, mā m̄-tél Nə́ɓā yādə́ ō.

Bible sar

³⁸ Nin̄ a télən̄ gír deē yāḿ gə̄ ō, mā m̄-tél Nə́ɓā yādə́ ō.

JEREMI 32:38 Referans Kwoze

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.

HEBƏRO 8:10

Ni-əda ɓáý to̰ na: Gō ndɔ̄ gə̄ ngeé ń noō tə́ ní, madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.

EJEKIEL 37:27

M-ā m̄-ndi dansí tə́. Adə̄ mā i Nə́ɓā yāsí ō, sḭḭ̄ i gír deē yāḿ gə̄ ō.

PĀ GƏ̄ 144:15

Rɔ̄nel̄ i kə gír de gə̄ ń yá̰a̰ kə́ majə gə̄ ń noō malang ton̄ loodə́ ní! Rɔ̄nel̄ i kə gír de gə̄ ń Kɔ́ɔ̄ɓē i Nə́ɓā yādə́ ní!

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

EJEKIEL 36:28

Loo ń noō tə́ ā ī-ndiī kem ɓē ń m-ādə̄ kaasí gə̄ ní tə́ ō, sḭḭ̄ i gír deē yāḿ gə̄ ō, mā i Nə́ɓā yāsí ō.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

JEREMI 30:22

Sḭḭ̄ ā ī-téliī gír deē yāḿ gə̄ ō, mā m-ā m̄-tél Nə́ɓā yāsí ō.

EJEKIEL 39:22

Əla gír kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

HEBƏRO 11:16

Kə́ rɔ̄kum tə́ tā anī nin̄-gḛyn̄ i ɓē kə́ majə tɔȳ nge ń nin̄-teēn̄ kemeé á reēn̄ ní. Kumən na nin̄-gḛyn̄ i ɓē kə́ dɔ rā̰ tə́. I tām̄ najə̄ ń noō tə́ n ré ɓārə́n̄ Nə́ɓā na i Nə́ɓā yādə́ anī, rɔ̄ Nə́ɓā sɔlə̄n aĺ ní. Tɔdɔ̄ Nə́ɓā rāā ɓē kógə̄ḿ tām̄ yādə́ tə́.

EJEKIEL 39:28

Dan ń mā m-ɔ́sə dɔ Israel gə̄ kə̄ naā tə́ dɔ nang yādə́ tə́ anī, m-ā m-ə́ya̰ deē kógə̄ḿ kadə̄ na̰y kem ɓē gə̄ ń m̄-tə̄ndā m̄-tḭ̄ḭ̄də́ tū tə́ ní tə́ alé. Kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.

NDŪ NAJƏ̄ 14:23

Dɔ kōō ō, dɔ man̄ nduú ō, dɔ yibə̄ ō, kə́ nge ko̰ kutə ń ɔ̄rī ní ō, hágə man̄g ō, hágə batə̄ ō, hágə bə̄yā̰ ō ní, ā ə́saī i ta kum Kɔ́ɔ̄ɓē Nə́ɓā yāsí tə́, loo ń a gə̄rā yā kəndā rīn dɔ tə́ ní tə́. I beé n ā ī-ndóōīneé loo ɓōĺ Ndíĺ Kɔ́ɔ̄ɓē Nə́ɓā yāsí kə dɔ ndɔ̄ gə̄ ní.

IJAI 65:23

Nin̄ a ɔrən̄ ndāńg karī to̰ alé. Nin̄ a ojən̄ ngán gə̄ yā ka̰a̰də́ loo koy tə́ to̰ alé. Tɔdɔ̄ nin̄ rāān̄ rɔ̄də́ i kojə yā ngé gə̄ ń mā m̄-tɔ́r̄ taḿ dɔdə́ tə́ ní, nin̄ gə̄gē ngáńdə́ gə̄gē.

EJEKIEL 16:60

Ba mā tā a m-ā m̄-ra dɔ madə̄ naā ń m-ə́hɔ seí dan mandií tə́ ní ō, m-ā m̄-tūr̄ madə̄ naā kə́ a to ngándáńg.

2 SAMUEL 7:24

Kɔ́ɔ̄ɓē, ḭ̄ ī-rāādə́ gír deē yāí gə̄ tə́ kə́ njɔ́ḿ gə̄ tə́ ō, ī-tél Nə́ɓā yādə́ ō.