JEREMI 32:37 - Bibəl ta Sar̄

³⁷ M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

Bible sar

³⁷ M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

JEREMI 32:37 Referans Kwoze

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

EJEKIEL 11:17

Adə̄ ə́dádə́ najə̄ ń toō ādə̄m̄, ə́dádə́ na: Mā Kɔ́ɔ̄ɓē Nə́ɓā, m-ā m-ɔ́ýsí dan gír de kə́ tayā tayā gə̄ ń m̄-tə̄ndā m̄-tḭ̄ḭ̄sí dandə́ tə́ ní ō, m-ā m-ɔ́ýsí kem ɓē gə̄ ń āwī tū tə́ dɔ gúú tə́ ní ō, yā kɔsə njasí naā tə́, ba yā tél kadə̄sí dɔ nang kə́ Israel tə́ gogə́.

JEREMI 33:16

Ɓāl̄ yān tə́ ní, ngán Juda gə̄ a ajən̄ ō, de kə́ Jerusalem gə̄ a ndin̄ kanjə̄ kadə̄ yá̰á̰ kógə̄ḿ a̰ȳ ndíĺdə́ ō. Rī ń de gə̄ a ɓārə́n̄neé Jerusalem ní n toó: Kɔ́ɔ̄ɓē i nge rāājí kadə̄ jə-téliī de kə́ gōtə́ gə̄.

PĀ GƏ̄ 106:47

Kɔ́ɔ̄ɓē Nə́ɓā yājí, ájə́jí, ɔ́sə njají kə̄ naā tə́ dan nápar de kə́ rang gə̄ tə́. Loo ń noō tə́ j-a jə-tɔ̄yī anī, j-a j-əda rīí kə́ táĺ, j-a j-a̰a̰ yá̰a̰ ta kum naā tə́ tām̄ kɔsə kə́ j-ɔsə gɔnií tə́.

JAKARI 14:11

De gə̄ a ndin̄ kem ɓēé ō, deē a nujə ɓē to̰ aĺ ō, de gə̄ a ndin̄ kemeé kanjə̄ sōl̄ yá̰á̰ kógə̄ḿ ō.

JEREMI 23:8

A ədan̄ na: Kɔ́ɔ̄ɓē ń ɔr̄ ngán Israel gə̄ kɔ̄ɔ́ dɔ nang kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń ni tə̄ndā tḭ̄ḭ̄də́ tū tə́ tə́ ní ō, ba tél reē sedə́ kadə̄ ndin̄ dɔ nang yādə́ tə́ ō ní, ni-ndi kə kumneé noō. Najə̄ ń Kɔ́ɔ̄ɓē əda ní n noó.

JAKARI 3:10

Ndɔ̄ ngeé ń noō tə́ ní, ā ī-ɓāríī naā kem ndɔr̄ kāgə̄ nduú yāsí gə̄ tə́ ō, ā ī-ɓāríī naā ndíl kāgə̄ kótə̄ yāsí gə̄ tə́ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

SOPONI 3:20

Kum mbang ngeé noō tə́ ní, m-ā m̄-rāāsí kadə̄ ī-tél ī-reēī gogə́. m-ā m-ɔ́sə dɔsí naā tə́. M-ā m̄-tūr̄ yá̰á̰ ń rāāsí ní kɔ̄ɔ́ kə̄ ta kumsí tə́ beē. M-ā m̄-rāā kadə̄ rīsí a ɓār̄ ō, m-ā m̄-rāā kadə̄ a rɔyn̄sí ō, dan gír de gə̄ malang kə́ dɔ nang tə́ tə́. I Kɔ́ɔ̄ɓē n ɔr̄ najə̄ ní.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

JEREMI 33:7

M-ā m̄-tél yā kəndā Juda gə̄ ō, Israel gə̄ ō kijə. M-ā m̄-rāā kadə̄ nin̄ tél ndin̄ majə gogə́ tītə̄ kə́ kété.

JEREMI 31:10

Nápar de gə̄, ōōī najə̄ yā Kɔ́ɔ̄ɓē. Ə̄nīī mbēr̄ yān ādī ngé gə̄ ń ndin̄ loo kə́ sa̰y ngá̰ý tə́ ní oōn̄. Ədaī na: Nge ń tə̄ndā ngán Israel gə̄ tḭ̄ḭ̄də́ naā tə́ ní a ɔsə dɔdə́ naā tə́. Ni ngɔ̄m̄də́ tītə̄ ń nge kul̄ yá̰a̰ ngɔ̄məń yá̰a̰ kul̄ yān gə̄ ní beē.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

EJEKIEL 36:24

M-ā m-ɔ̄r̄sí kɔ̄ɔ́ dan nápar de gə̄ tə́ ō, m-ā m-ɔ́ýsí kem ɓē gə̄ ń ī-ndiī tū tə́ ní tə́ yā kɔsə njasí naā tə́ ba reē sesí gogə́ dɔ nang yāsí tə́.

JEREMI 16:14

Najə̄ ń de gə̄ ədan̄ ngándáńg na Kɔ́ɔ̄ɓē kə́ nge rāā kadə̄ ngán Israel gə̄ teēn̄ kem ɓē kə́ Ejiptə tə́ kɔ̄ɔ́ na ndi kə kumneé noō ní, de gə̄ a ton̄ dan kəda tə́ to̰ alé, ba á̰a̰ī kem ndɔ̄ gə̄ ń a reēn̄ noó tə́ ní a ədan̄ na:

JEREMI 16:15

Kɔ́ɔ̄ɓē ń rāā adə̄ ngán Israel gə̄ teēn̄ kem ɓē kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń tə̄ndā tḭ̄ḭ̄də́ tū tə́ ní ō ní na ndi kə kumneé noō. Tɔdɔ̄ m-ā m̄-tél yā reē sedə́ dɔ nang ń m-ādə̄ kaadə́ gə̄ ní tə́ rɔ̄kum. Najə̄ ń Kɔ́ɔ̄ɓē əda ní n noó.

JEREMI 21:5

I mə̄kɔ́ n m-ā m̄-rɔ̄ɔ̄sí ní, kə tɔ́gə jīḿ kə́ ra dɔsí tə́ dɔɔ́. M-ā m̄-rɔ̄ɔ̄sí kə wōngōó, i wōn̄g kə́ to ɓōĺ ngá̰ý ō.

JEREMI 24:6

M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

JEREMI 32:15

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: De gə̄ a mangən̄ kújə gə̄ ō, loo ndɔr̄ gə̄ ō, kāgə̄ nduú gə̄ ō kem ɓē ń toō tə́.

EJEKIEL 28:25

Najə̄ ń Kɔ́ɔ̄ɓē Nə́ɓā ɔr̄ ní n toó: Ngán Israel gə̄ ń m̄-tə̄ndā m̄-tḭ̄ḭ̄də́ dan gír de gə̄ tə́ ní, m-ā m-ɔ́sə njadə́ kə̄ naā tə́. I tītə̄ ń noō n m-ā m-ɔ́jəń gotə nápar de gə̄ kadə̄ mā i Nə́ɓā kə́ táĺ ní. Ngán Israel gə̄ a ndin̄ dɔ nang yādə́ tə́, dɔ nang ń m-ādə̄ nge kəla yāḿ Jakob ní.

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

EJEKIEL 20:34

M-ā m̄-teē sesí kɔ̄ɔ́ dan gír de kə́ tayā gə̄ tə́ ō, kem ɓē gə̄ ń ī-tḭ̄ḭ̄ naā tū tə́ ní ō, ba m-ā m-ɔ́sə njasí kə̄ naā tə́. Loo rāā tə́ beé ní, m-ā m-ɔ́jə́sí tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō.

EJEKIEL 28:26

Nin̄ a ndin̄ loo ń kanjə̄ sōl̄ yá̰á̰ kógə̄ḿ. Nin̄ a rāān̄ kújə gə̄ ō, a ndɔrə̄n̄ kāgə̄ nduú gə̄ ō. Nin̄ a ndin̄ kanjə̄ sōl̄ yá̰á̰ kógə̄ḿ. Tɔdɔ̄ gír de gə̄ ndin̄ kadədə́ gə̄ tə́ á i madə̄ ɓēdə́ kə́ ngé kídə̄də́ gə̄ ní, m-ā m-ún sarya gāngə̄ḿ yā rāań yá̰a̰ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē Nə́ɓā yādə́ i mā.